LIVE TV
ଭାରତୀୟ ଖାଇବାରେ ପଣସ ହେଉଛି ଏକ ନିଆରା ଖାଦ୍ୟ। ତେଣୁ ଦେଶର ପ୍ରତ୍ୟେକ ଘରେ ପଣସକୁ ବିଭିନ୍ନ ଉପାୟରେ ବ୍ୟବହୃତ ହୁଏ। ବର୍ତ୍ତମାନ ଭାରତରେ ଏହା ଅତି ସୁଲଭ ମୂଲ୍ୟରେ ଉପଲବ୍ଧ। କିନ୍ତୁ ଯଦି କେହି ଆପଣଙ୍କୁ କୁହନ୍ତି ଯେ ଏମିତି ଏକ ଜାଗା ଅଛି ଯେଉଁଠି ପଣସକୁ ୧୬ ହଜାର ଟଙ୍କାରେ ବିକ୍ରି ହେଉଛି, ତେବେ ନିଶ୍ଚିତ ଭାବରେ ଆପଣଙ୍କର ହୋସ୍ ଉଡ଼ିଯିବ। କିନ୍ତୁ ଲଣ୍ଡନରେ ଏହା ସତ ହୋଇଛି।
ଲଣ୍ଡନର ସର୍ବବୃହତ ତଥା ପୁରାତନ ବଜାର ବୋରୋ ମାର୍କେଟ୍ରେ ଏହି ପଣସର ଫଟୋ ନିଆଯାଇଛି। ଏଠାରେ ଗୋଟେ ପଣସକୁ ପ୍ରାୟ ୧୬ହଜାର ଟଙ୍କାରେ ବିକ୍ରି ହେଉଛି। ପଣସର ଦାମ ଏତେ ହୋଇଥିବା ଦେଖି ଅନେକ ମଧ୍ୟ ଛାନିଆଁ ହୋଇଯାଇଛନ୍ତି। ତେବେ ସୋସିଆଲ୍ ମିଡିଆରେ ଏହି ଫଟୋ ଶେୟାର ହେବା ପରେ ଅନେକ ଲୋକ ଏହାକୁ ଦେଖି ଥଟ୍ଟା କରୁଛନ୍ତି। ସେମାନେ କହୁଛନ୍ତି, ଏ ବୋଧେ ଖାଲି ପଣସ ବିକି କୋଟିପତି ହେଇଯିବ।
Also Read
ଏହି ଫଟୋ ଭାଇରାଲ ହେବାର କାରଣ ହେଉଛି ଯେ ଅନେକ ସ୍ଥାନରେ ପଣସ ନଷ୍ଟ ହେବା ମଧ୍ୟ ଦେଖାଯିବ। ଏହା ଅନ୍ୟାନ୍ୟ ଦେଶରେ ଖୁବ୍ ଶସ୍ତା। ଅନେକ ସ୍ଥାନରେ ଏହା ମଧ୍ୟ ଦେଖାଯାଏ ଯେ ମାଗଣାରେ ଗଛରୁ ଛିଡେଇ ଦିଆଯାଏ। ଏପରି ପରିସ୍ଥିତିରେ ଯେତେବେଳେ ଗୋଟିଏ ପଣସର ମୂଲ୍ୟ ଏତେ ଟଙ୍କାରେ ବିକ୍ରି ହେଉଥିବା ଦେଖି କିଏ ବା ଆଶ୍ଚର୍ଯ୍ୟ ନ ହେବ।
ତେବେ ବ୍ରିଟେନରେ ପଣସର ମହଙ୍ଗା ବିକ୍ରୟ ପଛରେ ଅନେକ ଗୁରୁତ୍ୱପୂର୍ଣ୍ଣ କାରଣ ମଧ୍ୟ ଅଛି। ବ୍ରିଟେନ ପରି ଥଣ୍ଡା ଦେଶରେ, ପଣସ ବ୍ୟାବସାୟିକ ଭାବରେ ଫସଲ ହୋଇପାରେ ନାହିଁ। ଫଳସ୍ୱରୂପ ଏହାର ଚାହିଦା ଅଧିକ ଏବଂ ଯୋଗାଣ ମଧ୍ୟ କମ୍। ଏଭଳି ପରିସ୍ଥିତିରେ ଏହାକୁ ମହଙ୍ଗା ଦରରେ ବିକ୍ରି କରିବା ଏକ ସାଧାରଣ କଥା।
ଏହିପରି ଏକ ମହଙ୍ଗା ପଣସ ଦେଖି ଅନେକ ଲୋକ କୁହନ୍ତି ଯେ ଯେଉଁ ଦେଶରେ ପଣସ ଅନେକ ପରିମାଣରେ ଚାଷ ହୁଏ ସେଠାରେ ଏହାକୁ ପ୍ରାୟତଃ କେହି ଗୁରୁତ୍ୱ ଦେଇ ନଥାନ୍ତି। କିନ୍ତୁ ବିକଶିତ ଦେଶମାନଙ୍କରେ ଶାକାହାରୀମାନଙ୍କ ମଧ୍ୟରେ ଏହାର ଚାହିଦା ଖୁବ୍ ବଢୁଛି। ଏଠାରେ ପଣସକୁ ଏକ ମାଂସର ଏକ ବିକଳ୍ପ ଭାବରେ ଦେଖାଯାଏ।
1000 reais a jaca pic.twitter.com/oYDnOUKMvR
— Ricardo Senra (@ricksenra) February 12, 2022
ସେଥିପାଇଁ ବ୍ରିଟେନରେ ପଣସକୁ ଉଚ୍ଚା ଦରରେ ବିକ୍ରି ହେଉଥିବା ଦେଖିବାକୁ ମିଳେ। ଦେଖିବାକୁ ଗଲେ ପଣସ ରାନ୍ଧିବାବେଳେ ମାଂସ ପରି ଦେଖାଯାଏ ଏବଂ ଏକ ଲୋକପ୍ରିୟ ମାଂସମୁକ୍ତ ବିକଳ୍ପରେ ପରିଣତ ହୁଏ, ଯାହା ଶାକାହାରୀ ଲୋକଙ୍କ କ୍ଷେତ୍ରରେ ବେଶ ପସନ୍ଦ ହୋଇ ଚାଲିଛି।
