ବାନ୍ଧବୀଙ୍କ ସହ ସମୁଦ୍ରକୂଳରେ ବସିଥିଲେ; ବଜ୍ରାଘାତରେ ଚାଲିଗଲା ଜୀବନ

ବଜ୍ରାଘାତରେ ନେଲା ଜୀବନ । ସମୁଦ୍ରକୂଳରେ ବସିଥିବା ବେଳେ ବ୍ରଜାଘାତରେ ଚାଲିଗଲା ଛାତ୍ରଙ୍କ ଜୀବନ । ଗଞ୍ଜାମ ଗୋପାଳପୁର ସମୁଦ୍ର କୂଳରେ ଘଟିଛି ଏହି ଘଟଣା । ମୃତକ ଜଣକ ବ୍ରହ୍ମପୁର ବିଶ୍ୱବିଦ୍ୟାଳୟ ବୋଟିନ୍ ବିଭାଗର ଦ୍ୱିତୀୟ ବର୍ଷ ଛାତ୍ର ଅମିତ ନାୟକ ବୋଲି ଜଣାପଡିଛି ।

ଗତକାଲି ଅମିତ ଓ ତାଙ୍କ ଜଣେ ସହପାଠୀ ମିଶି ସମୁଦ୍ର କୂଳରେ ବସିଥିଲେ । ଏହି ସମୟରେ ବ୍ରଜଘାତ ହୋଇଥିଲା । ସେହିସମୟରେ ଅମିତ ମୋବାଇଲ୍ ବ୍ୟବହାର କରିବା ସହ କାନରେ ଇୟରଫୋନ୍ ଲଗାଇଥିଲେ । ଠିକ୍ ସେତିକିବେଳେ ଅମିତ ବଜ୍ରାଘାତର ଶିକାର ହୋଇଥିଲେ । ଏହାସହ ଅଘଟଣ ବେଳେ ମୋବାଇଲ୍ ଫାଟି ଯାଇଥିବାର ସୂଚନା ମିଳିଛି । ତେବେ ଅମିତଙ୍କ ମୃତ୍ୟୁ ପଛର କାରଣ ଏବେସୁଦ୍ଧା ଜଣାପଡିନାହିଁ ।

ତେବେ ଅମିତଙ୍କ ମୃତ୍ୟୁ କିପରି ହେଲା ସେନେଇ ଏବେ ଖୋଳତାଡ଼ କରାଯାଉଥିବାବେଳେ ତାଙ୍କ ବାନ୍ଧବୀ ଏବେ ହସ୍ପିଟାଲ୍‌ରେ ଚିକିତ୍ସିତ ଅବସ୍ଥାରେ ରହିଥିବା ଜଣାପଡିଛି ।