LIVE TV
ବିବାହ ହେଉଛି ଦୁଇ ଜଣଙ୍କର ମିଳନ। ଦୁଇଜଣ ଅଜଣା ବ୍ୟକ୍ତି ସେମାନଙ୍କର ପୂରା ଜୀବନ ଏକାଠି ବିତାଇବାକୁ ପ୍ରସ୍ତୁତ ହୁଅନ୍ତି। ଏହି ସମ୍ପର୍କରେ ଅନେକ ଆପୋଷ ବୁଝାମଣା ଓ ଦାୟିତ୍ୱ ଅଛି। କିନ୍ତୁ ଏମିତି ବି ଦେଖାଯାଏ ବିବାହ ଅନେକ ଚେଷ୍ଟା ପରେ ମଧ୍ୟ ବିଫଳ ହୁଏ। ଲୋକମାନେ ପରସ୍ପରକୁ ବୁଝନ୍ତି ନାହିଁ, ଫଳରେ ସମ୍ପର୍କ ଭାଙ୍ଗିଯାଏ। ଏମିତି ବି ଲୋକ ଅଛନ୍ତି ଯେଉଁମାନେ ବିବାହ କରି ନାହାନ୍ତି। କିନ୍ତୁ ବ୍ରାଜିଲରେ ରହୁଥିବା ଆର୍ଥର ଓ’ ଉର୍ସୋ ଏକ ଇଭେଣ୍ଟରେ ୯ ଜଣ ମହିଳାଙ୍କୁ ବିବାହ କରି ଚର୍ଚ୍ଚାରେ ଅଛନ୍ତି।
ଗତ ବର୍ଷ ଆର୍ଥର ଏକାଥରକେ ୯ ଜଣ ମହିଳାଙ୍କୁ ବିବାହ କରିଥିଲେ। ତାଙ୍କ ବିବାହର ଫଟୋ ଦେଖି ଅନେକ ପୁରୁଷ ମଧ୍ୟ ଈର୍ଷା କରିଥିଲେ। କୁହାଯାଏ ଯେ ଚିକ୍ ଚିକ୍ କରୁଥିବା ସବୁ ଜିନିଷ ସୁନା ନୁହେଁ। ଅନେକ ପୁରୁଷ ଆର୍ଥରଙ୍କ ଜୀବନ ବଞ୍ଚିବାକୁ ଇଚ୍ଛା କରିବାକୁ ଲାଗିଲେ। କିନ୍ତୁ ଆର୍ଥର ଯାହା କହିଛନ୍ତି ତାହା ସେହି ପୁରୁଷମାନଙ୍କୁ ଆଶ୍ଚର୍ଯ୍ୟ କରିପାରେ ଯେଉଁମାନେ ଏକାଥରକେ ୯ ଜଣ ମହିଳାଙ୍କ ସ୍ୱାମୀ ହେବାକୁ ଚାହାଁନ୍ତି। ଆର୍ଥର ତାଙ୍କ ଦାମ୍ପତ୍ୟ ଜୀବନରେ ଖୁସି ନୁହଁନ୍ତି। ସେ କୁହନ୍ତି ଯେ ତାଙ୍କ ପତ୍ନୀଙ୍କମାନଙ୍କଠାରେ ଈର୍ଷାପରାୟଣ ଭାବନା ଆସିଛି, ଯେଉଁଥିପାଇଁ ସମସ୍ୟା ଆରମ୍ଭ ହୋଇଛି।
Also Read
ଆର୍ଥର୍ ନିଜେ ତାଙ୍କର ଏହି ଜୀବନକୁ ଲୋକଙ୍କ ସହ ବାଣ୍ଟିଛନ୍ତି। ସେ କହିଛନ୍ତି ଯେ ୯ ପତ୍ନୀଙ୍କୁ ଏକାଠି ଖୁସି ରଖିବା ପାଇଁ ସେ ବିବାହ ପରେ ଏକ ରୁଟିନ୍ କଲେ। ଏଥିରେ ସେ କାହାକୁ ବି ଏକାକୀ ଅନୁଭବ ନ କରିବାକୁ ଚେଷ୍ଟା କରନ୍ତି। କିନ୍ତୁ ବର୍ତ୍ତମାନ ଆର୍ଥର୍ ନିଜ ରୁଟିନ୍ରେ ବିରକ୍ତ ହେଉଛନ୍ତି।
ସେ କୁହନ୍ତି ଯେ ବର୍ତ୍ତମାନ ରୋମାନ୍ସ ଆବଶ୍ୟକତା ଠାରୁ ଅଧିକ ହୋଇଯାଉଛି। ରୁଟିନ୍ ଅନୁଯାୟୀ, ସେ ପ୍ରତିଦିନ ତାଙ୍କ ଭିନ୍ନ ଭିନ୍ନ ପତ୍ନୀଙ୍କୁ ସମୟ ଦିଅନ୍ତି। କିନ୍ତୁ ବେଳେ ବେଳେ ଏମିତି ହୁଏ ଯେ ସେ ଜଣଙ୍କ ସହ ଥିବା ବେଳେ ଅନ୍ୟ ଜଣଙ୍କ କଥା ଭାବନ୍ତି। ଏହା ଅତ୍ୟନ୍ତ ନୈରାଶ୍ୟଜନକ ବୋଲି ସେ କୁହନ୍ତି।
ଆର୍ଥର କୁହନ୍ତି ଯେ ତାଙ୍କର ୯ ପତ୍ନୀଙ୍କ ମଧ୍ୟରୁ ଏବେ ଜଣେ ତାଙ୍କଠାରୁ ଅଲଗା ହୋଇଯାଇଛନ୍ତି। ସେ ଏକାକୀ ଆର୍ଥରଙ୍କୁ ଚାହୁଁଥିଲେ। କିନ୍ତୁ ସେ ଏମିତି କରି ପାରିଲେ ନାହିଁ। ଏଭଳି ପରିସ୍ଥିତିରେ ସେ ଆର୍ଥରଙ୍କଠାରୁ ଅଲଗା ହେବାକୁ ନିଷ୍ପତ୍ତି ନେଇଲେ। ଏହି ବିଚ୍ଛେଦ ଆର୍ଥରଙ୍କୁ ଗଭୀର ଦୁଃଖିତ କରିଥିବା ସେ କୁହନ୍ତି। କିନ୍ତୁ ବର୍ତ୍ତମାନ ସେ ତାଙ୍କ ଅନ୍ୟ ପତ୍ନୀମାନଙ୍କ ସହିତ ସମୟ ବିତାଉଛନ୍ତି। ତାଙ୍କ କହିବା କଥା ସମସ୍ତଙ୍କର ପ୍ରକୃତି ଅଲଗା। କେତେକ ଲାଜୁଆ ହୋଇଥିବା ବେଳେ ଅନ୍ୟ କେତେକ ପ୍ରାଧାନ୍ୟ ଦେବାକୁ ପସନ୍ଦ କରନ୍ତି।
