ଜମିରୁ ପାଣି ନିଷ୍କାସନ ହୋଇନପାରିବାରୁ ଚିନ୍ତାରେ ଚାଷୀ

ପୁରୀ: ପୁରୀ ସଦର ବ୍ଲକ ଚାଳିସି ବାଟିଆ ମୌଜା ସହ ବାଲିପଡା ଏବଂ ଗଡ ପଞ୍ଚାୟତର ୩୦ରୁ ଅଧିକ ଗାଁର ଚାଷୀ ଏବେ ସମସ୍ୟା ଘେରରେ । ଚାଷ ଜମିରୁ ଜଳ ନିଷ୍କାସନ ହୋଇପାରୁନଥିବା ବେଳେ ଉର ଗ୍ରାମବାସୀଙ୍କ ପକ୍ଷରୁ ଖଲାସି ନାଳକୁ ଅବରୋଧ ଯୋଗୁଁ ଶହ ଶହ ଏକର ଚାଷ ଜମିରେ ପାଣି ଜମି ରହିଛି । ଫଳରେ ତଳି ନଷ୍ଟ ହୋଇଯାଇଛି ବୋଲି ଅଭିଯୋଗ କରିଛନ୍ତି ସ୍ଥାନୀୟ ଚାଷୀ । ଅନ୍ୟପଟେ ସମସ୍ୟା ସମ୍ପର୍କରେ ପ୍ରଶାସନ ଅବଗତ ରହିଛି । ତହସିଲଦାର ଓ ଡ୍ରେନେଜ ବିଭାଗର ଏକ ଯୁଗ୍ମ କମିଟି ଗଠନ କରାଯାଇ ଉଭୟ ପକ୍ଷ ସହ ଆଲୋଚନା ପରେ ଖୁବଶୀଘ୍ର ସମସ୍ୟାର ସମାଧାନ ହେବ ବୋଲି ଜିଲ୍ଲାପାଳ କହିଛନ୍ତି ।

Also Read

“ୟୁପି ସରକାରର ଆଇନକାନୁନ୍‌ ଜିପ୍‌ ଚକାତଳେ ଚାପି ହୋଇ ରହିଛି”

୨ ଦିନ ପରେ ଅନ୍ଧାର ହୋଇଯିବ ଦିଲ୍ଲୀ !

କଂଗ୍ରେସ କନ୍ଦଳ ପଛରେ ମମତା !

ଚାଷ ଜମିରେ ତଳି ନଷ୍ଟ ହୋଇଯାଇଛି । ଜମିରୁ ଜଳ ନିଷ୍କାସନ ହୋଇନପାରିବାରୁ ଏଭଳି ସମସ୍ୟା ଉପୁଜିଛି । ପୁରୀ ସଦର ବ୍ଲକ ଚାଳିସି ବାଟିଆ ପଂଚାୟତ ସହ ବାଲିପଡା ଓ ଗଡ ପଂଚାୟତର ୩୦ରୁ ଅଧିକ ଗାଁର ଚାଷୀଙ୍କ ଚାଷବାସ ଉଜୁଡି ଯାଇଛି । ଉର ଗ୍ରାମବାସୀଙ୍କ ପକ୍ଷରୁ ଖଲାସୀ ନାଳକୁ ବନ୍ଦ କରିଦେବା ଫଳରେ ଜଳ ନିଷ୍କାସନ ହୋଇପାରୁନଥିବା ଅଭିଯୋଗ ହୋଇଛି । ଫଳରେ ଢୋଲ, ବାଲିପଡା, ଇଟାପଡା, ବାଙ୍ଗୁରବା, ଆଳପୁର, ପାଇକରାପୁର, ତଡାସ ଆଦି ଗାଁର ଶହ ଶହ ଏକର ଚାଷ ଜମି ପାଣିରେ ବୁଡି ରହିଛି । ତେଣୁ କୃଷି ଉପରେ ନିର୍ଭର କରି ଚଳୁଥିବା ଚାଷୀଙ୍କ ଆର୍ଥିକ ମେରୁଦଣ୍ଡ ଭାଙ୍ଗିଯାଇଛି ।

ଏପଟେ ବେଙ୍ଗେଇ ନଦୀରେ ଦଳ ଭର୍ତ୍ତି ହୋଇରହିଥିବାରୁ ମଧ୍ୟ ସମସ୍ୟା ଉପୁଜିଛି । ଜଳ ନିଷ୍କାସନ ପାଇଁ ଡ୍ରେନେଜ ବ୍ୟବସ୍ଥା ସହ ଖଲାସୀ ନାଳର ଅବରୋଧ ମୁକ୍ତ ଲାଗି ଗ୍ରାମବାସୀ ଦାବି କରିଛନ୍ତି ।ପୁରୀ ସଦର ଅଂଚଳର ଏ ସମସ୍ୟା ଦୀର୍ଘଦିନ ଧରି ଲାଗିରହିଛି । ଭାର୍ଗବୀରୁ ନୂଆନଈକୁ ଜଳ ନିଷ୍କାସନ ପାଇଁ ଉର ଗ୍ରାମ ଦେଇ ଆଲତୁଙ୍ଗ ହୋଇ ଜଳନିଷ୍କାସନ ହୋଇଥାଏ । ହେଲେ ଖଲାସୀ ନାଳକୁ ବନ୍ଦ କରିଦେବା ଦ୍ୱାରା ଜଳ ନିଷ୍କାସିତ ହୋଇପାରୁନି । ଏପଟେ ଜିଲ୍ଲାପାଳ କହିଛନ୍ତି, ଏ ସମସ୍ୟା ସମ୍ପର୍କରେ ଜିଲ୍ଲା ପ୍ରଶାସନ ଅବଗତ ଅଛି, ତହସିଲଦାର ଓ ଡ୍ରେନେଜ ବିଭାଗର ଏକ ଯୁଗ୍ମ କମିଟି ଗଠନ କରାଯାଇ ଉଭୟ ଗ୍ରାମବାସୀଙ୍କ ସହ ଆଲୋଚନା ପରେ ସମସ୍ୟାର ସମାଧାନ ହୋଇଯିବ ।

OTV is now on Whatsapp

Join and get latest news update delivered to you via whatsapp

Join Now