LIVE TV
ଟିପ ନେଇ ଆକାଉଣ୍ଟରୁ ଲୁଟି ନେଲେ ୩୮ ହଜାର ଟଙ୍କା । କେନ୍ଦୁଝର ଜିଲ୍ଲା ତେଲକୋଇ ବ୍ଲକରେ ଚାଷୀଙ୍କୁ କାଳିଆ ଯୋଜନା ଓ ବଳିଆ ଯୋଜନାର କିସ୍ତି ଠିକ ଭାବରେ ଆସୁନଥିବାରୁ ତାହା ଅନଲାଇନ ଯୋଗେ ସଂଶୋଧନ କରାଯିବ ତେଣୁ ଆଧାର ସହିତ ଲିଙ୍କ କରାଯିବ କହି ହିତାଧିକାରୀଙ୍କ ପାଖରୁ ଦୁଇ ଯୁବକ ଟଙ୍କା ଲୁଟି ନେଇଛନ୍ତି । ଘଟଣାରେ ଦୁଇ ଜଣ ଯୁବକ ଗିରଫ ହୋଇଛନ୍ତି । ତେବେ ଗିରଫ ୨ ଜଣ ମୁରଲୀଧର ମହାପାତ୍ର ଓ ଅବନୀ କୁମାର ମହାପାତ୍ର ବୋଲି ଜଣାପଡିଛି ।
କେନ୍ଦୁଝର ଜିଲ୍ଲା ତେଲକୋଇ ବ୍ଲକ କାଳିଆହତା ଫାଣ୍ଡି ଅଧିନ ବଳଭଦ୍ରପୁର ଗାଁର ୪ ଜଣକ ହିତାଧିକାରୀଙ୍କ ପାଖରୁ ପିଓଏସ ମେସିନରେ ଟିପ ଲଗାଇ ଠାରୁ ୩୮ ହଜାର ଠକି ନେଇଛନ୍ତି । ଘଟଣା ଜାଣିବା ପରେ ଉକ୍ତ ଯୁବକଙ୍କୁ ସ୍ଥାନୀୟ ଲୋକେ ଅଟକ ରଖିବା ସହ ଫାଣ୍ଡିରେ ହସ୍ତାନ୍ତର କରିଛନ୍ତି ।
Also Read
ସୂଚନା ଅନୁସାରେ, ଆଜି ଦୁଇ ଜଣ ଯୁବକ ଏକ ମୋଟର ସାଇକେଲ ବଳଭଦ୍ରପୁର ଗାଁକୁ ପହଞ୍ଚି କିଛି ଗରିବ ଆଦିବାସୀଙ୍କୁ କାଳିଆ ଯୋଜନା ଓ ବଳିଆ ଯୋଜନା ଅର୍ଥ ଯିଏ ପାଉନାହିଁ ସେମାନଙ୍କ ଆଧାରକୁ ଲିଙ୍କ କଲେ ପାଇପାରିବେ ବୋଲି କହିଥିଲେ । ବହୁ ଲୋକ ଏହି ଦୁଇ ଯୋଜନାରୁ ବଂଚିତ ଥିବାରୁ ସେମାନଙ୍କ ପାଖରେ ଆଧାର ଲିଙ୍କ କରିବାକୁ ଆସିଥିଲେ ଓ ସେମାନଙ୍କ କହିବା ମୁତାବକ ପିଓଏସ ମେସିନରେ ଟିପ ଚି଼ହ୍ନ ଦେଇଥିଲେ ।
ଏହି ସମୟରେ ଘଟଣାସ୍ଥଳରେ ବଳଭଦ୍ରପୁର ପଞ୍ଚାୟତ ସରପଞ୍ଚ ପହଞ୍ଚି ତନାଘନା କରିଥିଲେ । ଯେଉଁ ଲୋକ ମାନେ ଟିପ ଚି଼ହ୍ନ ଦେଇଥିଲେ ସେମାନେ ବ୍ୟଙ୍କକୁ ଯାଇ ପାସ ବୁକ ଅପଡେଟ କରିଥିଲେ । ସେତେବେଳେ ପ୍ରମିଳା ଜୁଆଙ୍ଗ , ବିଶ୍ୱ ମାଝୀ, ପରାଅ କିସ୍କୋ, ପାଣୁ ମାଝୀଙ୍କ ପାସ ବୁକରୁ ୩୮ ହଜାର ଗାୟବ ହୋଇଥିବା ଜଣାପଡିଥିଲା, ପରେ ଦୁଇଜଣକୁ କାବୁ କାରି କାଳିଆହତା ଫାଣ୍ଡିରେ ଜିମା ଦେଇଛନ୍ତି । ତେବେ ଅଟକ ଥିବା ଦୁଇ ଯୁବକଙ୍କ ମଧ୍ୟରୁ ମୁରଲୀଧର ଘଟଗାଁ ଥାନା ପିପିଲିଆ ଗାଁର ହୋଇଥିବାବେଳେ, ଅବନୀ ହରିଚନ୍ଦନପୁର ଥାନା ଅଞ୍ଚଳର ହୋଇଥିବା ଜଣାପଡ଼ିଛି ।
