LIVE TV
ବ୍ୟାଙ୍କ ଆଗରେ ଚାଷୀଙ୍କ ଲମ୍ବା ଲାଇନ୍ । ଚାଷୀଙ୍କ ସହ ଧାଡି ବାନ୍ଧିଛନ୍ତି ଇଟା, ପଥର, ହେଲମେଟ, ଜମା ଖାତା ଓ ବ୍ୟାଗ। ଝାରସୁଗୁଡା ଜିଲ୍ଲା ଲଇକେରା ଏସ୍ଡିସିସି ବ୍ୟାଙ୍କରେ ଦେଖିବାକୁ ମିଳିଛି ଏହି ଚିତ୍ର ।ଗ୍ରାହକ ରାତି ୩ଟାରୁ ଆସି ବ୍ୟାଙ୍କ ଆଗରେ ଲାଇନରେ ଛିଡା ହୋଇଛନ୍ତି । ବ୍ୟାଙ୍କ ଖୋଲିଲେ ଚାଷୀ ଟଙ୍କା ଉଠାଣ କରି ଘରକୁ ଯିବେ ଆଉ ଚାଷ କାମରେ ଲାଗିବେ।
ଫସଲ ବୀମା ଟଙ୍କା ଉଠାଣ କରିବା ପାଇଁ ଶତାଧିକ ଚାଷୀ ବ୍ୟାଙ୍କ ଆଗରେ ଏଭଳି ଭିଡ ଜମାଇଛନ୍ତି । ଖରାରେ ଦୀର୍ଘ ସମୟ ଛିଡା ହେବା ସମ୍ଭବ ହେଉ ନଥିବାରୁ ଲୋକେ ଏଭଳି ଲମ୍ବା ଲାଇନ୍ ଲଗାଇଛନ୍ତି ।
ସୂଚନା ଅନୁସାରେ, ୩ ବ୍ଲକ ଲଇକେରା, କୋଲାବିରା ଏବଂ କିର୍ମ୍ମିରା ଆଦିର ହଜାର ହଜାର ଚାଷୀ ଚାଷ କାମ ପାଇଁ ଏକା ସାଙ୍ଗରେ ଟଙ୍କା ନେବାକୁ ଆସୁଥିବାରୁ ଏଭଳି ଭିଡ ରହୁଛି । ତେଣୁ ନମ୍ବରିଂ କରି ଚାଷୀଙ୍କ କାମ ଚାଲିଛି । ତେବେ ଗୋଟିଏ କାଉଂଟର ଥିବାରୁ ସାମାନ୍ୟ ଅସୁବିଧା ହେଉଛି । ତେବେ ଏନେଇ ଶାଖା ପରିଚାଳକ କହିଛନ୍ତି ଯେ, ଭିର୍ତ୍ତିଭୂମିର ବିକାଶ ପାଇଁ ଉପରିସ୍ଥ ଅଧିକାରୀଙ୍କୁ ଜଣାଇଦିଆଯାଇଛି ।
