IPS ସ୍ତରରେ ଅଦଳବଦଳ, ଏସ୍.ସୁଶ୍ରୀ ଭୁବନେଶ୍ୱରର ନୂଆ ଟ୍ରାଫିକ୍ ଡିସିପି

ଆଇପିଏସ୍ (IPS) ସ୍ତରରେ ଛୋଟ ଧରଣର ଅଦଳବଦଳ ହୋଇଛି । ମାଲକାନଗିରି ଜିଲ୍ଲାର ନୂଆ ଏସ୍‌ପି ଭାବେ ତାଳଚେର ଏସ୍‌ଡିପିଓ ନିତେଶ୍ ୱାଧୱାନିଙ୍କୁ ନିଯୁକ୍ତ କରାଯାଇଥିବା ବେଳେ ବର୍ତ୍ତମାନର ଏସ୍‌ପି ପ୍ରହ୍ଲାଦ ସହାୟୀ ମୀନାଙ୍କୁ ଏଆଇଜି ହେଡ୍‌କ୍ୱାର୍ଟରକୁ ବଦଳି କରାଯାଇଛି ।

ସେହିପରି କେସିଙ୍ଗା ଏସ୍‌ଡିପିଓ ଏସ୍.ସୁଶ୍ରୀଙ୍କୁ ଭୁବନେଶ୍ୱର ଟ୍ରାଫିକ୍ ଡିସିପି ଭାବେ ନିଯୁକ୍ତ କରାଯାଇଛି । ଅଭିଳାଷ ଜି.ଙ୍କୁ ଏସ୍‌ଟିଏଫ୍ ନାର୍କୋଟିକ୍ ଏସ୍‌ପି ଭାବେ ଅବସ୍ଥାପିତ କରାଯାଇଛି । ସେହିପରି ମାୟାଧର ସେଠୀ ଭୁବନେଶ୍ୱର ଡିସିପି କ୍ରାଇମ ଏବଂ ମାଧୁରୀ ସାମଲ ସିଆଇଡି କ୍ରାଇମବ୍ରାଞ୍ଚ ଏସ୍‌ପି ହୋଇଛନ୍ତି ।

ଭୁବନେଶ୍ୱର ଟ୍ରାଫିକ ଡିସିପି ଓପିଏସ୍ ମାୟାଧର ସେଠୀଙ୍କୁ ଡିସିପି, କ୍ରାଇମ ଭାବେ ବଦଳି ହୋଇଛି । ସେହିପରି ୨୦୧୮ ବ୍ୟାଚ୍ ଆଇପିଏସ୍ ତଥା ମାଲକାନଗିରି ଏସଡିପିଓ ଜି. ଅବିଳାଶଙ୍କୁ ଏସଟିଏଫରେ ନାର୍କୋଟିକ୍ସ ଏସପି ଭାବେ ବଦଳି କରାଯାଇଛି । ସେଠାରେ ଥିବା ଓପିଏସ୍ ମାଧୁରୀ ସାମଲଙ୍କୁ କ୍ରାଇମବ୍ରାଂଚ ଏସପି ଭାବେ ଅବସ୍ଥାପିତ କରାଯାଇଛି ।

ତେବେ ମାଲକାନଗିରି ଏସପି ଶ୍ରୀ ମୀନାଙ୍କୁ ଗତ ବର୍ଷକ ମଧ୍ୟରେ ୩ଥର ବଦଳି କରାଯିବାକୁ ନେଇ ପୋଲିସ ପ୍ରଶାସନରେ ଚର୍ଚ୍ଚା ଜୋର ଧରିଛି । ମାଲକାନଗିରିରେ SDPO ଭାବେ କାର୍ଯ୍ୟ କରିଥିବା ଶ୍ରୀ ମୀନାଙ୍କୁ ୨୦୨୦ ଡିସେମ୍ବର ଶେଷ ସପ୍ତାହରେ ଏସପି ଭାବେ ପଦୋନ୍ନତି ଦିଆଯାଇ ନବରଙ୍ଗପୁରର ଏସପି କରାଯାଇଥିଲା । କିନ୍ତୁ ୬ମାସ ନପୁରୁଣୁ ୨୦୨୧ ଜୁଲାଇ ମାସରେ ତାଙ୍କୁ ପୁଣିଥରେ ମାଲକାନଗିରି ଏସପି ଭାବେ ବଦଳି କରାଗଲା । ତେବେ ମାଲକାନଗିରିରେ ସାମ୍ବାଦିକମାନଙ୍କ ଉପରେ ମାତ୍ରାଧିକ କାର୍ଯ୍ୟାନୁଷ୍ଠାନ ତାଙ୍କୁ ମହଙ୍ଗା ପଡ଼ିଛି । ଏହି ଯୁବ ଆଇପିଏସଙ୍କୁ ଆଜି ପୋଲିସ ହେଡକ୍ୱାର୍ଟରରେ ଆଇଜି ଭାବେ ଅବସ୍ଥାପିତ କରାଯାଇ କେବଳ କ୍ଲରିକାଲ ଜବ୍ କରିବା ନିମନ୍ତେ ଅଘୋଷିତ ଦଣ୍ଡ ଦିଆଯାଇଥିବା ଚର୍ଚ୍ଚା ହେଉଛି ।