ହୀରା ଠାରୁ ବି ଅଧିକ ମୂଲ୍ୟବାନ ଏହି ଫଳ

ଦୁନିଆରେ ଅନେକ ପ୍ରକାରର ଫଳ ଅଛି ଏବଂ ସେଗୁଡ଼ିକର ମୂଲ୍ୟ ମଧ୍ୟ ଭିନ୍ନ। ସାଧାରଣତଃ ଫଳର ମୂଲ୍ୟ ଅତିବେଶୀରେ ୪୦୦ କିମ୍ବା ତା’ଠାରୁ ବେଶୀ ହେଲା ୫୦୦ ଟଙ୍କା ହୋଇଥାଏ। କିନ୍ତୁ ଲୋକମାନେ ଏହାକୁ ମହଙ୍ଗା ମନେକରନ୍ତି। ଭାରତରେ ଅନେକ ପ୍ରକାରର ଫଳ ଏବଂ ପନିପରିବା ମିଳିଥାଏ। ସମସ୍ତେ ନିଶ୍ଚିତ ଭାବରେ ସେଓ, ଅଙ୍ଗୁର, ଡାଳିମ୍ବ, କମଳା, ଆମ୍ବ, ଲିଚି ଆଦି ଖାଇଥିବେ ଆଉ ଏ ସବୁର ମୂଲ୍ୟ ମଧ୍ୟ ଜାଣିଥିବେ। କିନ୍ତୁ ଯଦି କୌଣସି ଫଳ କିଲୋ ପିଛା ଲକ୍ଷ ଟଙ୍କା ହୁଏ ତେବେ ଆପଣ କ’ଣ କରିବେ? କିଣିବା ତ ଦୂରର କଥା ସାଧାରଣ ଲୋକ ଏହା ବିଷୟରେ ସ୍ୱପ୍ନରେ ସୁଧା ଭାବିବେ ନାହିଁ।

ଦୁନିଆରେ ଏପରି ଅନେକ ଫଳ ଅଛି, ଯାହାର ମୂଲ୍ୟ ଶୁଣିଲେ ଆପଣଙ୍କ ହୋସ୍ ଉଡିଯିବ। ଏପରି ଏକ ଫଳ ଅଛି, ଯାହାର ମୂଲ୍ୟ ଲକ୍ଷ ଲକ୍ଷ। ଏହାକୁ ଜଣେ ସାଧାରଣ ଲୋକ କିଣିବାକୁ ଚିନ୍ତା ବି କରିପାରିବ ନାହିଁ। ତେବେ ଏହି ଫଳରେ ଏମିତି କ’ଣ ଅଛି, ଏହା କେଉଁଠି ହୁଏ, ଏହାର ମୂଲ୍ୟ କେତେ ଆସନ୍ତୁ ସେ ବିଷୟରେ ଜାଣିନେବା।

ହୀରା ଠାରୁ ବି ଦାମୀ:

ବିଭିନ୍ନ ପ୍ରକାର ଫଳ ଖାଇବାର ପାଗଳାମୀ ଅନେକ ଲୋକଙ୍କ ପାଖରେ ଦେଖାଯାଏ। ଏହି ଫଳଗୁଡ଼ିକର ମୂଲ୍ୟ ପ୍ରାୟ ୧୦୦ରୁ ୧୦୦୦ ଟଙ୍କା ପର୍ଯ୍ୟନ୍ତ ହୋଇପାରେ। କିନ୍ତୁ ଯେଉଁ ଫଳ ବିଷୟରେ ଏଠାରେ କୁହାଯାଉଛି ତାହାର ମୂଲ୍ୟ ଲକ୍ଷ ଲକ୍ଷ ଟଙ୍କା। ବର୍ତ୍ତମାନ ଆପଣ ନିଶ୍ଚିତ ଭାବରେ ଭାବୁଥିବେ ସେ ଏମିତି କେଉଁ ଫଳ ଯେ ଯାହା ମୂଲ୍ୟ ଲକ୍ଷାଧିକ ଟଙ୍କା। ତେବେ ଏହାର ମୂଲ୍ୟ ମଧ୍ୟ ଶୁଣି ଆପଣ ଏହା ମଧ୍ୟ କହିବେ ଯେ ଏହାକୁ ଖାଇବା ଅପେକ୍ଷା ଟଙ୍କାକୁ ହୀରା କିମ୍ବା ସୁନାରେ ବିନିଯୋଗ କରିବା ଢେର ଗୁଣରେ ଭଲ। କିନ୍ତୁ ଆମେ ଯେଉଁ ଫଳ କଥା କହୁଛୁ ତାହା ଜାପାନରେ ନିଲାମ କରାଯାଇଥିଲା।

କେଉଁଠି ମିଳେ:

ଦୁନିଆର ମହଙ୍ଗା ଫଳରେ ଅନ୍ତର୍ଭୁକ୍ତ ଏହି ଫଳର ନାମ ହେଉଛି ୟୁବରୀ ଖରଭୁଜ। ଏହି ଫଳ ଜାପାନରେ ଚାଷ କରାଯାଏ ଏବଂ ସେଠାରେ ବିକ୍ରି ହୁଏ। ଏହି ଫଳର ବହୁତ କମ୍ ରପ୍ତାନି କରାଯାଇଥାଏ। ଏହି ଫଳକୁ ସୂର୍ଯ୍ୟକିରଣରେ ନୁହେଁ ବରଂ ସବୁଜ ଗୃହରେ ଫସଲ କରାଯାଇଥାଏ।

ଜାପାନରେ ମିଳୁଥିବା ଏକ ୟୁବରୀ ଖରଭୁଜର ମୂଲ୍ୟ ୧୦ ଲକ୍ଷ ଟଙ୍କା। ଦୁଇଟି ତରଭୁଜର ମୂଲ୍ୟ ୨୦ ଲକ୍ଷ ଟଙ୍କା ହେଉଥିବା ବେଳେ ୨୦୧୯ ମସିହାରେ ଏହି ଖରଭୁଜଗୁଡିକ ୩୩ ଲକ୍ଷ ଟଙ୍କାରେ ନିଲାମ କରାଯାଇଥିଲା। ଭିତରୁ କଖାରୁ କିମ୍ବା ପାଣି କଖାରୁ ପରି ଦେଖାଯାଉଥିବା ଏହି ଫଳ ଖୁବ ମିଠା ହୋଇଥାଏ।