ଏଣିକି ପାସ୍‌ପୋର୍ଟ ଭେରିଫିକେସନ ପାଇଁ ଆଉ ଅଧିକ ଦିନ ଅପେକ୍ଷା କରିବାକୁ ପଡ଼ିବନି

ଭୁବନେଶ୍ୱର: ଏଣିକି ପାସ୍‌ପୋର୍ଟ ଭେରିଫିକେସନ ପାଇଁ ଆଉ ଅଧିକ ଦିନ ଅପେକ୍ଷା କରିବାକୁ ପଡ଼ିବ ନାହିଁ। ହାରାହାରି ୪ ଦିନ ମଧ୍ୟରେ ହେଉଛି ପାସ୍‌ପୋର୍ଟ ଭେରିଫିକେସନ୍। ପୂର୍ବାପେକ୍ଷା କମ୍ ସମୟ ମଧ୍ୟରେ ପାସ୍‌ପୋର୍ଟ ଭେରିଫିକେସନ ହେଉଛି ବୋଲି ପୋଲିସ ଡିଜି ଅଭୟ ସୂଚନା ଦେଇଛନ୍ତି। ସମଗ୍ର ଭାରତରେ ତତ୍‌କାଳ ପାସ୍‌ପୋର୍ଟ ଭେରିଫିକେସନ୍‌ ହେଉଥିବା ରାଜ୍ୟ ମଧ୍ୟରେ ଏବେ ଓଡ଼ିଶା ସାମିଲ ହୋଇପାରିଛି ବୋଲି ପୋଲିସ୍‌ ଡିଜି କହିଛନ୍ତି। ଏନେଇ ପୋଲିସ ଡିଜି ରାଜ୍ୟର ସମସ୍ତ ଥାନା ଅଧିକାରୀଙ୍କୁ ପ୍ରଶଂସା କରିଛନ୍ତି।

ପୋଲିସ୍‌ ଡିଜି କହିଛନ୍ତି, ‘୨୦୨୧ରେ ନିଷ୍ପତ୍ତି ନେଲୁ ପାସ୍‌ପୋର୍ଟ ଭେରିଫିକେସନ 5T  ଅଧୀନକୁ ଆଣି ତତ୍‌କାଳ ସୁବିଧା ଉପଲବ୍ଧ କରାଇବୁ। ଏଥିପାଇଁ ସବୁ ଥାନାକୁ ଗୋଟିଏ ଲେଖା ଟାବଲେଟ୍‌ ଦିଆଗଲା ଓ ପ୍ରତି ଟାବଲେଟ୍‌ରେ ପାସ୍‌ପୋର୍ଟ ଭେରିଫିକେସନ ପାଇଁ ଏକ ବିଶେଷ ଆପ୍‌ ଇନଷ୍ଟଲ କରାଗଲା। ଚଳିତ ବର୍ଷ ଏହି କାର୍ଯ୍ୟକୁ ଯୁଦ୍ଧକାଳୀନ ଭିତ୍ତିରେ କରାଯାଇଛି।’

Also Read

ଅବହେଳିତ ଅବସ୍ଥାରେ ଭଦ୍ରକ ଗାନ୍ଧୀ ସ୍ମୃତିପୀଠ : ନଷ୍ଟ ହେବାକୁ ବସିଲାଣି ଜାତିର ପିତାଙ୍କ ସାଇତା ଓ ବ୍ୟବହୃତ ଜିନିଷ

ଚୀନ୍‌କୁ ବଡ଼ ଝଟ୍‌କା ! ଭାରତକୁ ମିଳିଲା ଶ୍ରୀଲଙ୍କା ସମୁଦ୍ରରେ କଣ୍ଟେନର ଟର୍ମିନାଲ୍‌ ନିର୍ମାଣ ଦାୟିତ୍ୱ

ଭବାନୀପୁର ସିଟ୍ ନେଇ ଟିଏମସିର ଦୃଢ଼ୋକ୍ତି : ’୫୦ ହଜାର ଭୋଟ୍‌ରେ ବିଜୟୀ ହେବେ ମମତା ବାନାର୍ଜୀ’

ସୂଚନାଥାଉ କି, ପୂର୍ବରୁ ୨୦୧୭ ମସିହାରେ ପାସ୍‌ପୋର୍ଟ ଭେରିଫିକେସନ ପାଇଁ ହାରାହାରି ୯୯ ଦିନ ଲାଗୁଥିଲା। ୨୦୧୮ରେ ୨୬ ଦିନ ଲାଗୁଥିବା ବେଳେ ୨୦୧୯ରେ ମଧ୍ୟ ୨୬ ଦିନ ଲାଗୁଥିଲା। ତେବେ କରୋନା ଯୋଗୁ ଏହି ସମୟ ସୀମା ବୃଦ୍ଧି ପାଇଥିଲା। ୨୦୨୦ରେ ପାସ୍‌ପୋର୍ଟ ଭେରିଫିକେସନ ପାଇଁ ୩୬ ଦିନ ସମୟ ଲାଗୁଥିଲା। ହେଲେ ଏଣିକି ହାରାହାରି ୪ ଦିନ ମଧ୍ୟରେ ହୋଇଯାଉଛି ପାସ୍‌ପୋର୍ଟ ଭେରିଫିକେସନ୍।   

OTV is now on Whatsapp

Join and get latest news update delivered to you via whatsapp

Join Now