LIVE TV
କୌଣସି ବି ସ୍ୱାମୀ-ସ୍ତ୍ରୀଙ୍କ ପାଇଁ ପିତାମାତା ହେବାର ଖୁସି ଆଉ ବା କ’ଣ ଥାଇପାରେ। ଯେଉଁଦିନ ଜଣେ ମା ନିଜ ପିଲାକୁ ଜନ୍ମଦିଏ ଏବଂ ଯେତେବେଳେ ଜଣେ ପିତା ପ୍ରଥମ ଥର ପାଇଁ ନିଜ ପିଲାକୁ କୋଳରେ ଧରେ ସେହିଦିନ ଉଭୟଙ୍କ ପାଇଁ ହୋଇଯାଏ ନିଆରା। କିନ୍ତୁ ଜଣେ ମା ପାଇଁ, ଏହି ଦିନ ଥରେ କି ଦୁଇଥର ନୁହେଁ ବରଂ ଅନେକ ଥର ଆସିଥାଏ। ବର୍ତ୍ତମାନ ଏମିତି ଜଣେ ମା ସାମ୍ନାକୁ ଆସିଛନ୍ତି ଯିଏ ୮ଥର ମା’ ହେବାରେ ସୌଭାଗ୍ୟ ପାଇସାରିଛନ୍ତି ଆଉ ସେ ପୁଣି ଥରେ ୯ମ ମାତୃତ୍ୱର ସ୍ୱାଦ ଚାଖିବାକୁ ଯାଉଛନ୍ତି।
ଆମେରିକାର ଡାଲାସରେ ରହୁଥିବା ୨୯ ବର୍ଷୀୟ ୟାଲାନ୍ସିଆ ରୋଜାରିଓ ଓ ତାଙ୍କର ୩୬ ବର୍ଷୀୟ ସ୍ୱାମୀ ମାଇକେଲ୍ ୮ଟି ପିଲାର ପିତାମାତା ହୋଇସାରିଛନ୍ତି। ଆଶ୍ଚର୍ଯ୍ୟର କଥା ଏହା ଯେ ତାଙ୍କର ୮ଟି ପିଲା ପୁଅ। ସମ୍ପ୍ରତି ଏହି ଦମ୍ପତି ସୋସିଆଲ ମିଡିଆରେ ସୂଚନା ଦେଇଛନ୍ତି ଯେ ୟାଲେନସିଆ ପୁଣି ଗର୍ଭବତୀ ଅଛନ୍ତି। ଏହାରି ଭିତ୍ରେ ସେ ଶିଶୁର ଲିଙ୍ଗ ନିରୂପଣ ମଧ୍ୟ କରିଥିଲେ। ଏହା ଦର୍ଶାଇଛି ଯେ ସେ ପୁନର୍ବାର ଏକ ପୁତ୍ର ସନ୍ତାନ ଜନ୍ମ ଦେବାକୁ ଯାଉଛନ୍ତି। ସମସ୍ତେ ଏ ବିଷୟରେ ବହୁତ ଖୁସି ମଧ୍ୟ ଅଛନ୍ତି।
Also Read
ଲେନ୍ସିଆ କହିଛନ୍ତି ଯେ ତାଙ୍କ ସ୍ୱାମୀ ଚାହୁଁଛନ୍ତି ଯେ ସେମାନଙ୍କର ୧୦ କିମ୍ବା ୧୨ ସନ୍ତାନ ହୁଅନ୍ତୁ। କିନ୍ତୁ ୟାଲେନ୍ସିଆ ଏହା ଚାହାଁନ୍ତି ନାହିଁ ବୋଲି କହିଛନ୍ତି। ଏକ ଭିଡିଓରେ ସେ ଏହାର କାରଣ କହିଛନ୍ତି ଯେ ତାଙ୍କୁ ହିଁ କେବଳ ପିଲାମାନଙ୍କର ଯତ୍ନ ନେବାକୁ ପଡିବ ଏବଂ ରାତି ସାରା ଏକୁଟିଆ ଜାଗ୍ରତ ହେବାକୁ ପଡିବ। ଏହି କ୍ଷେତ୍ରରେ ସ୍ୱାମୀମାନେ ସବୁବେଳେ କାମ ଧନ୍ଦାକରି ଥକିଯାଇଥିବାରେ ଆରାମରେ ଶୋଇପଡନ୍ତି। ତେବେ ବର୍ତ୍ତମାଣ ତାଙ୍କ ବଡ ପୁଅକୁ ୧୨ ବର୍ଷ ହୋଇଥିବାବେଳେ ସାନପୁଅ ୫ ମାସର।
ପ୍ରକାଶଥାଉ ଯେ ୟାଲେନ୍ସିଆଙ୍କର ଏକ ଇନ୍ଷ୍ଟାଗ୍ରାମ୍ ଭିଡିଓ ଅନୁଯାୟୀ, ତାଙ୍କର ଚତୁର୍ଥ ପୁଅ ଜନ୍ମ ହେବା ମାତ୍ରେ ମୃତ୍ୟବରଣ କରିଥିଲା। କିନ୍ତୁ ପୁଅର ପ୍ରେମରେ, ସେ ଏବେ ବି ତାଙ୍କୁ ପରିବାରର ଏକ ଅଂଶ ଭାବରେ ବିବେଚନା କରନ୍ତି। ସେ ବିଶ୍ୱାସ କରନ୍ତି ଯେ ମୃତ ସନ୍ତାନ ଏବେ ବି ପରିବାରର ଆଖପାଖ ଉପସ୍ଥିତ ଅଛି। ସେଥିପାଇଁ ସେ ତାଙ୍କର ମୃତ ପୁଅକୁ ୮ଜଣ ପିଲାଙ୍କ ମଧ୍ୟରେ ସାମିଲ କରନ୍ତି।
ୟାଲେନସିଆ କହିଛନ୍ତି ଯେ ଲୋକମାନେ ତାଙ୍କୁ ସୋସିଆଲ ମିଡିଆରେ ଅନେକ୍ ଟ୍ରୋଲ୍ କରନ୍ତି ଏବଂ ନିଜର ବ୍ୟକ୍ତିଗତ ଫୁଟ୍ବଲ୍ ଟିମ୍ ଗଠନ କରିବାକୁ ତାତ୍ସଲ୍ୟ ମଧ୍ୟ କରନ୍ତି। ଅନେକ ଲୋକ ଏହା ଜାଣି ମଧ୍ୟ ଆଶ୍ଚର୍ଯ୍ୟ ହୁଅନ୍ତି ଯେ ଏହି ଦମ୍ପତି କେବଳ ପୁଅମାନଙ୍କୁ କିପରି ଜନ୍ମ ଦିଅନ୍ତି। ଇନ୍ଷ୍ଟାଗ୍ରାମ୍, ୟୁଟ୍ୟୁବରେ ରୋଜାରିଓ ପରିବାର ବେଶ୍ ପ୍ରସିଦ୍ଧ।
