ଝୁଟି ଖଡ଼ିର ମୂର୍ତ୍ତି ଗଢ଼ିଥିଲେ, ଏବେ ଇଣ୍ଡିଆ ବୁକ୍‌ ଅଫ୍‌ ରେକର୍ଡରେ..

କନ୍ଧମାଳ (ତ୍ରୀନାଥ ସାହୁ): ଫୁଲବାଣୀ ସ୍ଥିତ ନଦୀଖଣ୍ଡି ସାହିର କଲେଜ ଛାତ୍ର ଏନ.ପ୍ରତ୍ୟୁଷ କୁମାର ଚୌଧୁରୀ ଝୁଟି ଖଡ଼ିରେ ନିର୍ମାଣ କରୁଛନ୍ତି ଆଖି ଝଲସିଲା ଭଳି ମୂର୍ତ୍ତି। ୨.୫ ସେଣ୍ଟିମିଟର ଚଉଡା ଏବଂ ୧.୯ ସେଣ୍ଟିମିଟର ଉଚ୍ଚତା ବିଶିଷ୍ଟ ରଥକୁ Asia Book Of Records ଏବଂ India Book Of Records ରେ ସବୁଠାରୁ ଛୋଟିଆ ରଥର ମାନ୍ୟତା ମିଳିଛି । ଏ ନେଇ ପ୍ରତ୍ୟୁଷ ପାଖକୁ Asia Book Of Record ଏବଂ India Book Of Record ପକ୍ଷରୁ Certificate ଏବଂ ମେଡାଲ ବି ଆସିଛି ।

ଆଉ ଏହି ମେଡାଲ ଏବଂ Certificate ତାଙ୍କ ପାଖକୁ ଉଭୟ ସଂସ୍ଥା ପକ୍ଷରୁ Courier ରେ ଆସିଛି । ଏହା ଆସିବା ପରେ କନ୍ଧମାଳ ଜିଲ୍ଲାପାଳ ଡ଼.ବୃନ୍ଦା ଡ଼ି ପ୍ରତ୍ୟୁଷକୁ ଶୁଭେଚ୍ଛା ଏବଂ ଅଭିନନ୍ଦନ ଜଣାଇଛନ୍ତି । ପ୍ରତ୍ୟୁଷ ଏହି ସଫଳତା ପାଇବା ପରେ ବହୁତ ଖୁସି ଥିବା କହିବା ସହ ଆଗକୁ ସେ କିପରି ଏହାକୁ Limca Book of records ଏବଂ ଗିନିଜ୍‌ ବୁକ୍‌ ଅଫ୍‌ ରେକର୍ଡସ୍‌ରେ ସ୍ଥାନିତ କରିପାରିବ ସେହି ଆଶା ରଖିଛନ୍ତି । ତା’ ସହିତ ଏହି ସଫଳତା ତାଙ୍କୁ ଆଗକୁ ଅନେକ ଏଭଳି କଳାକୃତି କରିବା ପାଇଁ ପ୍ରେରଣା ଦେବ ଏବଂ ଯାହାକି ତାଙ୍କୁ ଦୁନିଆରେ ପରିଚିତ କରିପାରିବ ବୋଲି କହିଛନ୍ତି ପ୍ରତ୍ୟୁଷ ।

Also Read

ଏଇଠି ଚୋରା ଗାଡ଼ିକୁ କଟର୍‌ରେ କଟାଯାଉଛି, ଯଦି ଆପଣଙ୍କ ଗାଡ଼ି....

ପର୍ଯ୍ୟଟନ ଋତୁରେ ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ ପ୍ରୟାସ : ରାଜ୍ୟର ବିଭିନ୍ନ ଜଳରାଶିରେ ହେବ କ୍ରୁଜ୍ ବ୍ୟବସ୍ଥା

ହୋଟେଲରେ ଗର୍ଲଫ୍ରେଣ୍ଡ୍ ସହ ଇନ୍ସପେକ୍ଟର : ଖବର ପାଇ ପହଞ୍ଚିଗଲେ ସ୍ତ୍ରୀ , ତା’ପରେ

ତେବେ ପ୍ରତ୍ୟୁଷ ଯେଉଁ ଛୋଟିଆ ରଥ ନିର୍ମାଣ କରିଥିଲେ ସେ ବାବଦରେ ଆମେ OTV ରେ ଗତ ଅଗଷ୍ଟ ମାସରେ ଖବର ପ୍ରସାରଣ କରିଥିଲୁ । ଖବର ପ୍ରସାରଣ ପରେ ତାଙ୍କର କଳାକୃତି ବାବଦରେ ସମସ୍ତେ ଜାଣିଥିଲେ ଏବଂ କନ୍ଧମାଳ ଜିଲ୍ଲାପାଳ ମଧ୍ୟ ତାଙ୍କୁ ଏଥିପାଇଁ ପ୍ରୋଜେକ୍ଟ କରିଥିଲେ । ଯେଉଁଥି ପାଇଁ ଆଜି ସେ ଏହି ସଫଳତା ପାଇପାରିଛନ୍ତି ବୋଲି କହିଛନ୍ତି ପ୍ରତ୍ୟୁଷ । ‌ଏହାସହ ଆଗାମୀ ଦିନରେ ସେ ଅନେକ ଛୋଟ ଛୋଟ ସାମଗ୍ରୀ ତିଆରି କବିବାକୁ ଇଚ୍ଛା ରଖିଥିବା ସେ କହିଛନ୍ତି।

OTV is now on Whatsapp

Join and get latest news update delivered to you via whatsapp

Join Now