ପାର୍ବଣ ବେଳେ ରାଡାରରେ ରହିବେ ଅପରାଧୀ : ଅଧିକ ଅମାନିଆ ହେଲେ ଗିରଫ୍ କରିବ ପୋଲିସ୍

ଭୁବନେଶ୍ୱର : ’ଦୁର୍ଗାପୂଜାରେ ଅମାନିଆ ଲୋକଙ୍କୁ କ୍ଷମା ମିଳିବନି । ନିମୟ ଖିଲାପ କଲେ ଦଣ୍ଡ ।  ମନଇଚ୍ଛା ବୁଲିଲେ ମାମୁଁଘର ହାୱା ଖାଇବାକୁ ପଡ଼ିବ । ପାର୍ବଣ ବେଳେ ଅପରାଧୀଙ୍କ ଉପରେ ରହିବ କଡ଼ା ନଜର ରଖିବ କମିଶନରେଟ୍ ପୋଲିସ୍ । ଟ୍ୱିନ୍ ସିଟିରେ ପୋଷାଦାର ଅପରାଧୀ ଓ ଅମାନିଆଙ୍କ ବିରୋଧରେ କାର୍ଯ୍ୟାନୁଷ୍ଠାନ ବି ହେବ । ଆଜି ସାମ୍ବାଦିକ ସମ୍ମିଳନୀରେ କିଛି ଏଭଳି ଚେତାବନୀ ଦେଇଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ।

ରାଜ୍ୟରେ କରୋନା ସଂକ୍ରମଣ କମୁଥିଲେ ହେଁ ପାର୍ବଣ ଋତୁରେ ସଂକ୍ରମଣ ବଢ଼ିବା ଆଶଙ୍କା ନେଇ ଟୁଇନ୍ ସିଟି ବାସିନ୍ଦାଙ୍କୁ ପୋଲିସ କମିଶନର ଅପିଲ୍ କରିଛନ୍ତି । ୧୧ ତାରିଖ ଅର୍ଥାତ ସୋମବାରଠୁ ନାଇଟ୍ କର୍ଫ୍ୟୁ ଲାଗୁ ହେଉଛି । ଏହି ସମୟରେ ପେଷାଦାର ଅପରାଧୀଙ୍କ ଉପରେ କଡ଼ା ନଜର ରଖାଯାଇଛି । ରାତି ୮ଟା ପରେ କଟକଣାକୁ ଯେପରି କଡ଼ାକଡ଼ି ପାଳନ କରାଯିବ ତା ଉପରେ ଗୁରୁତ୍ୱ ଦିଆଯିବ । 

କୋଭିଡ୍ ମହମାରୀ ପ୍ରକୋପକୁ ହ୍ରାସ କରିବା ଏହି କଟକଣାର ଏକମାତ୍ର ଲକ୍ଷ୍ୟ । ପୂଜା ମଣ୍ଡପରେ କିଏ ଲାଇଟ୍ ଲଗାଇଲେ କୌଣସି କଟକଣା ନାହିଁ ।  ତେବେ ଅଭ୍ୟାସଗତ ଅପରାଧୀଙ୍କୁ ଧରିବା ପାଇଁ ସ୍ପେସିଆଲ ଡ୍ରାଇଭ୍ ଆରମ୍ଭ ହୋଇସାରିଛି । ଦାଦାବଟିକୁ ନା କରାଯାଇଛି । କଟକ ଭୁବନେଶ୍ୱରରେ ଅନେକ ଅପରାଧୀଙ୍କୁ ଗିରଫ କରାଯାଇଛି । ସେହିପରି ଦୁର୍ଗାପୂଜା ବେଳେ ସର୍ତକ ରହିବା ସହ ନିୟମ ପାଳନ କରିବାକୁ ଲୋକଙ୍କୁ ଅପିଲ କରିଛନ୍ତି ସିପି । 

ଅନ୍ୟପଟେ ଡ୍ରଗ୍ସ ବିରୋଧୀ ଅଭିଯାନ ସମ୍ପର୍କରେ ମଧ୍ୟ ପ୍ରେସମିଟ୍ କରାଯାଇଛି । ଆଜି ବାଲିଅନ୍ତାରୁ ୨୬୦ ଗ୍ରାମର ବ୍ରାଉନସୁଗାର ଜବତ ହୋଇଥିବା କହିଛନ୍ତି ସିପି । ବ୍ରାଉନସୁଗାର ଗାର ଜବତ ସହ ଜଣଙ୍କୁ ଗିରଫ କରିଛି ପୋଲିସ। ୨୦୨୧ରେ ଟୁଇନ୍ ସିଟିରୁ ୧୦ କେଜିରୁ ଊର୍ଦ୍ଧ୍ୱ ବ୍ରାଉନସୁଗାର ଜବତ ହୋଇଛି । ଭୁବନେଶ୍ୱର ଅର୍ବାନରୁ ୫ କେଜିରୁ ଊର୍ଦ୍ଧ୍ୱ ଓ କଟକରୁ ୪ କେଜିରୁ ଊର୍ଦ୍ଧ୍ୱ ଜବତ କରାଯାଇଛି । ଏହାସହ ଭୁବନେଶ୍ୱରରୁ ନଗଦ ୪୩ ଲକ୍ଷ ୫୦ ହଜାର ଟଙ୍କା ମଧ୍ୟ ଜବତ ହୋଇଛି । ଭୁବନେଶ୍ୱରରୁ ୬୭ ଜଣ ଓ କଟକରୁ ୩୦ ଜଣଙ୍କୁ ଗିରଫ କରାଯାଇଛି । ଆଗକୁ ମଧ୍ୟ ଡ୍ରଗ୍ସ ବିରୋଧୀ ଅଭିଯାନ ଜାରି ରହିବ କହିଛନ୍ତି ସିପି ।

Also Read

ଉତ୍ତରାଖଣ୍ଡ ପରେ ଅରୁଣାଚଳ ପ୍ରଦେଶ : ପୁଣି ଭାରତ ସୀମା ଭିତରକୁ ପଶିଆସିଲେ ଚୀନ୍ ସୈନ୍ୟ

କ୍ୟାପିଟାଲ ହସ୍ପିଟାଲରେ ଭର୍ତ୍ତି ହେଲେ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ

IPL ପ୍ଲେଅଫ୍‌ରୁ ମୁମ୍ବାଇ ଆଉଟ୍, କୋଲକାତା ଇନ୍‌

ସେହିପରି ରେଭ୍ ପାର୍ଟି ଉପରେ ନଜର ରହିବ ବୋଲି କହିଛନ୍ତି ସିପି ସୌମେନ୍ଦ୍ର ପ୍ରିୟଦର୍ଶୀ । ରେଭ୍ ପାର୍ଟିରେ ନିଶା ସେବନ ଉପରେ କଡ଼ା ନଜର ରହିବ । ଆଇନ ଉଲ୍ଲଂଘନ କଲେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।