ରତ୍ନଭଣ୍ଡାର ପ୍ରସଙ୍ଗରେ ଗଜପତି ମହାରାଜାଙ୍କ ବଡ଼ ପ୍ରତିକ୍ରିୟା; ‘ଆସନ୍ତା ରଥଯାତ୍ରା ହିଁ ପ୍ରକୃଷ୍ଠ ସମୟ ହୋଇପାରିବ’

ରତ୍ନଭଣ୍ଡାର ଖୋଲିବା ପ୍ରସଙ୍ଗରେ ବିଜେପି ଟିମ୍ ଗଜପତିଙ୍କୁ ଭେଟିବା ପରେ ପ୍ରତିକ୍ରିୟା ରଖିଛନ୍ତି ଗଜପତି ମହାରାଜ । ଓଟିଭିକୁ ଲେଖିଥିବା ଏକ ପ୍ରେସ ବିବୃତ୍ତି ଜରିଆରେ ଗଜପତି ମହାରାଜା ତାଙ୍କ ପ୍ରତିକ୍ରିୟା ରଖିଛନ୍ତି । ଏହି ପ୍ରେସ ବିବୃତ୍ତିରେ ସେ କହିଛନ୍ତି, ଆସନ୍ତା ୨୦୨୪ ରଥଯାତ୍ରା ସମୟରେ ଶ୍ରୀମନ୍ଦିରସ୍ଥ ବାହାର ଓ ଭିତର ରତ୍ନଭଣ୍ଡାର ଖୋଲଯାଇ ସେଠାରେ ଗଛିତ ଥିବା ମୂଲ୍ୟବାନ ସମ୍ପତ୍ତିର ଗଣତି ଓ ମଣତି କରାଯିବ ଏବଂ ଏଏସଆଇ ଦ୍ୱାରା ରତ୍ନଭଣ୍ଡା ମରାମତି ସମ୍ପର୍କୀତ କାର୍ଯ୍ୟ କରିବା ପାଇଁ ରାଜ୍ୟ ସରକାରଙ୍କୁ ପ୍ରସ୍ତାବ ଦିଆଯିବ ।

ସେ ଆହୁରି କହିଛନ୍ତି ଯେ ଏଥିପାଇଁ ରଥଯାତ୍ରା ହିଁ ପ୍ରକୃଷ୍ଟ ମସୟ ହୋଇପାରିବ । କାରଣ ଏହାପରେ କିଛି ମାସ ମଧ୍ୟରେ ସେଭଳି କୌଣସି ବିଶେଷ ପର୍ବପର୍ବାଣୀ ନଥା। ଯାତ୍ରୀ ଏବଂ ଦର୍ଶନାଥୀଙ୍କ ସଂଖ୍ୟା ମଦ୍ୟ ଅପେକ୍ଷାକୃତ କମ ଥାଏ ।

ରତ୍ନଭଣ୍ଡାର ଖୋଲାଯିବା ପ୍ରସଙ୍ଗରେ ବିଜେପି ଟିମ୍‌ ଭେଟିବା ପରେ ଗଜପତି ମହାରାଜାଙ୍କ ସୂଚନା..ସେ
କହିଛନ୍ତି, ୨୦୨୪ ରଥଯାତ୍ରା ସମୟରେ ମରାମତି ସମ୍ପର୍କିତ କାର୍ଯ୍ୟ ପ୍ରସ୍ତାବ ଦିଆଯିବ..ଏଥିପାଇଁ ରଥଯାତ୍ରା ହିଁ ପ୍ରକୃଷ୍ଠ ସମୟ ହୋଇପାରିବ#RatnaBhandar#GajapatiMaharaj#Puri#OTVpic.twitter.com/Q1znzKWKdt

— ଓଟିଭି (@otvkhabar) October 19, 2023