ଭବିଷ୍ୟତ ଖଣ୍ଡିଏ କାଗଜ ଉପରେ ନିର୍ଭର କରେ ନାହିଁ...ପ୍ରମାଣିତ କଲେ ଏହି IAS

ବୋର୍ଡ ପରୀକ୍ଷାରେ ଖରାପ୍‌ ମାର୍କ ଆସିଲେ ସାଧାରଣତଃ ଛାତ୍ରଛାତ୍ରୀ ହତାଶ ହୋଇଯାଆନ୍ତି । ସେତେବେଳେ ସେମାନେ ଭାବିଥାନ୍ତି ଯେ ଏହାପରେ ସେ ତାଙ୍କ କ୍ୟାରିଅରରେ ଆଗକୁ ବଢ଼ିପାରିବେ ନାହିଁ । ଏହି ଚିନ୍ତାରେ ସେମାନଙ୍କୁ କିଛି ବୃଦ୍ଧି ବାଟ ଦେଖାଯାଇନଥାଏ । ଅନେକ ଛାତ୍ରଛାତ୍ରୀ ଅଛନ୍ତି ଯେଉଁମାନେ ପରୀକ୍ଷା ରେଜଲ୍ଟ ଭଲ ନ ଆସିବାରୁ ଭୁଲ୍ ପଦକ୍ଷେପ ଗ୍ରହଣ କରିନିଅନ୍ତି । ଏମିତିକି ନିଜ ଜୀବନ ବି ହାରିଦେଇଥାନ୍ତି । ହେଲେ ଆମ ସମାଜରେ ଏମିତି ଅନେକ ଉଦାହରଣ ରହିଛି ଯାହାକୁ ଦେଖିଲେ ଆମେ ବୁଝି ପାରିବା, ଗୋଟିଏ ଶ୍ରେଣୀ ପରୀକ୍ଷା ମାର୍କସିଟ୍ ବା ସାର୍ଟିଫିକେଟ କେବେ ବି ଜଣେ ବ୍ୟକ୍ତିର ଭବିଷ୍ୟତ ନିର୍ଦ୍ଧାରଣ କରିନଥାଏ । ମଣିଷର ଦୃଢ଼ ଇଚ୍ଛାଶକ୍ତି ଥିଲେ ଅସାଧ୍ୟ କାର୍ଯ୍ୟ ବି ସେ ସାଧନ କରିପାରେ ।

ଠିକ୍‌ ଏମିତି ଏକ ଉଦାହରଣ ହେଉଛନ୍ତି IAS ଅବନିଶ ଶରନ୍ । ଯାହାଙ୍କର ପରୀକ୍ଷା ମାର୍କସିଟ୍‌ କେବେ ବି ନିଜ ଭବିଷ୍ୟତ ବା କ୍ୟାରିୟର ଉପରେ କୌଣସି କୁପ୍ରଭାବ ପକାଇ ପାରି ନାହିଁ । ସେ ଦଶମ ବୋର୍ଡ ପରୀକ୍ଷାରେ ଖୁବ୍‌ ଖରାପ ପ୍ରଦର୍ଶନ କରି ଥାର୍ଡ ଡିଭିଜନ୍ ମାର୍କ ପାଇଥିଲେ । ହେଲେ ଏହି ମାର୍କସିଟ୍ ତାଙ୍କୁ କେବେ ବି ଅଟକାଇ ରଖିବାକୁ ଚେଷ୍ଟା କରିନି । ସେ ଆଜି ଜଣେ ସଫଳ IAS ଅଫିସର । ଅବନିଶଙ୍କ କ୍ୟାରିୟର ଦେଖିଲେ ଆପଣଙ୍କର ମନୋବଳ ନିଶ୍ଚୟ ଦୃଢ଼ ହେବ । ଆଉ ଆପଣ ବିଶ୍ୱାସ କରିବାକୁ ବାଧ୍ୟ ହେବେ ଯେ, ସାମାନ୍ୟ କାଗଜ ଖଣ୍ଡେରେ ତିଆରି ମାର୍କସିଟ୍‌ କେବଳ ଏକ ସଂଖ୍ୟା । ମାର୍କସିଟ୍‌ ଦେଖି କେବେ କାହାର ଭବିଷ୍ୟତ ଆକଳନ ବା ଅନୁମାନ କରିହେବ ନାହିଁ ।

