• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

ଆପଣ ନିଶ୍ଚୟ ଶୁଣିଥିବେ ବିବାହକୁ ନେଇ ଅନେକ ଜୋକ୍ସ। ଏହା ମଧ୍ୟ ଦେଖିଥିବେ ଅନେକ ନିଜ ବୈବାହିକ ଜୀବନକୁ ନେଇ ଦୁଃଖୀ ହେବାର। ଏହା ସତ ଯେ ଆଜିର ଦୁନିଆରେ ଗୋଟିଏ ସ୍ତ୍ରୀକୁ ସମ୍ଭାଳିବା କେତେ କଷ୍ଟକର। ଏନେଇ ଅଧିକାଂଶ ଲୋକ ଥରେ ବିବାହ କରିବା ଆଉ  ଦ୍ୱିତୀୟ ଥର ପାଇଁ ମନ କରନ୍ତିନି।

ଏଭଳି ପରିସ୍ଥିତିରେ ଯଦି ଆପଣଙ୍କୁ କୁହାଯାଏ ଜଣେ ୧୦୦ରୁ ଅଧିକ ଯୁବତୀଙ୍କୁ ବିବାହ କରିଛନ୍ତି ତେବେ ଆପଣ କ’ଣ ବିଶ୍ୱାସ କରିବେ? କିନ୍ତୁ ଏହା ସତ ଯେ ଏପରି ଜଣେ ବ୍ୟକ୍ତି ଅଛନ୍ତି ଯିଏ ତାଙ୍କ ଜୀବନରେ ୧୦୦ରୁ ଅଧିକ ବିବାହ କରିଛନ୍ତି ଏବଂ କୌଣସି ପତ୍ନୀଙ୍କୁ ଛାଡପତ୍ର ଦେଇ ନାହାଁନ୍ତି।

ଅଧିକ ପଢ଼ନ୍ତୁ: ୯୨ ବର୍ଷରେ ୫ମ ବିବାହ କରିବେ ରୂପର୍ଟ; ଖୁବ୍‌ଶୀଘ୍ର ପାଇବେ ନୂଆ ଜୀବନସାଥୀ

କିଛି ଦିନ ପୂର୍ବରୁ ଏମିତି ଏକ ଖବର ମଧ୍ୟ ସାମ୍ନାକୁ ଆସିଥିଲା ଯାହା ଚର୍ଚ୍ଚାର ପରିସରରେ ଥିଲା। ପାକିସ୍ତାନର ଜଣେ ବ୍ୟକି ୧୦୦ରୁ ଅଧିକ ଜଣକୁ ବିବାହ କରିଥିଲେ, କିନ୍ତୁ ସବୁ ପତ୍ନୀଙ୍କୁ ଛାଡପତ୍ର ଦେବାକୁ ନିଷ୍ପତ୍ତି ନେଇଥିଲେ। କିନ୍ତୁ ଆଜି ଆମେ ଆପଣଙ୍କୁ ଏମିତି ଜଣେ ବ୍ୟକ୍ତିଙ୍କ ବିଷୟରେ କହିବୁ ଯିଏ ସର୍ବାଧିକ ବିବାହ କରି ରେକର୍ଡ ତିଆରି କରିଛନ୍ତି। ସେ ସମୁଦାୟ ୧୪ଟି ଦେଶର ଜ୍ୱାଇଁ ହୋଇପାରିଛନ୍ତି, କାରଣ ସେ ଏହି ସମସ୍ତ ଦେଶରେ ବିବାହ କରିଛନ୍ତି।

୩୨ ବର୍ଷରେ ୧୦୦ ରୁ ଅଧିକ ବିବାହ:

ଏହି ବ୍ୟକ୍ତିଙ୍କ ନା’ ଜିଓଭାନ୍ନୀ ଭିଗ୍‌ଲିଓଟୋ। ସବୁଠାରୁ ରୋଚକ କଥା ହେଲା ତାଙ୍କୁ ମାତ୍ର ୩୨ ବର୍ଷ ହୋଇଥିଲା। ଆଜିକାଲି ଏହି ବୟସରେ ଯୁବକମାନଙ୍କୁ ବିବାହ ପାଇଁ ଗୋଟିଏ ଝିଅ ମିଳୁ ନଥିବା ବେଳେ ଏହି ବ୍ୟକ୍ତି ୧୦୦ରୁ ଅଧିକ ବିବାହ କରିସାରିଥିଲେ। ଏହି ସମସ୍ତ ବିବାହ ୧୯୪୯ ରୁ ୧୯୮୧ ମସିହା ମଧ୍ୟରେ ହୋଇଥିଲା। ଗିନିଜ ୱାର୍ଲ୍ଡ ରେକର୍ଡସ ପକ୍ଷରୁ ଏହି ବ୍ୟକ୍ତିଙ୍କ ଭିଡିଓ ଶେୟାର କରାଯାଇ କୁହାଯାଇଛି ଯେ ସେ ହେଉଛନ୍ତି ସେହି ବ୍ୟକ୍ତି ଯିଏ ଏକାଧିକ ବିବାହ କରିଛନ୍ତି।

