LIVE TV
ଆପଣ ହୁଏତ ଏପରି ଘଟଣା କେବେ ଶୁଣି ନଥିବେ ଯେ ଗୋଟିଏ ପଶୁ ଏକ ମାନବ ସନ୍ତାନକୁ ଜନ୍ମ ଦେବା କଥା। ଉତ୍ତର-ପୂର୍ବ ରାଜ୍ୟ ଆସାମରେ ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଗୋଟିଏ ଛେଳି ମଣିଷ ପରି ଏକ ସନ୍ତାନକୁ ଜନ୍ମ ଦେଇଛି। ଯେଉଁମାନେ ଏହି ଘଟଣାକୁ ଦେଖୁଛନ୍ତି ସେମାନେ ନିଜ ଆଖିକୁ ବିଶ୍ୱାସ କରିପାରୁ ନାହାନ୍ତି।
ଏହି ମାମଲା ଆସାମ ରାଜ୍ୟର କଛାର ଜିଲ୍ଲାର ବୋଲି ଜଣାପଡିଛି। ଏଠାରେ ଏକ ଗାଁରେ ଯେତେବେଳେ ଏକ ଗୃହପାଳିତ ଛେଳି ଏକ ସନ୍ତାନ ଜନ୍ମ କଲା, ସେଠାରେ ଥିବା ଲୋକମାନେ ଦେଖି ସେମାନଙ୍କ ହୋସ୍ ଉଡିଯାଇଥିଲା। ଛେଳିଟି ଜନ୍ମଦେଇଥିବା ଏହି ଶିଶୁର ଗୋଡ ଓ କାନ ବ୍ୟତୀତ ଆଉ ସବୁ କିଛି ଠିକ ମଣିଷ ପରି ଦେଖାଯାଉଛି। ସ୍ଥାନୀୟ ଗଣମାଧ୍ୟମ ଅନୁଯାୟୀ, ଏହି ଘଟଣା ଗଙ୍ଗା ନାଗର ଗାଁର ଜଣେ ପଶୁ ପାଳକଙ୍କ ଘରେ ଏଭଳି ଏକ ଚମତ୍କାର ଘଟଣା ଘଟିଛି।
Also Read
ପଶୁପାଳକଙ୍କ କହିବାନୁସାରେ, ଯେତେବେଳେ ସେ ଛେଳିର ପିଲାକୁ ଅତି ନିକଟରୁ ଦେଖିଲେ ଏହାର ଚେହେରା ଠିକ ମଣିଷ ପିଲା ପରି ଥିଲା। ଏପରିକି ଏହାର ଲାଙ୍ଗୁଡ଼ ମଧ୍ୟ ନ ଥିଲା। ଏହି ଛେଳି ଛୁଆର ଦୁଇଟି ଗୋଡ଼ ଓ କାନ ଛେଳି ଭଳି ଥିଲାବେଳେ ଅବଶିଷ୍ଟ ଅଂଶ ପୂରା ମଣିଷ ସନ୍ତାନ ପରି। ସୋମବାର ଏହି ଘଟଣା ଘଟିଛି ଏବଂ ଯିଏ ଏହି ଅଜବ ପିଲାକୁ ଦେଖିଛି ସିଏ ଆଶ୍ଚର୍ଯ୍ୟ ହୋଇଛି। ଯଦିଓ ଏହି ଅଜବ ଶିଶୁର ମାତ୍ର ଅଧ ଘଣ୍ଟା ମଧ୍ୟରେ ମୃତ୍ୟୁ ଘଟିଛି, କିନ୍ତୁ ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଲୋକମାନେ କହିଛନ୍ତି ଯେ ସେମାନେ ଏପରି ବିରଳ ଘଟଣା ପୂର୍ବରୁ କେବେ ବି ଦେଖି ନ ଥିଲେ।
ସୋସିଆଲ ମିଡିଆର ସବୁ ପ୍ଲାଟ୍ଫର୍ମରେ ଏକ ଛେଳି ଛୁଆର ଫଟୋ ଖୁବ୍ ଭାଇରାଲ ହେବାରେ ଲାଗିଛି। ପିଲାଟିକୁ ଦେଖିଲେ ଲାଗେ ଯେ ସେ ସମ୍ପୂର୍ଣ୍ଣ ରୂପେ ବିକଶିତ ହୋଇ ନାହିଁ। ମଣିଷ ପରି ଶିଶୁର ରୂପ ଅତ୍ୟନ୍ତ ରହସ୍ୟମୟ ଦେଖାଯାଉଛି। ଗାଁର କିଛି ଲୋକମାନେ କୁହନ୍ତି ଯେ ଛେଳିର ପେଟରୁ ବୋଧହୁଏ ତା’ର କୌଣସି ପୂର୍ବପୁରୁଷ ଜନ୍ମ ନେଇଛନ୍ତି। ଏହି ଛେଳି ଛୁଆର ମୃତ୍ୟୁ ପରେ ଗ୍ରାମବାସୀ ଏହାକୁ ପାରମ୍ପରିକ ରୀତିନୀତି ଅନୁଯାୟୀ ପୋତି ଦେଇଥିଲେ, କିନ୍ତୁ ଏହି ଘଟଣା ଚର୍ଚ୍ଚାର ବିଷୟ ପାଲଟିଜାଇଛି।
