LIVE TV
କଥାରେ ଅଛି ରଖେ ହରି ତ ମାରେ କିଏ ? ଏହାର ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି କେନ୍ଦ୍ରାପଡା ଜିଲ୍ଲା ରାଜକନିକାରେ । କୁମ୍ଭୀର ସହ ଲଢ଼ି ନିଜ ଜୀବନ ରକ୍ଷା କରିଛନ୍ତି କେନ୍ଦ୍ରାପଡାର ନିତ୍ୟାନନ୍ଦ ପାତ୍ର ।
କେନ୍ଦ୍ରାପଡା ଜିଲ୍ଲା ରାଜକନିକା ଥାନା ବଡ଼ଜୋରମୁହଁ ଗାଁର ନିତ୍ୟାନନ୍ଦ ପାତ୍ର ଗତ ୨ ତାରିଖ ଦିନ ଶୌଚ ହେବା ପାଇଁ ଖରସ୍ରୋତା ନଦୀକୁ ଯାଇଥିଲେ । ସେହିସମୟରେ ହଠାତ୍ ଏକ କୁମ୍ଭୀର ଆସି ତାଙ୍କୁ ପାଣି ଭତରକୁ ଟାଣି ନେଇଥିଲା । ପରେ ପରେ ଦୀର୍ଘ ୨୦ ମିନିଟ୍ ଧରି ସେ କୁମ୍ଭୀର ସହ ନିଜ ଜୀବନ ରକ୍ଷା କରିବା ପାଇଁ ଲଢ଼େଇ କରିଥିଲେ । କୁମ୍ଭୀର ସହ ଜୀବନ-ମରଣର ସଂଘର୍ଷ ପରେ ହାର୍ ନ ମାନି ଶେଷରେ ସେ ନିଜ ଜୀବନ ବଞ୍ଚାଇପାରିଛନ୍ତି ।
Also Read
ତେବେ କୁମ୍ଭୀର ଆକ୍ରମଣ ପରେ ଗତ ୪ ଦିନ ଧରି ନିତ୍ୟାନନ୍ଦ କଟକ ବଡ଼ମେଡିକାଲ୍ରେ ଚିକିତ୍ସା ହେବେ ପରେ ଏବେ ଘରକୁ ଫେରିଛନ୍ତି ଏବଂ ନିଜ ସଂଘର୍ଷର କାହାଣୀ ବଖାଣିଛନ୍ତି ।
#କୁମ୍ଭୀର_ସହ_ଲଢେଇ_କରି_ଜିତିଲେ
— ଓଟିଭି (@otvkhabar) July 7, 2022
ଅକାତକାତ ପାଣି ଭିତରେ କୁମ୍ଭୀର ସହ ଲଢେଇ। ଦୀର୍ଘ ୨୦ ମିନିଟ୍ କୁମ୍ଭୀର ସହ ସଂଘର୍ଷ କରିବା ପରେ କୂଳକୁ ଆସିଥିଲେ ରାଜକନିକାର ନିତ୍ୟାନନ୍ଦ ପାତ୍ର#CrocodileAttack #Aul #Odisha pic.twitter.com/G53XlPx8kW
ଏନେଇ ନିତ୍ୟାନନ୍ଦ କହିଛନ୍ତି ଯେ, ‘ ଦୀର୍ଘ ୧୪ ପିଢ଼ି ହେବ ଆମେ ସେହି ନଦୀରେ କାରବାର କରିଆସୁଅଛୁ । ଶୌଚ ହେବା ସମୟରେ କୁମ୍ଭୀର ଗଣ୍ଡରେ ଛକି ରହିଥିଲା । ମୁହଁ ଧୋଇଲା ବେଳେ ହଠାତ୍ ସେଇ କୁମ୍ଭୀର ଆସି ମୋ ବେକକୁ ଧରି ଗଣ୍ଡ ଭିତରକୁ ଟାଣିନେଲା । ପେଟ ତଳେ ପୁରାଇ ଗୋଟେ ରାଉଣ୍ଡ ମାରିଲାବେଳେ ମୁ ଭାବିନଥିଲିଯେ, ମୁଁ କୁମ୍ଭୀର ଆକ୍ରମଣର ଶିକାର ହୋଇଛି । ପ୍ରଭୁଙ୍କ ଦୟାରୁ ଗୋଟେ ବାଡି ମୋ ହାତରେ ପଡିଗଲା ଓ କୁମ୍ଭୀର ଗୋଡ ମୋ ହାତରେ ପଡିଗଲା । ଯାହା ପରେ ମୁଁ କୁମ୍ଭୀର ଗୋଡକୁ ମୋଡିଦେଲି
ଏହାସହ ସେ ଆହୁରି ମଧ୍ୟ କହିଛନ୍ତି ଯେ, କୁମ୍ଭୀରଟି ତିନି କ୍ୱିଣ୍ଟାଲ୍ ଓଜନର ହୋଇଥିବାବେଳେ ତାର ଲମ୍ୱ ୨୦ ଫୁଟ୍ରୁ ଉର୍ଦ୍ଧ୍ୱ । ଏହାର ଓସାର ଥିଲା ସାଢ଼େ ୩ ଫୁଟ୍ । ତା ସହ ସଂଘର୍ଷ କରି ମୁଁ ଆହତ ହୋଇଛି । ଦୀର୍ଘ ୨୦-ରୁ ୨୫ ମିନିଟ୍ ଧରି ମୁଁ କୁମ୍ଭୀର ସହ ସଂଘର୍ଷ କରିଛି ’ । କୁମ୍ଭୀର ପାଟିରୁ କେହି ବଞ୍ଚନ୍ତି ନାହିଁ । ତେଣୁ ମୋର ବି ବିଶ୍ୱାସ ନଥିଲା କି ମୁଁ କୁମ୍ଭୀର ପାଟିରୁ ବଞ୍ଚିପାରିବି ବୋଲି । ହେଲେ ଠାକୁରଙ୍କ ଦୟାରୁ ଦୀର୍ଘ ୨୦ ମିନିଟ୍ର ସଂଘର୍ଷ ପରେ ମୁଁ କୂଳକୁ ଫେରି ଆସିପାରିଥିଲି’ ।
