LIVE TV
ସମୁଦ୍ର ପାଣିରେ ଭାସୁଛି ତେଲିଆ ପଦାର୍ଥ। ପାରାଦୀପରେ ଆଜି ସମୁଦ୍ର ଜଳରେ କୌଣସି କେମିକାଲ୍ ମିଶିଯାଇଥିବା ସୂଚନା ମିଳିଛି। ଫଳରେ ସମୁଦ୍ର ପାଣିର ରଙ୍ଗ ମଧ୍ୟ ବଦଳି ଯାଇଛି। ସମୁଦ୍ର ଢେଉ ଅଧିକ ଫେଣଯୁକ୍ତ ଦେଖା ଯାଉଥିବା ବେଳେ ନୀଳ ରଙ୍ଗ ମଧ୍ୟ ଦେଖାଯାଉଛି। ପାରାଦୀପରୁ ନେଇ ଗହୀରମଥା ପର୍ଯ୍ୟନ୍ତ ଏହି ତୈଳ ଜାତୀୟ ପଦାର୍ଥ ବ୍ୟାପିଥିବା ଜଣାପଡ଼ିଛି।
ଏକ କାରଖାନାରୁ ନିର୍ଗତ କେମିକାଲ ପାଇଁ ଏଭଳି ହୋଇଥିବା ସନ୍ଦେହ କରାଯାଉଛି। ଏହାଦ୍ୱାରା ସାମୁଦ୍ରିକ ଜୀବଙ୍କ ଉପରେ ବିପଦ ଆଶଙ୍କା କରିଛନ୍ତି ପରିବେଶବିତ୍। ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ପକ୍ଷରୁ ବିଭିନ୍ନ ସ୍ଥାନରୁ ଜଳ ନମୁନା ସଂଗ୍ରହ କରାଯାଇଥିବା ବେଲେ ଆଇଓସିଏଲ ତୈଳ ବିଶୋଧନାଗାରର ଅଧିକାରୀ ଘଟଣାସ୍ଥଳ ପରିଦର୍ଶନ ମଧ୍ୟ କରିଛନ୍ତି।
Also Read
#ସମୁଦ୍ର_ପାଣିରେ_ଭାସୁଛି_ତେଲିଆ_ପଦାର୍ଥ
— ଓଟିଭି (@otvkhabar) September 9, 2023
ପାରାଦୀପରେ ଆଜି ସମୁଦ୍ର ଜଳରେ କୌଣସି କେମିକାଲ୍ ମିଶିଯାଇଥିବା ସୂଚନା ମିଳିଛି। ଫଳରେ ସମୁଦ୍ର ପାଣିର ରଙ୍ଗ ମଧ୍ୟ ବଦଳି ଯାଇଛି...#SeaWater #Paradeep #Odisha pic.twitter.com/gfbPJu6asu
କିନ୍ତୁ IOCLର ନିର୍ଗତ କେମିକାଲ୍ ପାଇଁ ଏଭଳି ହୋଇଥିବା ଯେଉଁ ଅଭିଯୋଗ ହେଉଛି ତାହାକୁ ଖଣ୍ଡନ କରିଛନ୍ତି IOCL ଅଧିକାରୀ। ଘଟଣାସ୍ଥଳ ଅନୁଧ୍ୟାନ କରି ଜଳ ନମୁନା ସଂଗ୍ରହ କରାଯାଇଛି। ରିପୋର୍ଟ ଆସିଲେ ଜଳରେ କ’ଣ ମିଶିଛି ଓ କେଉଁଠୁ ମିଶିଛି ଜଣାପଡ଼ିବ ବୋଲି ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ଅଧିକାରୀ କହିଛନ୍ତି।
- Reported by:
- RAMAKANTA NAYAK