ଛତିଶଗଡ଼ କ୍ୟାଡରର ୨୦୧୯ ବ୍ୟାଚ୍‌ର ଆଇଏସ୍‌ ଅବନିଶ୍‌ ଶରନ୍ (IAS Awanish Sharan) ଏହାର ଜୀବନ୍ତ ଉଦାହରଣ । ବର୍ତ୍ତମାନ ଯୁଗର ଛାତ୍ରଛାତ୍ରୀଙ୍କୁ ପ୍ରେରିତ କରିବା ପାଇଁ ଆଇଏସ୍‌ ଅବନିଶ ଗତକାଲି ସୋସିଆଲ୍‌ ମିଡିଆରେ ନିଜ ଦଶମ ବୋର୍ଡ ପରୀକ୍ଷାର ମାର୍କସିଟ୍ ସେୟାର୍‌ କରିଛନ୍ତି । ଯାହାକୁ ଦେଖି ତାଙ୍କ ଫଲୋର୍ସମାନେ ଆଶ୍ଚର୍ଯ୍ୟ ହେବା ସହ ଛାତ୍ରଛାତ୍ରୀମାନେ ପ୍ରେରଣା ପାଇଛନ୍ତି । ସେମାନଙ୍କର ମନୋବଳ ଦୃଢ଼ ହୋଇଛି ।

ଆଇଏସ୍‌ ଅବନିଶ ଶରନ୍ ନିଜ ଟ୍ୱିଟର ଆକାଉଣ୍ଟରେ ଦଶମ ମାର୍କସିଟ୍ ଶେୟାର କରିଛନ୍ତି । ଶେୟାର ହୋଇଥିବା ମାର୍କସିଟ୍‌ରେ ଜଣାପଡୁଛି ଯେ, ଅବନିଶ ୧୯୯୬ ମସିହାରେ ବିହାରର ଏକ ସ୍କୁଲ୍‌ରେ ପରୀକ୍ଷା ଦେଇଥିଲେ । ସେ ମୋଟ୍‌ ୭୦୦ରୁ ୩୧୪ ମାର୍କ ରଖିଛନ୍ତି । କେବଳ ୪୪.୫ ପ୍ରତିଶତ ମାର୍କ ରଖିଥିବାବେଳେ ଗଣିତରେ ଜଷ୍ଟ୍ ପାସ୍‌ ଅର୍ଥାତ୍‌ ୩୧ ନଂ ରଖିଛନ୍ତି । ଏଭଳି କମ୍‌ ନମ୍ୱର ପାଇ ମଧ୍ୟ ସେ UPSC ପରୀକ୍ଷା ପାସ୍‌ କରି ଏକ ସଫଳ IAS ହୋଇପାରିଛନ୍ତି । ଯାହାକି ସମସ୍ତଙ୍କ ପାଇଁ ପ୍ରେରଣାଦାୟକ ।

ଦେଖନ୍ତୁ IASଙ୍କ ମାର୍କସିଟ୍‌ :-

My 10th Marksheet. pic.twitter.com/jmYkMohzWf

— Awanish Sharan (@AwanishSharan) July 6, 2022

ଏମିତି ଅନେକ ଲୋକ ଅଛନ୍ତି ଯେଉଁମାନେ ବହୁ ଜଣାଶୁଣା ତଥା ଧନୀ ବ୍ୟକ୍ତି । ହେଲେ ସେମାନଙ୍କର ମାର୍କ ସିଟ୍‌ରେ ସବୁଠୁ ଖରାପ୍‌ ମାର୍କ ରହିଛି ।

OTV is now on Whatsapp

Join and get latest news update delivered to you via whatsapp

Join Now