ଶ୍ରୀମନ୍ଦିର ଚତୁପାର୍ଶ୍ୱରେ ଧ୍ୱଂସଲୀଳା ବନ୍ଦ ହେଉ: ବୈଜୟନ୍ତ

ଶ୍ରୀମନ୍ଦିର ପରିକ୍ରମା ପ୍ରକଳ୍ପରେ ବେଆଇନ ଖନନ ଅଭିଯୋଗ ପ୍ରସଙ୍ଗରେ ଟୁଇଟ୍ ଯୋଗେ କଡ଼ା ପ୍ରତିକ୍ରିୟା ଦେଇଛନ୍ତି ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା । ଶ୍ରୀମନ୍ଦିର ପାର୍ଶ୍ୱରେ ଚାଲିଥିବା ବେଆଇନ ଧ୍ୱଂସଲୀଳା ବନ୍ଦ କରିବାକୁ ସେ କହିଛନ୍ତି । ରାଜ୍ୟ ଅନ୍ତତଃ ପକ୍ଷେ ଏବେ ପ୍ରତି ଓଡ଼ିଆଙ୍କ ଭାବାବେଗକୁ ସମ୍ମାନ ଦେଉ ବୋଲି ସେ କହିଛନ୍ତି । ନିଷିଦ୍ଧାଞ୍ଚଳରେ ଚାଲିଥିବା ବେଆଇନ ନିର୍ମାଣ କାମ ବନ୍ଦ କରାଯାଉ ବୋଲି ବୈଜୟନ୍ତ ଟ୍ୱିଟ୍‌ରେ କରିଛନ୍ତି ।

Also Read

ତୃଷା ମେଣ୍ଟାଇ ପାରୁନି ବସୁଧା ଯୋଜନା : ଟାଙ୍କି ବସିଛି ହେଲେ ପାଣି ବାହାରୁନି

Read More

ବିକିବାକୁ ଆଣିଥିବା ଜିନିଷର ନାଁ କହି ପାରନ୍ତିନି, ଠରାଠରିରେ ପରିବା ବିକି ରୋଜଗାର କରୁଛନ୍ତି ଦିବ୍ୟାଙ୍ଗ ଟୁକୁନା

Read More

ଇମ୍ରାନ୍‌ଙ୍କ ପଲ୍‌ଟିକାଲ ମ୍ୟାଜିକ୍: ଯାହା କେହି ଭାବିନଥିଲେ ତାହା ହେଲା

Read More

A very important revelation indeed. The excuses being given by Odisha’s governing party have been demolished.
The state must now honour every Odia’s sentiment & stop its unauthorised destruction of the prohibited area surrounding the temple of Mahaprabhu Jagannath. https://t.co/oP7jjmwo69

— Baijayant Jay Panda (@PandaJay) April 5, 2022

ଗତକାଲି ଶ୍ରୀମନ୍ଦିର ୧୦୦ ମିଟର ନିଷିଦ୍ଧାଞ୍ଚଳ ପରିଧି ଭିତରେ ନିର୍ମାଣ କାମ ବନ୍ଦ ରଖିବାକୁ ASIର ଚିଠି ସହ ଟ୍ୱିଟ୍ କରିଥିଲେ ସାଂସଦ ଅପରାଜିତା ଷଡ଼ଙ୍ଗୀ । ଏହି ଟ୍ୱିଟ୍ ଉପରେ ପ୍ରତିକ୍ରିୟା ରଖି ଏଭଳି କହିଛନ୍ତି ବୈଜୟନ୍ତ ପଣ୍ତା । ଏଏସ୍‌ଆଇ ଦେଇଥିବା ଚିଠି ଦେଖାଇ ସରକାରଙ୍କୁ ଟାର୍ଗେଟ୍ କରିଥିଲେ ସାଂସଦ ଅପରାଜିତା ଷଡ଼ଙ୍ଗୀ । କହିଥିଲେ କି ବେଆଇନ୍ କାମ କାହିଁକି ବନ୍ଦ କରାଯାଇ ନାହିଁ ବୋଲି ସେ ପ୍ରଶ୍ମ କରିଛନ୍ତି ।

ସାରା ରାଜ୍ୟରେ ଏବେ ଶ୍ରୀମନ୍ଦରକୁ ନେଇ ଚର୍ଚ୍ଚା । ଗୋଟିଏ ପଟେ ଦୁଇ ଦିନ ହେବ ରୋଷ ଘର ଚୂଲା ଭଙ୍ଗା ଘଟଣାକୁ ନେଇ ଚର୍ଚ୍ଚା ଆରମ୍ଭ ହୋଇଥିବା ବେଳେ ଶ୍ରୀମନ୍ଦିର ଚାରିପାଖେ ହେଉଥିବା ନିର୍ମାଣ ପ୍ରସ୍ଥଙ୍ଗ ଏବେ ଦିଲ୍ଲୀରେ ପହଞ୍ଚିଛି । ଆଉ ଏହାକୁ ନେଇ ସାଂସଦ ଅପରାଜିତା ଷଢ଼ଙ୍ଗୀ ଏବେ ଆକ୍ସନ ମୋଡ୍‌ରେ ଥିବାର ଦେଖିବାକୁ ମିଳିଛି । ସରକାରଙ୍କ ପକ୍ଷରୁ ହେଉଥିବା ଏହି ନିର୍ମାଣ କାର୍ଯ୍ୟ ବେଆଇନ୍ ବୋଲି ସେ ବାରମ୍ବାର କହୁଛନ୍ତି । ଏହାସହ ସହ ପ୍ରମାଣ ମଧ୍ୟ ରଖୁଛନ୍ତି ।

