ଜଗା ପାଖକୁ ଆସିଲେ ସୁଭଦ୍ରା

ଫୁଲବାଣୀ: କନ୍ଧମାଳର ଯୋଡ଼ାମୁଣ୍ଡ ଶିଶୁ ଘରକୁ ଆସିଛି ନୂଆ ଅତିଥି। ନାଁ ତାର ସୁଭଦ୍ରା। ବଳିଆ ଯିବାର ଦୁଃଖରେ ଭାଙ୍ଗି ପଡିଥିବା ପରିବାର ମୁହଁରେ ଏବେ ପୁଣି ହସ ଫୁଟିଛି। କୁନି ଝିଅ ସହ ଘରକୁ ଫେରିଛି ଖୁସି। ଆଉ ସବୁଠୁ ଅଧିକ ଖୁସି ତାର ଭାଇ ଜଗା। କେତେବେଳେ ଗେହ୍ଲା କରୁଛି ତ ଆଉ କେତେବେଳେ ତା ହାତ ଧରି ଖେଳାଉଛି। ବାରମ୍ବାର ଧରିବାକୁ ମାଆକୁ ମାଗୁଛି। ଟିକିଏ ବି ପାଖ ଛାଡି ଯାଉନି। ଦିନ ତମାମ ବସି ରହୁଛି ଭଉଣୀ ପାଖରେ। କେବିନ ଭିତରକୁ କାହାକୁ ପଶିବାକୁ ଦେଉନି। କହୁଛି- ତାଙ୍କ ଝିଅକୁ କରୋନା ହେବ।

ଗତବର୍ଷ ନଭେମ୍ବରରେ କଟକ ବଡ ମେଡିକାଲରେ ଚିକିତ୍ସାଧୀନ ଅବସ୍ଥାରେ ପ୍ରାଣ ହରାଇଥିଲା ବଳିଆ। ଏକା ହୋଇଯାଇଥିଲା ଜଗା ପରେ ଗତ ମାର୍ଚ୍ଚ ମାସରେ ଜଗାକୁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟର ମାତୃ ଓ ଶିଶୁ ସ୍ବାସ୍ଥ୍ୟକେନ୍ଦ୍ରକୁ ଅଣାଯାଇଥିଲା। ସେଠାରେ ତାକୁ କ୍ୟାବିନ ନମ୍ବର ୨ରେ ଡାକ୍ତରଙ୍କ ନୀରିକ୍ଷଣରେ ରଖାଯାଇଛି। ଖୁସିର କଥା ହେଲା ଜଗା ବର୍ତ୍ତମାନ ସମ୍ପୂର୍ଣ୍ଣ ସୁସ୍ଥ ଅଛି। ଠିକସେ ଖାଉଛି, ପିଉଛି ଏବଂ ଖେଳୁଛି। ଏବେ ସୁଭଦ୍ରା ଆସିବା ପରେ ଟିକେ ଅଧିକ ଚଞ୍ଚଳ ହୋଇଯାଇଛି ଜଗା। 

Also Read

ଏସିଏଫ୍ ମୃତ୍ୟୁ ରହସ୍ୟକୁ ଭେଦିପାରିବ କି CB: ୪ଟି ପ୍ରଶ୍ନର ଉତ୍ତର ଦିଅ ବୋଲି କହିଲେ ସୌମ୍ୟଙ୍କ ଭାଇ

ସ୍ୱାଧୀନତା ଦିବସରେ ଦେଶବାସୀଙ୍କୁ ଶୁଭେଚ୍ଛା ଜଣାଇଲେ ରାଷ୍ଟ୍ରପତି, କହିଲେ ଏହା ହର୍ଷ ଓ ଉଲ୍ଲାସର ଦିନ

ଅଲିମ୍ପିକ୍ସ ପଦକ ବିଜେତାଙ୍କ ପାଇଁ ରାଷ୍ଟ୍ରପତି ଭବନରେ ‘ହାଇ ଟି’ ପାର୍ଟି

ଦୁଇ ଦୁଇଟି ଜଟିଳ ଅସ୍ତ୍ରୋପଚାର କରି ଯୋଡାମୁଣ୍ଡ ଶିଶୁ ଜଗା-ବଳିଆକୁ ଅଲଗା କରାଯାଇଥିଲା। ଦୀର୍ଘଦିନ ଧରି ଦିଲ୍ଲୀ ଏମ୍ସରେ ଚିକିତ୍ସାଧୀନ ରହିବା ପରେ ଉଭୟଙ୍କୁ କଟକ ଏସ୍‌ସିବିକୁ ସ୍ଥାନାନ୍ତର କରାଯାଇଥିଲା।

ରିପୋର୍ଟ: ତ୍ରିନାଥ ସାହୁ