ଗୁମ୍ଫା ପାଲଟିଛି ମାଓବାଦୀଙ୍କ ଅସ୍ତ୍ର ଭଣ୍ଡାର

ଗୁମ୍ଫା ପାଲଟିଛି ମାଓବାଦୀଙ୍କ ଅସ୍ତ୍ର ଭଣ୍ଡାର । ମାଲକାନଗିରି ତୁଳସୀ ପାହାଡ଼ରେ ଥିବା ଗୁମ୍ଫାରେ ମାଓବାଦୀମାନେ ଅସ୍ତ୍ରଶସ୍ତ୍ର ରଖୁଥିବା ଜଣାପଡ଼ିଛି । କମ୍ବିଂ ଅପରେସନ ବେଳେ ବିଏସ୍‌ଏଫ ଯବାନ ଏଭଳି ତଥ୍ୟ ପାଇଛନ୍ତି ।

ଗୁମ୍ଫା ନିକଟରେ କମ୍ବିଂ ବେଳେ ବିପୁଳ ପରିମାଣର ବିସ୍ଫୋରକ ସମେତ ଅସ୍ତ୍ରଶସ୍ତ୍ର ଜବତ ହୋଇଛି । ମାଓବାଦୀ ଏଠାରୁ ଅପରେଟ କରୁଥିବା ସନ୍ଦେହ କରାଯାଉଛି । ମାଓ ବିରୋଧୀ ଅପରେସନ ବେଳେ ତୁଳସୀ ପାହାଡ଼ରେ ଥିବା ଗୁମ୍ଫାରୁ ଟିଫିନ ବୋମା, ଗ୍ରେନେଡ୍, ୱାକିଟକି ଓ ବିପୁଳ ପରିମାଣର ମାଓ ପୁସ୍ତିକା ଜବତ ହୋଇଛି ।

#କମ୍ବିଂ_ଅପରେସନ_ବେଳେ_ସାମ୍ନାକୁ_ଆସିଲା_ଚାଞ୍ଚଲ୍ୟକର_ତଥ୍ୟ
ତୁଳସୀ ପାହାଡ଼ରେ ଥିବା ଗୁମ୍ଫାରେ ମାଓବାଦୀମାନେ ଅସ୍ତ୍ରଶସ୍ତ୍ର ରଖୁଥିବା ଜଣାପଡ଼ିଛି...#Maoists#Odishapic.twitter.com/DXx4lb9bE6

— ଓଟିଭି (@otvkhabar) November 9, 2023

ତେବେ ସୁରକ୍ଷାକର୍ମୀଙ୍କୁ ଟାର୍ଗେଟ କରିବାକୁ ମାଓବାଦୀ ରଚିଥିବା ଯୋଜନାକୁ ବିଏସ୍‌ଏଫ ଯବାନ ପଣ୍ଡ କରିଛନ୍ତି । ଆଖପାଖ ଅଞ୍ଚଳରେ ମାଓବାଦୀ ଓ ଆହୁରି ଅସ୍ତ୍ରଶସ୍ତ୍ର ଥିବା ସନ୍ଦେହରେ ସର୍ଚ୍ଚ ଅପରେସନକୁ ଜୋରଦାର କରାଯାଇଛି ।