LIVE TV
ଗମେଇ ନଦୀକୁ ଗାଧୋଇବାକୁ ଯାଉଛନ୍ତି କି? ସାବଧାନ ! ନଦୀରେ ବୁଲୁଛି ବଉଳା କୁମ୍ଭୀର । ଗୋରୁ ଗାଈଙ୍କୁ ପାଣି ପିଆଇବାକୁ ନେଉଛନ୍ତି କି ? ତେବେ ସାବଧାନ! ଟାଣି ନେଇଯିବ କୁମ୍ଭୀର । ଏବେ କୁମ୍ଭୀରକୁ ନେଇ ଗାଁଟା ସାରାରେ ଆତଙ୍କ ।
ନଦୀରେ କୁମ୍ଭୀରର ଗତିବିଧି ଜଣାପଡ଼ିବା ପରେ ଏବେ ଆତଙ୍କିତ ହୋଇପଡ଼ିଛନ୍ତି ଭଦ୍ରକ ବାସୁଦେବପୁର ବ୍ଲକ ନନ୍ଦପୁରର ଲୋକେ । ଗମେଇ ନଦୀ ନିକଟରେ ଏକ କୁମ୍ଭୀର ବୁଲା ବୁଲି କରୁଥିବାରୁ ଭୟ ବଢ଼ିଛି ।
Also Read
ସେପଟେ ନଦୀରେ ୬ ଫୁଟିଆ ବଉଳା କୁମ୍ଭୀର ବୁଲୁଥିବାର ଖବର ପାଇ ବନବିଭାଗ ଲୋକମାନଙ୍କୁ ସଚେତନ କରାଇଛି । ହୋର୍ଡିଂ ମାରିବା ସହ ଡାକବାଜି ଯନ୍ତ୍ର ମାଧ୍ୟମରେ ଲୋକଙ୍କୁ ସୂଚନା ଦେବା ସହ ସତର୍କ ରହିବାକୁ ପରାମର୍ଶ ଦେଇଛି ।
ପ୍ରତିଦିନ ଶହ ଶହ ଗୋରୁଗାଈ ପାଣି ପିଇବାକୁ ନଦୀକୁ ଆସୁଥିବା ବେଳେ ପ୍ରଶାସନ କେତେ ଯତ୍ନବାନ ହେଉଛି ତାହା ଦେଖିବାକୁ ଅପେକ୍ଷା ରହିଛି ।
(ରିପୋର୍ଟ- ଭଦ୍ରକ ବାସୁଦେବପୁରରୁ ସୂର୍ଯ୍ୟୋଦୟ ବିଶ୍ୱାଳ)
