LIVE TV
ଭୁବନେଶ୍ୱର ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ(RBI) ସମ୍ମୁଖରେ ଇଡି(ପ୍ରବର୍ତ୍ତନ ନିର୍ଦ୍ଦେଶାଳୟ) ଟିମ୍ । EOW ପରେ ଇଡି ଟିମ୍ ପହଞ୍ଚି ତନାଘନା କରିଛି । ମଜୁରୀ ନେଇ ଟଙ୍କା ବଦଳ ଖବର ସାମ୍ନାକୁ ଆସିବା ପରେ ଉଭୟ ଟିମ୍ ପହଞ୍ଚି ତନାଘନା ଆରମ୍ଭ କରିଛି । ନୋଟ୍ ବଦଳାଇବା ପାଇଁ ଧାଡ଼ିରେ ଛିଡ଼ା ହୋଇଥିବା ଲୋକଙ୍କୁ ଉଭୟ ଟିମ୍ ପଚରାଉଚରା କରିଥିଲା ।
EOWର ୨ ଜଣିଆ ଟିମ୍ ଯାଞ୍ଚ କରୁଛନ୍ତି । ଧାଡ଼ିରେ ଥିବା ଲୋକଙ୍କ ଆଧାରକାର୍ଡ ଯାଞ୍ଚ କରାଯାଇଛି । ସେମାନଙ୍କ ଟଙ୍କା କି ନୁହେଁ କିମ୍ବା ସେମାନଙ୍କୁ କିଏ ପଠାଇଛି ସେନେଇ EOW ଟିମ୍ ପଚରାଉଚରା କରିଛି । ୨ ହଜାର ଟଙ୍କିଆ ନୋଟ୍ ବଦଳ ପାଇଁ RBI ଭୁବନେଶ୍ୱର ଶାଖା ଆଗରେ ଲୋକଙ୍କ ଲମ୍ବା ଲାଇନ୍ ଲାଗୁଛି ।
ଦୈନିକ ପ୍ରାୟ ୭୦୦ ଲୋକ ଧାଡ଼ିରେ ଠିଆ ହୋଇ ନୋଟ୍ ବଦଳାଉଛନ୍ତି । ତେବେ ଏହି ଟଙ୍କା କାହାର ଓ କିଏ ବଦଳାଉଛି ତାକୁ ନେଇ ସନ୍ଦେହ ସୃଷ୍ଟି ହୋଇଥିଲା । ଏନେଇ ଖବର ପ୍ରସାରଣ ପରେ EOW ଓ ED ଉଭୟ ଟିମ୍ ପହଞ୍ଚି ତନାଘନା ଚଳାଇଛନ୍ତି ।
