LIVE TV
ଭିନ୍ନକ୍ଷମ ହୋଇ ବି ସକ୍ଷମ । ସାଧାରଣ ପିଲାଙ୍କ ଭଳି କିଛି କରି ଦେଖାଇ ଅନ୍ୟଙ୍କ ପ୍ରତି ଉଦାହରଣ ପାଲଟିଛନ୍ତି ହାଇଦ୍ରାବାଦର ଦୁଇ ଭିନ୍ନକ୍ଷମ ଯାଆଁଳା ଭଉଣୀ । ଯାହାଙ୍କୁ ନେଇ ଏବେ ଚାରିଆଡେ ଚର୍ଚ୍ଚା ।
ହାଇଦ୍ରାବାଦ୍ ତେଲେଙ୍ଗାନାରେ ବୀଣା ଓ ବାଣି ନାମକ ଏହି ଯାଆଁଳା ଭଉଣୀ ରହିଛନ୍ତି । ଉଭୟଙ୍କ ମୁଣ୍ଡ ଯୋଜି ହୋଇ ରହିଥିଲେ ମଧ୍ୟ ସେମାନଙ୍କ ମନୋବଳ କମ୍ ହୋଇନାହିଁ । ଉଭୟ ଭଉଣୀ ପରୀକ୍ଷା ଦେବା ପାଇଁ ଇଚ୍ଛା ପ୍ରକାଶ କରିଥିଲେ । ଯାହା ପରେ ତେଲେଙ୍ଗାନା ଉଚ୍ଚ ମାଧ୍ୟମିକ ଶିକ୍ଷା କର୍ତ୍ତୃପକ୍ଷ ଏହି ଦୁଇ ଭଉଣୀଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରିଥିଲେ । କିନ୍ତୁ ସେମାନେ ଏହି ସ୍ୱତନ୍ତ୍ର ସୁବିଧାର ଉପଯୋଗ କରିବା ପାଇଁ ମନା କରି ସାଧାରଣ ପିଲାଙ୍କ ଭଳି ପରୀକ୍ଷା ଦେଉଛନ୍ତି ।
Also Read
(ଭିନ୍ନକ୍ଷମ ଭଉଣୀ) ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ, ଏହି ଯାଆଁଳା ଭଉଣୀ ପରୀକ୍ଷା ଦେଉଥିବା ସେଣ୍ଟରର ନିରୀକ୍ଷକଙ୍କ କହିଛନ୍ତି, ନିର୍ଦ୍ଧାରିତ ସମୟର ୫ ମିନିଟ ପୂର୍ବରୁ ସେମାନେ ଉତ୍ତର ଖାତା ପୂରଣ କରିଦେଇଥିଲେ । ଭବିଷ୍ୟତରେ ଚାଟାର୍ଡ ଆକାଣ୍ଟାଣ୍ଟ ହେବାକୁ ଲକ୍ଷ୍ୟ ରଖିଛନ୍ତି ବୀଣା ଓ ବାଣି ପୂର୍ବରୁ ମଧ୍ୟ କନ୍ଧମାଳର ଯୋଡା ମୁଣ୍ଡ ଶିଶୁଙ୍କୁ ଦେଖିଥିଲେ ହେଲେ ଏବେ ହାଇଦ୍ରାବାଦର ଏହି ଯୋଡା ମୁଣ୍ଡ ଥିବା ଯାଆଁଳା ଭଉଣୀ ବୀଣା ଓ ବାଣି ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି ।
ତେବେ, ଏହି ଯାଆଁଳା ଭଉଣୀ ଦୁହେଁ ସମସ୍ତ ଭିନ୍ନକ୍ଷମ ଓ ସକ୍ଷମଙ୍କ ପାଇଁ ଏକ ବଡ଼ ପ୍ରେରଣା ସାଜିଛନ୍ତି ।
