ବିଜୁଳି ଚୋରି କରୁଛନ୍ତି ଜେଲ୍‌ କର୍ତ୍ତୃପକ୍ଷ !

ଜେଲରେ ଚୋରୀ । ଏମିତି ସେମିତି ଚୋରୀ ନୁହେଁ ବରଂ ୩ ବର୍ଷ ଧରି ସିଧାସିଧା ଚାଲିଛି ବିଜୁଳି ଚୋରି । ରାସ୍ତା ଉପର ଖୁଣ୍ଟରୁ ବାଇପାସ୍ କରି ନିଆଯାଇଛି ବିଦ୍ୟୁତ ଲାଇନ୍ । ବାସ୍ ଏହା ଜଣାପଡିବା ପରେ ପୂରା ଜିଲ୍ଲାରେ ଜୋର ଧରିଛି ଚର୍ଚ୍ଚା ।

ମାଲକାନଗିରି ଜିଲ୍ଲା ଉପ-କାରାଗାର । ଏଠାରେ ରହୁଛନ୍ତି ୬୦୦ରୁ ଅଧିକ କଏଦୀ । ସରକାରଙ୍କ ପକ୍ଷରୁ କଏଦୀଙ୍କ ପାଇଁ ସମସ୍ତ ବ୍ୟବସ୍ଥା କରାଯାଇଥାଏ । କିନ୍ତୁ ଏଠାରେ କଏଦୀଙ୍କ ଲାଗି ଚୋରାରେ ଯାଉଛି ବିଜୁଳି । ହେଲେ କାହିଁକି ଏମିତି ଚୋରାରେ ବିଜୁଳି ଯାଉଛି? ବିଭାଗୀୟ କର୍ତ୍ତୃପକ୍ଷ ଅବଗତ ଅଛନ୍ତି କି ନାହିଁ? ତାହା ଜାଣିବା ଲାଗି ଆମେ ପହଞ୍ଚିଥିଲୁ ବିଜୁଳି ବିଭାଗ କାର୍ଯ୍ୟାଳୟରେ । ଜେଲକୁ ଏମିତି ଚୋରାରେ ବିଜୁଳି ଯାଉଥିବା କଥା ଜଣାଇଥିଲୁ । ହେଲେ ୨ ଦିନ ପରେ ବି ସେମିତି କିଛି ଆଖିଦୃଶିଆ ପଦକ୍ଷେପ ନେଇନି ବିଜୁଳି ବିଭାଗ । କେବଳ ଜଣେ ଲାଇନମ୍ୟାନଙ୍କୁ ପଠାଇ କାମ ସାରିଦେଇଛନ୍ତି ।

ଲାଇନମ୍ୟାନ କ’ଣ ଦେଖିଲେ ? ଉପରିସ୍ଥ ଅଧିକାରୀଙ୍କୁ କ’ଣ ରିପୋର୍ଟ ଦେବେ ? ସେ ସମ୍ପର୍କରେ କ୍ୟାମେରା ଆଗରେ କିଛି କହିନାହାନ୍ତି । ଜେଲ ସମ୍ମୁଖରେ ଥିବା ଏକ ପୋଲରୁ ହୁକ୍ ମାଧ୍ୟମରେ ଜେଲକୁ ବିଜୁଳି ଯାଇଥିବା ଏବଂ ଭିତରେ ମଧ୍ୟ ଅଧିକାଂଶ ସ୍ଥାନରେ ବାଇପାସ୍ କରାଯାଇଥିବା ପରୋକ୍ଷରେ ସୂଚନା ମିଳୁଛି । ତେବେ ଏମିତି ଚୋରା କାରବାର ଉପରେ ବିଦ୍ୟୁତ ବିଭାଗ ସ୍ପଷ୍ଟୀକରଣ ରଖିବା ସହ କାର୍ଯ୍ୟାନୁଷ୍ଠାନ ନେବାକୁ ଦାବି ଜୋର ଧରିଛି । ଗୁରୁତ୍ୱପୂର୍ଣ୍ଣ କଥା ହେଲା, ଜେଲକୁ ଏମିତି ଚୋରାରେ ବିଜୁଳି ଯିବା କଥା ନେଇ ସୁପରିଟେଣ୍ଡେଣ୍ଟଙ୍କୁ ଯୋଗାଯୋଗ କରିବାକୁ ଚେଷ୍ଟା କରିଥିଲୁ । ହେଲେ ସେ ବିରକ୍ତି ପ୍ରକାଶ କରିବା ସହ ଖବର ପ୍ରସାରଣ ନକରିବାକୁ ସିଧାସଳଖ କହିଥିଲେ ।

Also Read

ମାତ୍ର କେଇ ଘଣ୍ଟାରେ ପଦା ପଡ଼ିଗଲା ଖୋର୍ଦ୍ଧା ତରତୁଆ ସଂରକ୍ଷିତ ଜଙ୍ଗଲ

Read More

ରାତି ଅନିଦ୍ରା ଅନ୍ତର୍ଯ୍ୟାମୀ : ଶ୍ରୀମନ୍ଦିରରେ ନୀତି ବିଭ୍ରାଟ, ଦର୍ଶନାର୍ଥୀ ଭକ୍ତ ଛଟପଟ

Read More

କର୍ଣ୍ଣାଟକ ରାଜନୀତି: ସିଦ୍ଦରମୈୟାଙ୍କୁ ମୁଖ୍ୟମନ୍ତ୍ରୀ, ଶିବକୁମାରଙ୍କୁ ୬ ବିଭାଗର ମନ୍ତ୍ରୀ ପଦ ଅଫର !

Read More

ଅନେକ ସମୟରେ ଆମେ ଦେଖିଛନ୍ତି, ସାମାନ୍ୟ କଥାକୁ ନେଇ ବିଜୁଳି ସଂଯୋଗ କାଟିଦେଇଥାଏ ବିଜୁଳି ବିଭାଗ । ହେଲେ ଏଇଠି ଦିନ ଦ୍ୱିପ୍ରହରେ ଏମିତି ଚୋରା କାରବାର ଚାଲିଛି କିନ୍ତୁ କୌଣସି କାର୍ଯ୍ୟାନୁଷ୍ଠାନ ନେଉନି ଟାଟା । ତେଣୁ ଜେଲ କର୍ତ୍ତୃପକ୍ଷ ଓ ଟାଟାପାୱାରଙ୍କ ମଧ୍ୟରେ କିଛି ସଲାସୁତୁରା ରହିଥିବା ଚର୍ଚ୍ଚା ଚାଲିଛି...ତେବେ ଏନେଇ ଜେଲ୍‌ ବିଭାଗ ଓ ଟାଟା କର୍ତ୍ତୃପକ୍ଷ କେହି ହେଲେବି ପ୍ରତିକ୍ରିୟା ଦେବାକୁ ରାଜି ହୋଇନାହାନ୍ତି...