ମୁଣ୍ଡ ବିନ୍ଧାର କାରଣ ପାଲଟିଛି ନିୟମିତ ବିଦ୍ୟୁତ୍‌ କାଟ

ଗୁଣୁପୁର: ଲୋକଙ୍କ ମୁଣ୍ଡବିନ୍ଧାର କାରଣ ପାଲଟିଛି ନିୟମିତ ବିଦ୍ୟୁତ୍ କାଟ୍। ବାରମ୍ବାର ବିଦ୍ୟୁତ୍ କାଟ୍ ସତ୍ତ୍ୱେ ବି ଆସୁଛି ମୋଟା ଅଙ୍କର ବିଲ୍। ରାୟଗଡା ଗୁଣୁପୁରରେ ଏବେ ଅସହ୍ୟ ହେଲାଣି ଏ ସମସ୍ୟା। ସେହିପରି ରାମନଗୁଡା ଭଳି କିଛି ବ୍ଲକରେ ଏଲ୍ଆଇ ପଏଣ୍ଟ ଥାଇ ବି ବିଜୁଳି ନଥିବାରୁ ଚାଷ ଜମିକୁ ପାଣି ମାଡି ପାରୁନାହିଁ।

ବିଦ୍ୟୁତ୍ ଖଣ୍ଟ ଅଛି, ମିଟର ଲାଗିଛି । ହେଲେ ବିଜୁଳି ନାହିଁ । ପାଠ ପଢିବା ପାଇଁ ଭରସା ଡିବିରି ବତି । ଘର ଭିତରେ ଡିବିରି ଲଗେଇ ପାଠ ପଢୁଛନ୍ତି ପିଲା । ରାୟଗଡା ଗୁଣୁପୁର ପୁଟା ଗାଁରେ ଦେଖିବାକୁ ମିଳିଛି ଏପରି ଦୃଶ୍ୟ । ଗାଁରେ ସବୁ ସୁବିଧା ଥାଇ ମଧ୍ୟ ଅନ୍ଧାରରେ ରହୁଛନ୍ତି ଲୋକେ । ତେବେ ମାସ ଶେଷରେ କିନ୍ତୁ ଆସୁଛି ମୋଟା ଅଙ୍କର ବିଲ୍। ଯାହା ଉପଭୋକ୍ତାଙ୍କ ଚିନ୍ତା ବଢ଼ାଇ ଦେଇଛି। ବିଜୁଳିର ଲୁଚକାଳି ଭିତରେ କାହାର ୫ ହଜାର ତ ଆଉ କାହାର ୧୦ ହଜାର ବିଲ୍ ଆସୁଥିବାରୁ ଅସନ୍ତୋଷ ପ୍ରକାଶ କରିଛନ୍ତି ସ୍ଥାନୀୟ ବାସିନ୍ଦା ।

Also Read

ଚାଷୀଙ୍କ ଉପରୁ ମାମଲା ପ୍ରତ୍ୟାହାର ପାଇଁ ନିର୍ଦ୍ଦେଶ ଦେଲେ ପଞ୍ଜାବ ମୁଖ୍ୟମନ୍ତ୍ରୀ

ତାଲିବାନକୁ ଆଣବିକ ଅସ୍ତ୍ର ଦେବ ପାକିସ୍ତାନ !

ଓଡ଼ିଆ ବାୟୁସେନା ଅଧିକାରୀ ଦିଲୀପ ପଟ୍ଟନାୟକଙ୍କୁ ମିଳିଲା ବଡ଼ ଦାୟିତ୍ୱ

ଏପଟେ ଅଚଳ ପଡ଼ିଛି ଉଠା ଜଳସେଚନ ପ୍ରକଳ୍ପ। ବାରମ୍ବାର ବିଦ୍ୟୁତ୍ କାଟ୍ ଯୋଗୁଁ ଏଲ୍ଆଇ ପଏଣ୍ଟ ଥାଇ ସୁଦ୍ଧା ଏହା କାମରେ ଆସିପାରୁନାହିଁ । ଫଳରେ ରାୟଗଡା ରାମନଗୁଡା ବ୍ଲକ୍ ଭାମିନି, ପଦ୍ମପୁର ବ୍ଲକର ନାଇରା ଓ ଡେରିଗାଁ ଅଞ୍ଚଳର ଶହ ଶହ ହେର ଜମିକୁ ହୋଇପାରୁନି ଜଳ ସେଚନ। ତେବେ ସମସ୍ୟାର ସମାଧାନ ପାଇଁ ପଦକ୍ଷେପ ନିଆଯାଉଥିବା ବିଦ୍ୟୁତ୍ ବିଭାଗ ନିର୍ବାହୀ ଯନ୍ତ୍ରୀ କହିଛନ୍ତି। ମୁଣ୍ଡବିନ୍ଧାର କାରଣ ପାଲଟିଛି ନିୟମିତ ବିଦ୍ୟୁତ୍ କାଟ୍

OTV is now on Whatsapp

Join and get latest news update delivered to you via whatsapp

Join Now