ପ୍ରଧାନମନ୍ତ୍ରୀ ମୋଦିଙ୍କ ଅର୍ଥନୈତିକ ପରାମର୍ଶଦାତା ପରିଷଦର ସଦସ୍ୟ ହେଲେ ଓଡ଼ିଆ ବୋହୂ

ଭୁବନେଶ୍ୱର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅର୍ଥନୈତିକ ପରାମର୍ଶଦାତା ପରିଷଦର ସଦସ୍ୟା ହେଲେ ପୁନମ ଗୁପ୍ତା ମିଶ୍ର। ପ୍ରଧାନମନ୍ତ୍ରୀ ମୋଦିଙ୍କ ଅର୍ଥନୈତିକ ପରାମର୍ଶଦାତା ପରିଷଦ ବା ଇକୋନୋମିକ୍ ଆଡଭାଇଜରି କାଉନସିଲ୍‌ର ସଦସ୍ୟ ଭାବେ ପୁନମ ଗୁପ୍ତା ମିଶ୍ର ମନୋନୀତ ହୋଇଛନ୍ତି।

ମୟୂରଭଞ୍ଜ ଜିଲ୍ଲା ବେତନଟୀ ବ୍ଲକ୍ ଆନନ୍ଦ ବଜାରର ବାସିନ୍ଦା ତଥା ବିଶିଷ୍ଟ ଅର୍ଥନୀତିଜ୍ଞ ଦୀପକ ମିଶ୍ରଙ୍କ ପତ୍ନୀ ପୁନମ ଗୁପ୍ତା ମିଶ୍ର। ପୁନମ ହେଉଛନ୍ତି ବିଶିଷ୍ଟ ସାହିତ୍ୟିକା ରମା ମିଶ୍ର ଓ ସମାଜସେବୀ ଅଜିତ ମିଶ୍ରଙ୍କ ବୋହୂ। ବୋହୂଙ୍କ ଏହି ସଫଳତା ପାଇଁ ଶାଶୁ ଓ ଶ୍ୱଶୁର ବହୁତ୍ ଖୁସି ବ୍ୟକ୍ତ କରିଛନ୍ତି। ପୁନମଙ୍କ ଏଭଳି ସଫଳତା ଲାଗି ତାଙ୍କ ପାଖକୁ ଚାରି ଆଡୁ ଶୁଭେଚ୍ଛାର ସୁଅ ଛୁଟୁଛି।

Also Read

ୟୁଜର୍ସଙ୍କ ପାଇଁ ଖୁସି ଖବର, ହ୍ୱାଟ୍ସଆପ ପେମେଣ୍ଟ କଲେ ମିଳିବ ୫୧ ଟଙ୍କା... ଜାଣନ୍ତୁ କେମିତି?

ସୋସିଆଲ୍‌ ମିଡିଆରୁ ମୋବାଇଲ କଲର୍‌ ଟ୍ୟୁନ୍‌, ସବୁଠି ‘ମାନିକେ ମାଗେ ହିତେ’

ନଭେମ୍ବର ୧ ତାରିଖରୁ ବଡ଼ ପରିବର୍ତ୍ତନ, ଜୀବନଶୈଳୀ ଉପରେ ପଡ଼ିପାରେ ପ୍ରଭାବ!

ବୋହୂ ପୁନମଙ୍କ ସଫଳତା ନେଇ ଶାଶୁ ରମା ମିଶ୍ର କହିଛନ୍ତି, ‘ଆଦର୍ଶ ସ୍ତ୍ରୀ, ଆଦର୍ଶ ମା’ ଓ ବୋହୂ ଭାବେ ସବୁ ଦିଗରେ ସେ ପୁରା ପର୍‌ଫେକ୍ଟ।  ଆମେ ତାଙ୍କୁ ପାଇଁ ପୁରା ଖୁସି। ଆମେ ପ୍ରଥମରୁ ଜାଣିଥିଲୁ, ତୁଳସୀ ଦୁଇ ପ୍ରତରୁ ବାସିଲା ଭଳି ସେ ମଧ୍ୟ ଦିନେ ନା ଦିନେ ବାସିବେ।’ ସେହିପରି ପୁନମଙ୍କ ଶ୍ୱଶୁର ଅଜିତ ମିଶ୍ର କହିଛନ୍ତି, ‘ପୁନମଙ୍କ ସଫଳତା ନେଇ ଆମେ ବେଶ୍‌ ଖୁସି।’