ପରିଚୟ ଖୋଜୁଛି ଐତିହାସିକ କାକଟ ଡାକବଙ୍ଗଳା; ଗଲାଣି ଭାଙ୍ଗିରୁଜି...ପ୍ରଶାସନର ନାହିଁ ଦୃଷ୍ଟି !

ମାଟିରେ ମିଶିବାକୁ ବସିଲାଣି କେନ୍ଦ୍ରପଡ଼ା ସହରର କାକଟ ଡାକବଙ୍ଗଳା । କେନ୍ଦ୍ରାପଡ଼ା ଜଳସମ୍ପଦ ବିଭାଗର ଅଧୀନରେ ଥିବା ଏହି ଡାକ ବଙ୍ଗଳା ଦିନେ ନୌବାଣିଜ୍ୟର ମୂକ ସାକ୍ଷୀ ଥିଲା, ହେଲେ ଏବେ ରକ୍ଷଣାବେକ୍ଷଣ ଅଭାବରୁ ଜରାଜୀର୍ଣ୍ଣ ଅବସ୍ଥାରେ । ଡାକ ବଙ୍ଗଳାର ପୁନରୁଦ୍ଧାର ପାଇଁ ବାରମ୍ବାର ଦାବି ହେଉଥିଲେ ମଧ୍ୟ ବିଭାଗୀୟ ଅଧିକାରୀ ଧ୍ୟାନ ଦେଉନଥିବା ଅଭିଯୋଗ ହୋଇଛି ।

କେନ୍ଦ୍ରପଡ଼ା ସହରର କାକଟ ଲକ୍ ଡାକବଙ୍ଗଳା ।  ଦିନେ ବଡ଼ ବଡ଼ ଅଧିକାରୀଙ୍କୁ ଆତିଥେୟତା ପ୍ରଦାନ କରୁଥିଲା, ଆଜି ଜରାଜୀର୍ଣ୍ଣ । ବ୍ରିଟିଶ ଅମଳର ଏହି ଡାକ ବଙ୍ଗଳାଟି ନୌବାଣିଜ୍ୟର ମୂକସାକ୍ଷୀ । ହେଲେ ରକ୍ଷଣାବେକ୍ଷଣ ଅଭାବରୁ ଏବେ ପରିଚୟ ହରାଇବାକୁ ବସିଛି । କବାଟ ଝରକା ଭାଙ୍ଗିରୁଜି ଯାଇଥିବା ବେଳେ, ଜଣେ ଠିକାଦାର ଏହାକୁ କବଜା କରି ରଖିଥିବା ଅଭିଯୋଗ ହୋଇଛି । ଏବେ ଡାକବଙ୍ଗଳାଟି ଜୈନେକ ଠିକାଦାରଙ୍କ କବଜାରେ ଥିବାବେଳେ, ଜଳସଂପଦ ବିଭାଗ ଉଦାସୀନତାକୁ ଦାୟୀ କରିଛନ୍ତି ଲୋକେ ।

ଡ଼ାକବଙ୍ଗଳାର ପୁନଃରୁଦ୍ଧାର ସହ ରକ୍ଷଣା ବେକ୍ଷଣ ପାଇଁ ବାରମ୍ବାର ଦାବି ହୋଇଛି। ସେପଟେ ଜଳସଂପଦ ବିଭାଗ ଅଧୀକ୍ଷଣ ଯନ୍ତ୍ରୀ କହିଛନ୍ତି, ସରକାରଙ୍କ ଅବଗତ କରାଯାଇଛି, ଅର୍ଥ ମଂଜୁର କରାଗଲେ ପୁନରୁଦ୍ଧାର କରାଯିବ । ନଅଙ୍କ ଦୁର୍ଭିକ୍ଷ ପରେ ପରେ କେନ୍ଦ୍ରପଡ଼ାରେ ଜଳସେଚନର ସୁବିଧା ପାଇଁ ଖୋଳାଯାଇଥିଲା ଗୋବରୀ କେନାଲ । କେନାଲରେ ଜଳ ପରିଚାଳନା ପାଇଁ ୧୮୬୯ରେ କାକଟ ଲକ୍ ନିର୍ମାଣ କରାଯାଇଥିଲା । ପରେ ୧୯୭୮ ବେଳକୁ କାର୍ଯ୍ୟକ୍ଷମ ହୋଇଥିଲା ଏହି ଐତିହାସିକ ଡାକବଙ୍ଗଳା। ହେଲେ ଏବେ ନିଜ ପରିଚୟ ଖୋଜୁଛି ।