LIVE TV
କଥା କୁହା ଚିତ୍ର...ବିନା କହି ଅନେକ କିଛି ଦେଖାଉଛି, ବୁଝାଇ ମଧ୍ୟ ଦେଉଛି । ମାଆର ମମତା, ମହିଳାଙ୍କ ବଳିଦାନ ଓ ଅଧିକାର ପାଇଁ ସଂଘର୍ଷ ଏଭଳି ଅନେକ କିଛି ଥିମରେ ଏଠି ଅଙ୍କା ଯାଇଛି ଚିତ୍ର । ମନର କଥାକୁ ପେଣ୍ଟି୍ଂ ଜରିଆରେ ବୟାନ କରିଛନ୍ତି ଯୁବ ଚିତ୍ରକର ।
Also Read
ରାଉରକେଲାରେ ଅନ୍ତଜାର୍ତୀୟ ମହିଳା ଦିବସ ଉପଲକ୍ଷେ ଆୟୋଜିତ ଚିତ୍ରଶିଳ୍ପୀ ଶିବିରରେ ଦକ୍ଷତାକୁ ଦେଖାଇଛନ୍ତି ଯୁବ ପ୍ରତିଭା । ରଙ୍ଗ ତୂଳୀ ଧରି ଆଙ୍କିଥିବା ଚିତ୍ର, ଯେତେ ସତେଜ ସେତେ ମର୍ମସ୍ପଶୀ । ୟୁକ୍ରେନ୍ ଯୁଦ୍ଧ ସମୟରେ ମାଆ କିପରି ନିଜ ଶୁଶୁକୁ ସୁରକ୍ଷା ଦେବା ସହ ଦେଶ ପାଇଁ ଲଢ଼େଇ କରୁଛି ତାକୁ ବି ଏଠି ଦର୍ଶା ଯାଇଛି ।
ସେ କେବେ ଶକ୍ତି, କେବେ ମମତାମୟୀ ତ ପୁଣି କେବେ ଶାନ୍ତି ଓ ସମୁଦ୍ଧିର ପ୍ରତୀକ । ମହିଳାଙ୍କ ଅନେକ ରୂପ, ଅନେକ କର୍ତ୍ତବ୍ୟ ଆଉ ଏହାକୁ କାନଭାସରେ ତୋଳି ଧରିଛନ୍ତି ମହିଳା ଚିତ୍ରଶିଳ୍ପୀ । କନ୍ଧମାଳ ଦାରିଙ୍ଗବାଡ଼ିରେ ଆୟୋଜିତ ହୋଇଛି ୩ ଦିନିଆ ମହିଳା ଚିତ୍ରକଳା ଶିବିର । ରାଜ୍ୟର ବିଭିନ୍ନ କୋଣ ଅନୁକୋଣରୁ ବହୁ ଚିତ୍ରଶିଳ୍ପୀ ଏଥିରେ ଭାଗ ନେଇଛନ୍ତି।
ନିଜ ଦକ୍ଷତାକୁ ବିଶ୍ୱ ଦରବାରରେ ପ୍ରଦର୍ଶିତ କରିବାକୁ ଏଠି ପ୍ରୟାସ ହୋଇଛି । କାର୍ଯ୍ୟକ୍ରମରେ ଅତିଥି ଭାବେ ଯୋଗ ଦେଇଥିଲେ ଅନ୍ତର୍ଜାତୀୟ ବାଲୁକା କଳା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ଚିତ୍ରଶିଳ୍ପୀଙ୍କ କଳାକୁ ଦେଖି ଖୁସିରେ ବିଭୋର ହୋଇଛନ୍ତି ଅତିଥି । ନାରୀଙ୍କ ପ୍ରତିଭାକୁ ସାମ୍ନାକୁ ଆଣିବା ସହ ଚିତ୍ରକଳାକୁ ପ୍ରୋତ୍ସାହିତ ପାଇଁ ଏହି ପ୍ରୟାସ ହୋଇଛି ।
