LIVE TV
ପାହାଡ଼ରୁ ମାଟି ଅତଡ଼ା ଖସି ଗାଁରେ ପଶିଲା। ଯଦିଓ ଏଥିରେ କୌଣସି ଜୀବନହାନୀ ହୋଇନାହିଁ ହେଲେ ଘରଦ୍ୱାର ଭାଙ୍ଗି ଯାଇଛି। ଗଜପତି ଜିଲ୍ଲା ଗୁମ୍ମା ବ୍ଲକ୍ ଅନ୍ତର୍ଗତ ଜାଙ୍ଗିଡିତୁଲ୍ ଗାଁରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି।
ସୂଚନା ଅନୁସାରେ, ଶୁକ୍ରବାର ଠାରୁ ଏହି ଅଞ୍ଚଳରେ ପ୍ରବଳ ବର୍ଷା ଲାଗି ରହିଛି। ରବିବାର ସକାଳୁ ମଧ୍ୟ ବର୍ଷାର ପରିମାଣ କମିବାର ନାଁ ଧରୁ ନାହିଁ। ପ୍ରବଳ ବର୍ଷା ଯାଗୁ ଗାଁ ନିକଟସ୍ଥ ପାହାଡ ଧସି ମାଟି ଅତଡା ଖସି ଗାଁରେ ପଶି ଥିଲା। ଫଳରେ ଗାଁରେ ପାଣିର ସୁଅ ଛୁଟିବା ସହ ମାଟି ଅତଡ଼ା ଖସି ଗୋଟିଏ ଘର ଭାଙ୍ଗି ଯାଇଛି। ଖବର ଲେଖାଯିବା ସୁଦ୍ଧା ଏବେ ବି ଗାଁରେ ପାଣିର ସୁଅ ଚାଲିଛି।
ଖବର ପାଇ ପ୍ରଶାସନିକ ଅଧିକାରୀ,ପୋଲିସ୍ ଏବଂ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି। ତେବେ ବର୍ତ୍ତମାନ ଏହି ଗାଁରୁ ପଞ୍ଚାୟତ କାର୍ଯ୍ୟାଳୟକୁ ସଂଯୋଗ କରୁଥିବା ରାସ୍ତାରେ ପାଣିର ସୁଅ ଚାଲିଥିବା ବେଳେ ମାଟି ଜମି ରହିଛି। ଫଳରେ ଏହି ରାସ୍ତାରେ ଯୋଗାଯୋଗ ବିଚ୍ଛିନ୍ନ ହୋଇଛି। ପ୍ରଥମେ ଏହାକୁ ସଫା କରିବା ପରେ ଏଠାକାର ଲୋକଙ୍କୁ ଉଦ୍ଧାର କରାଯାଇ ସୋନଙ୍କୁ ଆଶ୍ରୟସ୍ଥଳୀରେ ରଖାଯିବ ବୋଲି ପ୍ରଶାସନ ପକ୍ଷରୁ କୁହାଯାଇଛି।
#ଧସିଲା_ମାଟି_ଅତଡ଼ା_ଭାଙ୍ଗିଲା_ଘର
— ଓଟିଭି (@otvkhabar) July 17, 2022
ପାରଳାଖେମୁଣ୍ଡି: ଲଗାଣ ବର୍ଷା ଯୋଗୁଁ ପାହାଡ଼ରୁ ମାଟି ଅତଡ଼ା ଧସିଲା । ଜାଙ୍ଗିଡିତୁଲ୍ ଗାଁରେ ପାହାଡ଼ରୁ ମାଟି ଅତଡ଼ା ଧସି ଗାଁରେ ପଶିଲା, ଅଳ୍ପକେ ବର୍ତ୍ତିଲେ ଗ୍ରାମବାସୀ । #Paralakhemundi #OTV pic.twitter.com/jvxAKXCJZt
