LIVE TV
ଆଜି ମାଲକାନଗିରି ଜିଲ୍ଲା ଗସ୍ତରେ ଆସୁଛନ୍ତି ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ । ମାଲକାନଗିରି ଡିଆର୍ଡିଏ କନ୍ଫରେନ୍ସ ହଲରେ ସେ ବିଭିନ୍ନ ଯୋଜନାର ସମୀକ୍ଷା କରିବେ । କେନ୍ଦ୍ରୀୟ ଯୋଜନା ଗୁଡ଼ିକ କେମିତି କାର୍ଯ୍ୟକାରୀ ହେଉଛି, ତାର ତଦାରଖ କରିବେ କେନ୍ଦ୍ରମନ୍ତ୍ରୀ । ଏହି ବୈଠକରେ ଜିଲ୍ଲା ପ୍ରଶାସନର ବରିଷ୍ଠ ଅଧିକାରୀଙ୍କ ସହିତ ଜନ ପ୍ରତିନିଧି ମଧ୍ୟ ଉପସ୍ଥିତି ରହିବେ ।
ଏହି ସମୀକ୍ଷା ଆଜି ସକାଳ ୧୦ଟାରେ ବୈଠକ ହେବ । ଏହାସହ ବିଶାଖାପାଟଣା-କୋରାପୁଟ ଦୈନିକ ପାସେଞ୍ଜର ଟ୍ରେନ୍ର ଉଦ୍ଘାଟନ କରିବେ । ଯାହା ପରେ ପରେ ସେ ସଂସ୍କୃତି ଭବନରେ ବିଜେପି କର୍ମୀଙ୍କୁ ଭେଟିବେ ।
ଅପରାହ୍ନରେ ଏକ ସାମ୍ବାଦିକ ସମ୍ମଳନୀ କରିବା ପରେ ଅଶ୍ୱିନୀ ବୈଷ୍ଣବ ବିଶାଖାପାଟଣା ଦେଇ ରାଜଧାନୀ ଦିଲ୍ଲୀ ଫେରିଯିବେ ବୋଲି ଜଣାପଡ଼ିଛି ।
ରାଜ୍ୟର ଆକାଂକ୍ଷୀ ଜିଲ୍ଲାଗୁଡ଼ିକରେ ବିକାଶ କାମ ବିଶେଷ କରି କେନ୍ଦ୍ରୀୟ ଯୋଜନାଗୁଡ଼ିକ କେମିତି କାର୍ଯ୍ୟକାରୀ ହେଉଛି, ଏହାର ତଦାରଖ କରିବାକୁ କେନ୍ଦ୍ରମନ୍ତ୍ରୀମାନେ ଓଡ଼ିଶା ଆସୁଛନ୍ତି ।
