LIVE TV
ପରଲୋକରେ ସୁରସାମ୍ରାଜ୍ଞୀ ଲତା ମଙ୍ଗେସକର । ଲତା ମଙ୍ଗେସକରଙ୍କ ପରଲୋକରେ ସାରା ଦେଶ ସ୍ତବ୍ଧ ହୋଇଯାଇଛି । ନାହାନ୍ତି ଲତା ହେଲେ ଛାଡି ଯାଇଛନ୍ତି ଅଜସ୍ର ଗୀତ , ଯାହାକୁ ଶୁଣିଲା ପରେ ପ୍ରତିଟି ଭାରତୀୟ ଝୁରୁଛନ୍ତି ଲତା ଦିଦିଙ୍କୁ । ୧୯୬୧ରେ ୨ଟି ଓଡ଼ିଆ ଗୀତ ଗାଇଥିଲେ ସୁରସାମ୍ରାଜ୍ଞୀ ଲତା ମଙ୍ଗେସକର । ବରିଷ୍ଠ ସଙ୍ଗୀତଜ୍ଞ ପ୍ରଣବ ପଟ୍ଟନାୟକ ନିଜେ ମୁମ୍ବାଇ ଯାଇ ଲତାଜୀଙ୍କୁ ଓଡ଼ିଆ ଗୀତ ଓଡ଼ିଆ ଗୀତ ଚୁନା ଚୁନା ତାରା ଫୁଲେ ଗାଇବାକୁ ପ୍ରସ୍ତାବ ଦେଇଥିଲେ । ସଙ୍ଗୀତଜ୍ଞ ପ୍ରଣବ ପଟ୍ଟନାୟକ ଲତାଜୀଙ୍କ ସହ ଥିବା ଅନୁଭୂତି ଆମ ସହିତ ବାଣ୍ଟିଛନ୍ତି ।
Also Read
ଲତାଜୀଙ୍କ ସହ ମୋ ସାକ୍ଷାତ ଏକ ଅମୃତ ବେଳା ଥିଲା ବୋଲି ପ୍ରଣବ କହିଛନ୍ତି । ମୁଁ କେବେ ଭାବିନଥିଲି ଯେ ଲତାଜୀଙ୍କ ସହ ମୋର ସାକ୍ଷାତ ହେବ ବୋଲି । କେବେ ଭାବି ନଥିଲି ମୁଁ ଷ୍ଟୁଡିଓରେ ମୁଁ ତାଙ୍କ ଗୀତ ଶୁଣିବି ବୋଲି । ଏହା ମୋ ଭାଗ୍ୟ ବୋଲି ସଙ୍ଗୀତଜ୍ଞ ପ୍ରଣବ ପଟ୍ଟନାୟକ କହିଥିଲେ ।
ସୁରସାମ୍ରାଜ୍ଞୀ ଲତା ମଙ୍ଗେସକରଙ୍କୁ ସରସ୍ୱତୀଙ୍କ ଚଳନ୍ତି ପ୍ରତିମା ସହିତ ତୁଳନା କରିଛନ୍ତି ସଙ୍ଗୀତଜ୍ଞ ପ୍ରଣବ ପଟ୍ଟନାୟକ । ଏହା ଛଡା ସେ କହିଛନ୍ତି ଯେ ଲତାଜୀ ବହୁ ଭାଷାରେ ଗୀତ ଗାଇଛନ୍ତି । ଓଡ଼ିଆ ଗୀତ ଗାଇବା ପାଇଁ ତାଙ୍କର ବହୁତ ଇଛା ଥିଲା । ଓଡ଼ିଆ ଗୀତ 'ଚୁନା ଚୁନା ତାରା ଫୁଲେ''ଗୀତଟିକୁ ସେ ବହୁତ ସୁନ୍ଦର ଭାବେ ଗାଇଛନ୍ତି ।
ଏହାଛଡ଼ା ଲତାଙ୍କ ଦେହାନ୍ତରେ ବହୁ ବିଶିଷ୍ଟ ବ୍ୟକ୍ତିଙ୍କ ଶୋକ ପ୍ରକାଶ କରିଛନ୍ତି। ରାଷ୍ଟ୍ରପତିି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ,ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡାଙ୍କ ସମେତ ପ୍ରମୁଖ ବ୍ୟକ୍ତି ଶୋକ ପ୍ରକାଶ କରିଛନ୍ତି।
