LIVE TV
‘ନିଦ ହେଉନଥିବାରୁ ବହୁତ କଷ୍ଟ ଲାଗୁଛି। ଗୋଟିଏ ମିନିଟ ବି ନିଦ ହେଉନାହିଁ। କିଛି କରିବାକୁ ଇଛା ହେଉନି। ମୁଁ କ’ଣ କରିବି ଜାଣିପାରୁନି। ଭଗବାନ ମୋତେ ନେଇଯାଅ Sorry, Sorry।’ ଭୁବନେଶ୍ୱରରେ ଏକ ହଷ୍ଟେଲରୁ ନର୍ସିଂ ଛାତ୍ରୀଙ୍କ ଝୁଲନ୍ତା ମୃତଦେହ ମିଳିବା ପରେ ଏବେ ହାତଲେଖା ଚିଠିକୁ ନେଇ ଚର୍ଚ୍ଚା ଜୋର ଧରିଛି।
ମୃତଦେହ ଉଦ୍ଧାର ହୋଇଥିବା ହଷ୍ଟେଲ୍ ରୁମ୍ରୁ ଏହି ହାତଲେଖା ଚିଠି ମିଳିଛି। ଯେଉଁଥିରେ ଏମିତି କିଛି ଲେଖା ହୋଇଛି। ମିଳିଥିବା ହାତ ଲେଖା ଚିଠିଟି ମୃତ ଛାତ୍ରୀ ଲେଖିଥିବା ଅନୁମାନ କରାଯାଉଛି। ହେଲେ ହାତ ଲେଖାଟି ମୃତ ଛାତ୍ରୀଙ୍କର କି ନୁହେଁ ତାହା ସ୍ପଷ୍ଟ ହୋଇନି।
ଭୁବନେଶ୍ୱର ଏୟାରଫିଲ୍ଡ ଥାନା ଅନ୍ତର୍ଗତ ଜାମୁକୋଳି ନିକଟରେ ଥିବା ଏକ ନର୍ସିଂ କଲେଜର ହଷ୍ଟେଲ୍ ରୁମ୍ରୁ ଛାତ୍ରୀଙ୍କ ମୃତଦେହ ଉଦ୍ଧାର ହୋଇଥିଲା। ମୃତ ଛାତ୍ରୀ ହେଲେ ବଲାଙ୍ଗିରର କୁନି କହଁର। କେଉଁ ପରିସ୍ଥିତିରେ ସେ ଏଭଳି ଚରମ ପଦକ୍ଷେପ ନେଲେ ତାହା ସ୍ପଷ୍ଟ ଜଣାପଡ଼ି ନଥିବାବେଳେ ଏବେ ହାତଲେଖା ଚିଠି ପୁରା ଘଟଣାକୁ ଏକ ନୂଆମୋଡ଼ ଦେଇଛି।
ହଷ୍ଟେଲ୍ ରୁମ୍ରୁ ମିଳିଥିବା ଏହି ହାତଲେଖା ଚିଠିରେ ଲେଖା ହୋଇଛି ଯେ, ‘ମୁଁ ମୋ ପରିବାର, ଦିଦି, ସାଙ୍ଗସାଥୀ ସମସ୍ତଙ୍କୁ କ୍ଷମା ମାଗୁଛି। ନିଦ ହେଉନଥିବାରୁ ବହୁତ କଷ୍ଟ ଲାଗୁଛି। ଗୋଟିଏ ମିନିଟ ବି ନିଦ ହେଉନାହିଁ। କିଛି କରିବାକୁ ଇଛା ହେଉନି। ମୁଁ କ’ଣ କରିବି ଜାଣିପାରୁନି। ଏଥିରେ କାହାର ଦୋଷ ନାହିଁ। ପୋଲିସ କାହାରିକୁ ହଇରାଣ କରନ୍ତୁନି’।
ସୂଚନା ଅନୁସାରେ, ଗତକାଲି ନର୍ସିଂ ପ୍ରଥମ ବର୍ଷର ଛାତ୍ରୀ କୁନିଙ୍କ ମୃତଦେହ ହଷ୍ଟେଲ୍ ରୁମ୍ରୁ ମିଳିଥିଲା। ମୃତଦେହ ଉଦ୍ଧାର ପରେ ପୋଲିସ ଛାନ୍ଭିନ୍ ଆରମ୍ଭ କରିଛି।
