ଓଟିଭି କେୟାର୍ସ:୨୫ ଜଣ ଛାତ୍ରଛାତ୍ରୀଙ୍କୁ ଦିଆଗଲା ସ୍ୱତନ୍ତ୍ର ପ୍ରଶିକ୍ଷଣ

ଓଟିଭି କେୟାର୍ସ ପକ୍ଷରୁ ଆର୍ଥିକ ଅନଗ୍ରସର ମେଧାବୀ ଛାତ୍ରଛାତ୍ରୀଙ୍କ ପାଇଁ ସ୍ୱତନ୍ତ୍ର କାର୍ଯ୍ୟକ୍ରମ। ଭୁବନେଶ୍ୱର ସ୍ଥିତ ହ୍ୟୁମାନ୍‌ ଲାଇଫ ସେଣ୍ଟରରେ ଓଟିଭି କେୟାର୍ସ ପକ୍ଷରୁ ୨୫ ଜଣ ମେଧାବୀ ଛାତ୍ରଛାତ୍ରୀଙ୍କୁ ସ୍ୱାବଲମ୍ବୀ କରିବା ନିମନ୍ତେ ଗତ ୪ ମାସ ଧରି ପ୍ରଶିକ୍ଷଣ ଦିଆଯାଥିବା ବେଳେ ସେମାନଙ୍କର ଶିକ୍ଷା ସମାପ୍ତ ହୋଇଛି। ଏହାସହ ସେମାନଙ୍କୁ ସାର୍ଟିଫିକେଟ୍ ପ୍ରଦାନ କରାଯାଇଛି।

କମ୍ପ୍ୟୁଟର ଡାଟା ଏଣ୍ଟ୍ରି ଓ ସ୍ପୋକେନ୍ ଇଂଲିଶ କୋର୍ସ ମାଧ୍ୟମରେ ପିଲାମାନେ କିଭଳି ଆତ୍ମନିର୍ଭରଶୀଳ ହୋଇପାରିବେ ସେନେଇ ଶିକ୍ଷା ପ୍ରଦାନ କରାଯାଇଥିଲା। ୪ ମାସର ଏହି ଶିକ୍ଷାଦାନ ଶେଷ ହେବା ପରେ ହ୍ୟୁମାନ୍‌ ଲାଇଫ ସେଣ୍ଟରରେ ସେମାନଙ୍କୁ ସାର୍ଟିଫିକେଟ ପ୍ରଦାନ କରାଯାଇଛି।

ଓଟିଭିର ସିଏଫଓ ଏସ୍‌.କେ. ମାଇତି ଓ ହ୍ୟୁମାନ୍‌ ଲାଇଫ ସେଣ୍ଟର ଡାଇରେକ୍ଟର ଜେରୋମ ସିକ୍ୱେରିୟା ଉପସ୍ଥିତ ରହି ଛାତ୍ରଛାତ୍ରୀଙ୍କୁ ସାର୍ଟିଫିକେଟ ପ୍ରଦାନ କରିଥିଲେ।