ତରକାରୀ କଡ଼େଇରେ ପଡିଗଲେ ଛାତ୍ରୀ, ଆଉ ତା ପରେ..

ପ୍ରଥମ ଶ୍ରେଣୀ ଛାତ୍ରୀ ତରକାରୀ କଡ଼େଇରେ ପଡି ଗୁରୁତର । ମୟୁରଭଞ୍ଜ ଜିଲ୍ଲାର ଶୁଳିଆପଦା ବ୍ଲକ ବାଘଡା ପ୍ରାଥମିକ ବିଦ୍ୟାଳୟରେ ଏପରି ଘଟଣା ଦେଖିବାକୁ ମିଳିଛି ।

ଗତକାଲି ସ୍କୁଲରେ ପିଲାମାନଙ୍କୁ ମଧ୍ୟାହ୍ନ ଭୋଜନ ଦିଆ ଯାଉଥିବା ସମୟରେ ପିଲାମାନେ ଲାଇନ୍‌ରେ ଠିଆ ହୋଇ ଖାଦ୍ୟ ଆଣୁଥିଲେ । ସେହି ସମୟରେ ପିଲାମାନଙ୍କ ମଧ୍ୟରେ ଠେଲାଠେଲିରୁ ଜଣେ ଛାତ୍ରୀ ଗରମ ତରକାରୀ କଢେଇରେ ପଡିଯାଇଥିଲେ ।

ଫଳରେ ଛାତ୍ରୀ ଜଣକ ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ପିଲାଟିକୁ ଶିକ୍ଷକମାନେ ନିକଟସ୍ଥ ବାଘଡା ଡାକ୍ତରଖାନାକୁ ନେଇଥିଲେ । ତେବେ ଶିକ୍ଷକଙ୍କ ଅବହେଳା ଓ ଦାୟିତ୍ୱ ହୀନତା ଯୋଗୁ ଏପରି ହୋଇଥିବା ଅଭିଯୋଗ କରିଛନ୍ତି ଛାତ୍ରୀଙ୍କ ବାପା ।