ଏହା ମଧ୍ୟ କୁହାଯାଏ ଯେ ଜିଓଭାନ୍ନୀ ଭିଗ୍‌ଲିଓଟୋ ତାଙ୍କର ପ୍ରକୃତ ନା’ ନୁହେଁ। ସେ ତାଙ୍କର ଶେଷ ବିବାହ ସମୟରେ ଏହି ନା’ ବ୍ୟବହାର କରିଥିଲେ। ସେ ୧୯୨୯ ମସିହାରେ ଇଟାଲୀର କ୍ରାଇମ ସହର ସିସିଲିରେ ଜନ୍ମଗ୍ରହଣ କରିଥିଲେ ଏବଂ ତାଙ୍କର ପ୍ରକୃତ ନା’ ନିକୋଲାଇ ପେରୁସ୍କୋଭ ବୋଲି ସେ କହିଥିଲେ। କିନ୍ତୁ ୫୩ ବର୍ଷ ବୟସରେ ସେ ଧରାପଡ଼ିବା ପରେ ଓକିଲ ତାଙ୍କ ନା’ ଫ୍ରେଡ୍‌ ଜିପ୍‌ କହିବା ସହ ତାଙ୍କ ଜନ୍ମ ସ୍ଥାନ ନ୍ୟୁୟର୍କ ବୋଲି କହିଥିଲେ।

ସୂଚନା ଅନୁଯାୟୀ, ଏହି ବ୍ୟକ୍ତି ଜଣଙ୍କ ପ୍ରଥମ ଦିନରେ ମହିଳାମାନଙ୍କୁ ପ୍ରସ୍ତାବ ଦେଇଦେଉଥିଲେ। ସେ ସମୁଦାୟ ୧୦୪-୧୦୫ ମହିଳାଙ୍କୁ ବିବାହ କରିଥିଲେ ଏବଂ ସେମାନଙ୍କ ମଧ୍ୟରୁ କେହି କାହାକୁ ଜାଣି ନଥିଲେ। ଆମେରିକାର ୨୭ଟି ରାଜ୍ୟରେ ତାଙ୍କର ପତ୍ନୀ ଥିବାବେଳେ ସେ ୧୪ଟି ଦେଶରେ ବିବାହ କରିଛନ୍ତି ଏବଂ ସେଠାକାର ଜ୍ୱାଇଁ ହୋଇଛନ୍ତି।

ଏହି ବ୍ୟକ୍ତିଙ୍କ ବିଷୟରେ ଏକ କଥା ସମସ୍ତଙ୍କୁ ଆଶ୍ଚର୍ଯ୍ୟ କରେ। ସେ ମହିଳାମାନଙ୍କୁ ବିବାହ କରୁଥିଲେ ଏବଂ ସେମାନଙ୍କ ଟଙ୍କା ଏବଂ ମୂଲ୍ୟବାନ ଜିନିଷ ନେଇ ପଳାଇ ଯାଉଥିଲେ ଏବଂ ଆଉ କେବେ ଦେଖାଦେଉ ନଥିଲେ। ଯେଉଁ ଜିନିଷଗୁଡିକ ସେ ନେଇ ପଳାଉଥିଲେ ସେସବୁକୁ ସେ ଚୋରା ବଜାରରେ ବିକ୍ରି କରୁଥିଲେ ଏବଂ ତା’ପରେ ସେ ଅନ୍ୟ ଜଣେ ମହିଳାଙ୍କୁ ଫାନ୍ଦରେ ପକାଉଥିଲେ।

୧୯୮୧ ମସିହାରେ ପୋଲିସ ତାଙ୍କୁ ଫ୍ଲୋରିଡାରୁ ଧରିଥିଲା ​​ଏବଂ ତାଙ୍କୁ ଦଣ୍ଡ ଦିଆଯାଇଥିଲା। ବ୍ରେନ୍ ହାମ୍‌ରେଜ୍ କାରଣରୁ ତାଙ୍କର ୬୧ ବର୍ଷ ବୟସରେ ଦେହାନ୍ତ ହୋଇଥିଲା।