LIVE TV
ବାହନଗା ଟ୍ରେନ୍ ଟ୍ରାଜେଡିର ୨୯ ଦିନ ପରେ ୨୯ଟି ମୃତଦେହର ମିଳିଲା ପରିଚୟ । ଏମସ୍ରେ ସଂରକ୍ଷିତ ଥିବା ୮୧ ମୃତଦେହ ଭିତରୁ ପ୍ରଥମ ପର୍ଯ୍ୟାୟରେ ୨୯ଟିର ଡିଏନ୍ଏ ମ୍ୟାଚିଂ ରିପୋର୍ଟ ମିଳିବା ପରେ ସେମାନଙ୍କ ମୃତଦେହ ହସ୍ତାନ୍ତର ପକ୍ରିୟା ଆରମ୍ଭ ହୋଇଛି । ସେପଟେ ଆଉ ୫୨ଟି ମୃତଦେହର ଚିହ୍ନଟ ନେଇ ଡିଏନଏ ରିପୋର୍ଟ ଆସିନଥିବରୁ ମରଶରୀର ପାଇଁ ଏବେ ବି ଅପେକ୍ଷା କରିଛନ୍ତି ନିକଟ ସମ୍ପର୍କୀୟ ।
ବାହାନଗା ଦୁର୍ଘଟଣାର ୨୯ ଦିନ ପରେ ଆଶ୍ୱସ୍ତ ଆତ୍ମୀୟ । ଡିଏନ୍ଏ ମ୍ୟାଚିଂ ପରେ ୨୯ ମୃତଦେହକୁ ମିଳିଛି ପରିଚୟ । ପ୍ରଥମ ପର୍ଯ୍ୟାୟରେ ଡିଏନ୍ଏ ନମୂନା ମ୍ୟାଚ କରାଯାଇଥିବା ୨୯ ପରିବାର ରିପୋର୍ଟ ଆସିବା ପରେ ଏବେ ସେମାନଙ୍କ ପାଇଁ ସହଜ ହୋଇଛନ୍ତି ଶବ ଗ୍ରହଣ ପ୍ରକ୍ରିୟା । ଏହାରି ଭିତରେ ଆଜି ବିହାର, ପଶ୍ଚିମବଙ୍ଗ ଓ ଝାଡ଼ଖଣ୍ଡର ୫ ପରିବାରର ଡକ୍ୟୁମେଣ୍ଟ ଯାଞ୍ଚ ପରେ ସେମାନଙ୍କୁ ମୃତଦେହ ହସ୍ତାନ୍ତର କରାଯାଇଛି । ତା’ସହ କେନ୍ଦ୍ର ସରକାରଙ୍କ ପକ୍ଷରୁ ଘୋଷଣା ହୋଇଥିବା ୧୦ ଲକ୍ଷ ଟଙ୍କାର ଅନୁକମ୍ପା ରାଶି ମଧ୍ୟ ମିଳିଛି । ଏତେ ଦିନର ଅପେକ୍ଷା ପରେ ମୃତଦେହ ନେବାକୁ ଏବେ ଅନୁମତି ମିଳିବା ପରେ ଆଶ୍ୱସ୍ତ ହୋଇଛନ୍ତି
Also Read
ତେବେ ୮୧ ମୃତଦେହ ମଧ୍ୟରୁ ପ୍ରଥମ ପର୍ଯ୍ୟାୟରେ ୨୯ ଜଣଙ୍କ ରିପୋର୍ଟ ଆସିଥିବା ବେଳେ ଆହୁରି ୫୨ ମୃତଦେହ ଏବେ ପରିଚୟ ଅପେକ୍ଷାରେ । ତେଣୁ ନିଜ ସମ୍ପର୍କୀୟଙ୍କ ମରଶରୀର ନେବା ଲାଗି ଏବେ ବି ଅପେକ୍ଷାରତ ଅନେକ ପରିବାର । ପଶ୍ଚିମବଙ୍ଗ ପୂର୍ବ ମେଦିନାପୁରର ନିମାଇଁ ମାନା । ଭାଇ ସମୀର ଓ ସେ କରମଣ୍ଡଳ ଏକ୍ସପ୍ରେସର ପ୍ୟାଣ୍ଟ୍ରି କାରରେ କାମ କରୁଥିଲେ । ଦୁର୍ଘଟଣା ପରେ ନିମାଇଁ ବଞ୍ଚିଯାଇଛନ୍ତି, ହେଲେ ଖୋଜି ପାଉ ନାହାନ୍ତି ତାଙ୍କ ସାନ ଭାଇକୁ ।
ସେହିଭଳି ପଶ୍ଚିମବଙ୍ଗରୁ ଓଡ଼ିଶାର ସବୁ ହସ୍ପିଟାଲରେ ସ୍ୱାମୀଙ୍କୁ ଖୋଜି ନିରାଶ ହେବାପରେ ଆଜି ନିଜର ଛୋଟ ପୁଅ ସହ ଏମ୍ସ ଆସି ନିଜର ଡିଏନଏ ପରୀକ୍ଷା ଲାଗି ନମୂନା ଦେଇଛନ୍ତି ପଶ୍ଚିମବଙ୍ଗର ଜିତିକା ମାଲ । ଆଶା ରଖିଛନ୍ତି, ଏଇଠୁ ବୋଧହୁଏ ତାଙ୍କ ସ୍ୱାମୀଙ୍କ ମୃତଦେହ ମିଳିଯାଇପାରେ ।
ବାହାନଗା ଟ୍ରେନ୍ ଟ୍ରାଜେଡିରେ ମୃତକଙ୍କ ମଧ୍ୟରୁ ୧୬୨ ଜଣଙ୍କ ମୃତଦେହ ଏମସ୍ରେ ରଖାଯାଇଥିଲା । ସମ୍ପର୍କୀୟଙ୍କ ଦ୍ୱାରା ଚିହ୍ନଟ ପରେ ସେଭିତରୁ ୮୧ଟି ମୃତଦେହ ହସ୍ତାନ୍ତର କରାଯାଇଥିଲା । ଅବଶିଷ୍ଟ ୮୧ଟି ମୃତ ଶରୀର ଲାଗି ୩ଟି ପର୍ଯ୍ୟାୟରେ ୮୪ ଜଣଙ୍କ ଡିଏନଏ ନମୁନା ଦିଲ୍ଲୀ ଏମସକୁ ପଠାଯାଇଛି । ଏ ଭିତରେ ଆଉ ୫ ଜଣ ସମ୍ପର୍କୀୟ ମଧ୍ୟ ମୃତଦେହ ନେବାକୁ ଦାବି ଡିଏନ୍ଏ ନମୂନା ଦେଇଛନ୍ତି ।
- Reported by:
- KAPILENDRA PRADHAN , BIBARTAN PANDA , CHANDAN PAIKRAY
