ହାଇଦରକୁ ପୋଲିସ ଏନ୍‌କାଉଣ୍ଟର ନୁହେଁ ହତ୍ୟା କରିଛି !

କେନ୍ଦ୍ରାପଡ଼ା: ପୋଲିସ ବିରୋଧରେ ହତ୍ୟା ଅଭିଯୋଗ । ଏହି ଅଭିଯୋଗ ଆଣିଛନ୍ତି ଗ୍ୟାଙ୍ଗଷ୍ଟର ହାଇଦରର ପତ୍ନୀ ହସିନା ବିବି । ବାଲେଶ୍ୱର ଜିଲ୍ଲା ସିମୁଳିଆ ଥାନାରେ ସେ ଏତଲା ଦେଇଛନ୍ତି । କଟକ ଡିସିପି, ପୋଲିସ ଅଧିକାରୀ ତାପସ ପ୍ରଧାନ, ଗଙ୍ଗାଧର ଶାସେନି, ବିରଞ୍ଚି ନାରାୟଣ ପତି ଏପରି ୧୭ ଜଣଙ୍କ ନାଁରେ ସେ ଲିଖିତ ଅଭିଯୋଗ କରିଛନ୍ତି । ହସିନା ବିବି କହିଛନ୍ତି, ତାଙ୍କ ସ୍ୱାମୀ ହାଇଦରଙ୍କୁ ଗୁଳି କରି ହତ୍ୟା କରିଛି ପୋଲିସ ।

ସୂଚନାଯୋଗ୍ୟ, କୁଖ୍ୟାତ ଗ୍ୟାଙ୍ଗଷ୍ଟର ହାଇଦରକୁ ଏନ୍‌କାଉଣ୍ଟର ପରେ ଘଟଣା ସମ୍ପର୍କରେ ବାଲେଶ୍ୱର ଜିଲ୍ଲା ସିମୁଳିଆ ଥାନାରେ ହାଇଦରକୁ ଏସ୍କର୍ଟ କରି ନେଇଥିବା ଥାନା ଅଧିକାରୀ ଗଙ୍ଗାଧର ଶାସେନି ଏତଲା ଦେଇଥିଲେ । ସେଦିନ ଘଟିଥିବା ଏନ୍‌କାଉଣ୍ଟର ସମ୍ପର୍କରେ ସେ ଟିକ୍‌ନିଖ୍‌ କରି ନିଜ FIR କପିରେ ଉଲ୍ଲେଖ କରିଛନ୍ତି । ସୁରକ୍ଷାକର୍ମୀଙ୍କ ଜୀବନ ବଞ୍ଚାଇବା ଲାଗି ବାଧ୍ୟ ହୋଇ ହାଇଦର ଉପରକୁ ଗୁଳି ଚଳାଇବାକୁ ପଡ଼ିଥିଲା ବୋଲି ସେ ଏତଲାରେ ଦର୍ଶାଇଛନ୍ତି ।

Also Read

କରୋନା ବେଳେ ଖରାପ ଖବର; ଶ୍ୱାସରୁ ବି ବ୍ୟାପୁଛି ଯକ୍ଷ୍ମା ସଂକ୍ରମଣ

ସାରା ରାଜ୍ୟରେ ତେଜୁଛି ଆନ୍ଦୋଳନ, ବଢ଼ୁଛି ମନ୍ତ୍ରୀଙ୍କ ଅଡ଼ୁଆ

ଅକ୍ଟୋବରରେ ଦେଶସାରା କାହିଁକି ଏତେ ବର୍ଷା, ଜାଣନ୍ତୁ କ’ଣ କହୁଛନ୍ତି ବିଶେଷଜ୍ଞ

ରିପୋର୍ଟ ଅନୁଯାୟୀ ଜୁଲାଇ ୨୪ ତାରିଖ ଦିନ ପୋଲିସ ଏନ୍‌କାଉଣ୍ଟରରେ ହାଇଦରର ମୃତ୍ୟୁ ହୋଇଥିଲା । ବାଲେଶ୍ୱର ଜିଲ୍ଲା ସିମୁଳିଆ ନିକଟରେ ହାଇଦରକୁ ପୋଲିସ ଏନ୍‌କାଉଣ୍ଟର କରିଥିଲା । ହାଇଦରକୁ ଚୌଦ୍ୱାର ଜେଲ୍‌ରୁ ବାରିପଦା ଜେଲ୍ ନିଆଯାଉଥିବା ବେଳେ ଏନ୍‌କାଉଣ୍ଟର ହୋଇଥିଲା । ପରିସ୍ରା ଯିବା ବାହାନାରେ ହାଇଦର ବାହାରିବା ପରେ ଗାର୍ଡଙ୍କ ବନ୍ଧୁକ ଛଡ଼ାଇ ଖସିଯିବାକୁ ଉଦ୍ୟମ କରିଥିଲା । ଏହି ସମୟରେ ହାଇଦରକୁ ୱାର୍ଣ୍ଣିଂ ଦିଆଯାଇଥିଲେ ବି ସେ ମାନି ନଥିଲା । ଫଳରେ ବାଧ୍ୟ ହୋଇ ପୋଲିସ୍‌ ଗୁଳି କରିଥିଲା ବୋଲି କଟକ ଡିସିପି କହିଥିଲେ । ହାଇଦରକୁ ନେବା ବେଳେ ୧ ସେକ୍ସନ ଫୋର୍ସ, ଜଣେ ଇନ୍ସପେକ୍ଟର, ଜଣେ SI ସାଙ୍ଗରେ ଥିଲେ । ଏନ୍‌କାଉଣ୍ଟର ବେଳେ ହାଇଦରର ପେଟରେ ଗୁଳି ବାଜିଥିଲା । ଏହାପରେ ତାକୁ ତୁରନ୍ତ ବାଲେଶ୍ୱର ହସ୍ପିଟାଲ ନିଆଯାଇଥିଲା । ହେଲେ ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ ।

ବାଲେଶ୍ୱର ଜିଲ୍ଲା ମୁଖ୍ୟ ହସ୍ପିଟାଲରେ ଶବ ବ୍ୟବଚ୍ଛେଦ କରାଯାଇଥିଲା । ଏହାପରେ କେନ୍ଦ୍ରାପଡା ଜିଲ୍ଲା ରଣାପଡା ଠାରେ ଥିବା କବରସ୍ଥାନରେ ହାଇଦରକୁ କବର ଦିଆଯାଇଥିଲା । ଏହି ସମୟରେ ହାଇଦରର ସ୍ତ୍ରୀ ହସିନା ବିବି, ଝିଅ, ବୋହୂ ଓ ପରିବାରର ଅନ୍ୟ ସଦସ୍ୟ ମାନେ ଉପସ୍ଥିତ ଥିଲେ । ହାଇଦରକୁ କବର ଦିଆଯିବା ବେଳେ କେନ୍ଦ୍ରାଞ୍ଚଳ ଆଇଜି ନରସିଂହ ଭୋଳ, କେନ୍ଦ୍ରାପଡ଼ା ଏସ୍‌ପି ମଧ୍ୟ ଉପସ୍ଥିତ ଥିଲେ ।