କିପରି ସଜେଇବେ ଶୋଇବା ଘର; ଦେଖନ୍ତୁ ଟିପ୍ସ

ଶୋଇବା ଘରର ମହତ୍ତ୍ୱ ଆମେ ସମସ୍ତେ ଭଲ ଭାବରେ ଜାଣୁ। ଶୋଇବା ଘର ହେଉଛି ଆମ ଘରର ସେହି ଗୁରୁତ୍ୱପୂର୍ଣ୍ଣ ଅଂଶ ଯେଉଁଠାରେ ଆମେ ଦିନସାରା ଆମର ଥକ୍କାପଣକୁ ଦୂର କରି ଶାନ୍ତିରେ ଶୋଇଥାଉ। ସମସ୍ତେ ନିଜ ଶୋଇବା ଘରକୁ ସଜାଇବାକୁ ପସନ୍ଦ କରନ୍ତି। କିନ୍ତୁ ବେଳେବେଳେ ଏହାକୁ କିପରି ସଜେଇବେ ତାକୁ ନେଇ ଦ୍ୱନ୍ଦ୍ୱରେ ପଡିଯାଆନ୍ତି। ତେବେ ଆସନ୍ତୁ ସେ ବିଷୟରେ ଜାଣିନେବା।୍

ଶଯ୍ୟା:

ଶଯ୍ୟା ସୁବେଳେ ସଫା, ପରିଷ୍କାର ଏବଂ ଏହା ଅତ୍ୟନ୍ତ ଆକର୍ଷଣୀୟ ହେବା ଉଚିତ। ବେଡ ଉପରେ ଧଳା ରଙ୍ଗର ବେଡ୍‌ସିଟ୍ ବ୍ୟବହାର କଲେ ଭଲ। ଶଯ୍ୟାର ହେଡ୍‌ବୋର୍ଡ ଶଯ୍ୟା ବିଷୟରେ ବହୁତ କିଛି କହିଥାଏ ଏବଂ ଏହା ଆପଣଙ୍କ ଶୋଇବା ଘରର ମୁଖ୍ୟ ଆକର୍ଷଣ ମଧ୍ୟ ହୋଇପାରେ। ହେଡବୋର୍ଡରେ ଅନେକ ଭିନ୍ନତା ଏବଂ ସାଜସଜ୍ଜା ବିକଳ୍ପ ଅଛି, ଆପଣ ନିଜ ଅନୁଯାୟୀ ଚୟନ କରିପାରିବେ।

ପରଦା:

ପରଦାଗୁଡ଼ିକ କେବଳ କୋଠରୀରେ ଥିବା ଆଲୋକକୁ ଅବରୋଧ କରିବାରେ ସାହାଯ୍ୟ କରେ ନାହିଁ, ବରଂ ଏହା ରୁମ୍‌ର ସୌନ୍ଦର୍ଯ୍ୟକୁ ବଢାଏ। ଆପଣଙ୍କ ଶୋଇବା ଘର ପାଇଁ ଏହିପରି ପରଦା ଚୟନ କରନ୍ତୁ ଯାହା ଉଚ୍ଚରେ ଝୁଲି ରହୁଥିବ। ବିଶେଷକରି ଛାତରୁ ଝୁଲୁଥିବା ପରଦା କିମ୍ବା ଝରକା ବା କବାଟ ଉପରେ ଥିବା ପରଦା ବାରରେ ଝୁଲି ରହିଥାଏ। ପରଦାଗୁଡ଼ିକର ଗଠନ ଏବଂ ରଙ୍ଗ ଏପରି ହେବା ଉଚିତ ଯେ ସେଗୁଡ଼ିକ କାନ୍ଥ ସହିତ ବେଶି ବିପରୀତ ହେବା ଉଚିତ ନୁହେଁ।

ରାତ୍ରୀ ଟେବୁଲ୍:

ଆପଣଙ୍କ ଫୋନ୍, ପାଣି ବୋତଲ ଏବଂ ଆସେସୋରିଜ୍ ଗୁଡିକ ଶଯ୍ୟା ନିକଟରେ ରଖିବା ପାଇଁ ଏକ ନାଇଟ୍ ଟେବୁଲ୍ ଏକ ଗୁରୁତ୍ୱପୂର୍ଣ୍ଣ ଆଇଟମ୍। ନାଇଟ୍ ଟେବୁଲରେ ଏକ ସଠିକ୍ ସାଇଜ୍ ଟେବୁଲ୍ ଲ୍ୟାମ୍ପ୍ ରଖନ୍ତୁ।

ଆଲୋକ:

ଆଲୋକ ଶୋଇବା ଘରେ ଯଥେଷ୍ଟ ପ୍ରଭାବ ପକେଇଥାଏ। ରୁମରେ ହାଲୁକା ରଙ୍ଗର ଆଲୋକ ଏକ ଆରାମଦାୟକ ଆମ୍ବିଆନ୍ସ ସୃଷ୍ଟି କରିବାରେ ସାହାଯ୍ୟ କରେ।