ସହ୍ୟ ହେଲାନି ମା’ର ଯନ୍ତ୍ରଣା ; ଆକ୍ରମଣକାରୀକୁ ପାନେ ଦେଲା ବାଛୁରୀ

କଥାରେ ଅଛି ‘ଯେମିତି କର୍ମ, ସେମିତି ଫଳ’ । ତେଣୁ କାହା ସହ ଖରାପ କରିବା ଉଚିତ୍ ନୁହେଁ କିମ୍ବା କାହା ବିଷୟରେ ଖରାପ ଭାବିବା ଉଚିତ୍ ନୁହେଁ । ଯଦି ଆମେ ସେହିପରି କରିଥାଉ ତେବେ ଆମେ ନିଶ୍ଚିତ ଭାବରେ ସେହି ଖରାପ କର୍ମର ଫଳାଫଳ ଭୋଗିବୁ । ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି, ଯାହା ଏହି ଲୋକକଥାକୁ ସତ୍ୟ ବୋଲି ପ୍ରମାଣିତ କରୁଛି । ଏହି ଭିଡିଓରେ ଦେଖିବାକୁ ମିଳିଛି ଯେ ଜଣେ ବ୍ୟକ୍ତି ଗାଈକୁ ବାଡିରେ ପିଟୁଛି । ସେହି ସମୟରେ ବାଛୁରୀ ବ୍ୟକ୍ତିଙ୍କ ସହ ଯାହା କରିଛି ତାହା ଆପଣ ବି ଦେଖିଲେ ଆଶ୍ଚର୍ଯ୍ୟ ହୋଇଯିବେ ।

ଦେଖନ୍ତୁ ଏହି ଭାଇରାଲ ଭିଡ଼ିଓ :- 

That calf is a savage 🤣 pic.twitter.com/mBpo87Muh4

— Mesh🇧🇧 (@rahsh33m) August 2, 2022

ଭାଇରାଲ୍ ହେଉଥିବା ଏହି ଭିଡ଼ିଓଟିରେ କିଛି ଗୋଶାଳାରେ କିଛି ଗାଇଙ୍କ ସହ ଜଣେ ବ୍ୟକ୍ତି ଥିବା ଦେଖିବାକୁ ମିଳିଛି । ବ୍ୟକ୍ତି ଜଣକ ଗାଈକୁ ବାଡ଼ିରେ ବାଡାଉଥିବାର ମଧ୍ୟ ଦେଖିବାକୁ ମିଳୁଛି । ଠିକ୍‌ ସେହି ସମୟରେ ବାଛୁରୀ ଆସି ଡେଇଁବା ସହ ଯୁବକଙ୍କୁ ଲାତ ମାରିଥିଲା । ଫଳରେ ଯୁବକ ଜଣକ ଚିତ୍‌ପଟାଙ୍ଗ୍ ହୋଇ ତଳେ ପଡିଯାଇଛନ୍ତି ।

ସୋସିଆଲ ମିଡିଆରେ ଏହି ଭିଡିଓ ଏବେ ବେଶ୍ ଭାଇରାଲ ହେଉଛି । ଏହି ଭିଡିଓଟି ଟ୍ୱିଟରରେ ମେଶ୍‌ ନାମକ ଜଣେ ୟୁଜର ଶେୟାର କରିଛନ୍ତି। ଏହି ଭିଡିଓକୁ ବର୍ତ୍ତମାନ ସୁଦ୍ଧା ୩ ଲକ୍ଷରୁ ଅଧିକ ଜଣ ଦେଖିଛନ୍ତି । ତେବେ ଭିଡ଼ିଓଟି ଦେଖି ୟୁଜର୍ସ ବିଭିନ୍ନ ମତାମତ ଦେଇଛନ୍ତି । କିଛି ଲୋକେ କହିଛନ୍ତି ଯେ, ବାଛୁରୀଟି ଠିକ୍ କରିଛି । ଲୋକଙ୍କୁ ଏହିପରି ନିଜ ଖରାପ୍ କର୍ମର ଫଳ ନିହାତି ମିଳିବା ଆବଶ୍ୟକ ।