ଅପରାଜିତା ନିଜ ଟ୍ୱିଟ୍‌ ଯୋଗେ ପୁଣି ଥରେ ସରକାରଙ୍କ ମିଛ ବାହାନାକୁ ପଦାରେ ପକାଇବାକୁ ଚେଷ୍ଟା କରିଥିଲେ । ସେ କହିଛନ୍ତି ଶ୍ରୀମନ୍ଦିର ୧୦୦ ମିଟର ନିଷିଦ୍ଧାଞ୍ଚଳ ପରିଧି ଭିତରେ ନିର୍ମାଣ କାମ ବନ୍ଦ ରଖିବାକୁ ASIର ନିର୍ଦ୍ଦେଶ ସତ୍ତ୍ୱେ ଏହାର ଅନୁପାଳନ ହୋଇନାହିଁ । କାମ ବନ୍ଦ କରିବାକୁ ଗତ ଫେବ୍ରୁଆରୀ ୫ରୁ ASI ଚିଠି ଲେଖିଥିଲେ ମଧ୍ୟ ରାଜ୍ୟ ସରକାର ଏଯାଏଁ କାମ ବନ୍ଦ କରିନାହାନ୍ତି ।

Archaeological Survey of India has issued letter to the concerned authorities of Puri for stopping work in the Prohibited area(100 metres)of Jagannath Temple,Puri.But work has not stopped by the State Govt till now.Illegal this is!
Isn't it time for all of us to SAVE OUR TEMPLE? pic.twitter.com/ogRyx28FeD

— Aparajita Sarangi, Member of Parliament (@AprajitaSarangi) April 4, 2022

ଅପରାଜିତା ASI ଚିଠିକୁ ନିଜ ଟ୍ୱିଟ୍‌ ସହ ଯୋଡ଼ି କାହିଁକି କାମ ବନ୍ଦ ହୋଇନି ବୋଲି ପ୍ରଶ୍ନ କରିଛନ୍ତି । ଶ୍ରୀମନ୍ଦିର ୧୦୦ ମିଟର ନିଷିଦ୍ଧାଞ୍ଚଳରେ ଜଗନ୍ନାଥ ମନ୍ଦିର ବିକାଶ ଓ ସୌନ୍ଦର୍ଯ୍ୟକରଣକୁ ସ୍ୱାଗତ କରୁଛୁ । ଆଇନକୁ ଉଲ୍ଲଂଘନ କରି କିଛି କରା ନଯାଉ ବୋଲି ସେ ବାରମ୍ବାର କହୁଛନ୍ତି । ଜଗନ୍ନାଥ ମନ୍ଦିରର ସୁରକ୍ଷା ପ୍ରତ୍ୟେକ ଓଡ଼ିଶାବାସୀଙ୍କ କର୍ତ୍ତବ୍ୟ । ଏହା ଆମ ସମସ୍ତଙ୍କ ଆସ୍ଥାର କେନ୍ଦ୍ର ଏବଂ ଏହାର ସୁରକ୍ଷା ଆମର କର୍ତ୍ତବ୍ୟ ବୋଲି କହିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ।

ଅନ୍ୟପଟେ ପୂର୍ବରୁ ଅପରାଜିତା କହିଥିଲେ ଐତିହ୍ୟ ସ୍ଥଳର ନିଷିଦ୍ଧାଞ୍ଚଳରେ ନିର୍ମାଣ ହେଲେ ASI ଅନୁମତି ଲୋଡ଼ା । ୧୦୦ ମିଟର ପରିଧି ଭିତରେ କିଛି ନିର୍ମାଣ ହେଲେ ଡିଜି ASIଙ୍କ ସ୍ପେସାଲ ଅନୁମତି ନିହାତି ଜରୁରୀ । ଏଥିପାଇଁ ଅନୁମତି ଦେବାକୁ NMA ପ୍ରାଧିକୃତ ନୁହଁନ୍ତି ବୋଲି କହିଥିଲେ ଭୁବନେଶ୍ୱର ସାଂସଦ ଅପରାଜିତା ଷଢ଼ଙ୍ଗୀ ।

OTV is now on Whatsapp

Join and get latest news update delivered to you via whatsapp

Join Now