5T ସଚିବଙ୍କୁ ଭେଟିବାକୁ ଆସିଥିଲେ, ଗରମ ଓ ଗୁଳୁଗୁଳି ସହି ନପାରି ୫ ମହିଳା ଅସୁସ୍ଥ

ଅସହ୍ୟ ହେଲା ଗରମ ଓ ଗୁଳୁଗୁଳି । ରାଜ୍ୟରେ ପ୍ରବଳ ଗ୍ରୀଷ୍ମପ୍ରବାହ ଚାଲିଥିବା ବେଳେ 5T ସଚିବଙ୍କ କାର୍ଯ୍ୟକ୍ରମରେ ୫ ମହିଳା ଅସୁସ୍ଥ ହୋଇ ପଡ଼ିଛନ୍ତି । ଆଜି ଅଟଳ ବିହାରୀ ହାଇସ୍କୁଲ ପଡ଼ିଆରେ ହୋଇଥିବା କାର୍ଯ୍ୟକ୍ରମ ସମୟରେ ମହିଳାମାନେ ଅସୁସ୍ଥ ହୋଇପଡ଼ିଛନ୍ତି । ଏବେ ସମସ୍ତ ୫ ଜଣ ଅସୁସ୍ଥ ମହିଳାଙ୍କୁ ବାସୁଦେବପୁର ମେଡିକାଲରେ ଭର୍ତ୍ତି କରାଯାଇଛି ।

ସୂଚନା ଅନୁସାରେ, ଗତକାଲି ଠାରୁ ଦୁଇ ଦିନିଆ ଭଦ୍ରକ ଗ୍ରସ୍ତରେ ଅଛନ୍ତି 5T ସଚିବ । ଗସ୍ତର ପ୍ରଥମ ଦିନରେ ଏକ ସରକାରୀ ଉଚ୍ଚ ବିଦ୍ୟାଳୟରେ ଆୟୋଜିତ ହୋଇଥିଲା କାର୍ଯ୍ୟକ୍ରମ । ଭଦ୍ରକବାସୀ ନିଜ ନିଜର ଅଭିଯୋଗ ନେଇ ଯାଇଥିଲେ । ଆଉ ସେଠାରେ ଗୋଟିଏ ଗୋଟିଏ ଦାବିପତ୍ର ଗ୍ରହଣ କରିଥିଲେ 5T ସଚିବ । ଭଦ୍ରକ ଜିଲ୍ଲାର ବୁଦ୍ଧିଜୀବୀ ଜିଲ୍ଲାର ସ୍ୱାର୍ଥ ନେଇ ଦୁଇଟି ଦାବି ବିଷୟରେ 5T ସଚିବଙ୍କୁ କହିଥିଲେ ।

Also Read

କଣ୍ଠଶିଳ୍ପୀ ସୌରିନ ଭଟ୍ଟଙ୍କ ନାଁରେ ଥାନାରେ ଏତଲା

Read More

ବିଚ୍‌ ବଜାରରେ ବିଦେଶୀ ୟୁଟ୍ୟୁବରଙ୍କୁ ଧକ୍କା, ଜୀବନ ବଞ୍ଚାଇ ଦୌଡ଼ି ପଳାଇଲେ...ଭିଡିଓ ଭାଇରାଲ୍‌

Read More

ଶକ୍ତି ମନ୍ତ୍ରୀଙ୍କ କାର୍ଯ୍ୟକ୍ରମରେ କଟିଲା ବିଦ୍ୟୁତ

Read More

ସେହିପରି ଭଦ୍ରକ ସ୍ୱୟଂଶାସିତ ମହାବିଦ୍ୟାଳୟକୁ ବିଶ୍ୱବିଦ୍ୟାଳୟ ମାନ୍ୟତା ଓ ଭଦ୍ରକରେ ମେଡିକାଲ କଲେଜ ସ୍ଥାପନ ନେଇ ଦାବି ଜଣାଇଥିଲେ । ତେବେ 5T ସଚିବ ଭି.କେ ପାଣ୍ଡିଆନ କହିଥିଲେ, ଭଦ୍ରକବାସୀଙ୍କ ଦୁଇ ମୌଳିକ ଦାବି ବିଷୟରେ ମୁଖ୍ୟମନ୍ତ୍ରୀଙ୍କ ମୁହଁରୁ ଶୁଣିଲେ ଖୁସି ହେବେ । ଖୁବ୍‌ଶୀଘ୍ର ମାନ୍ୟବର ମୁଖ୍ୟମନ୍ତ୍ରୀ ଖୁସି ଖବର ଶୁଣାଇବେ ବୋଲି ଭଦ୍ରକବାସୀ ଆଶା ରଖିଛନ୍ତି ।

ଅନ୍ୟପଟେ ଗତକାଲି ଭଦ୍ରକ ନୂଆ DHH, ଭଦ୍ରକ ସ୍ୱୟଂଶାସିତ ମହାବିଦ୍ୟାଲୟ, ମାଆ ଭଦ୍ରକାଳୀଙ୍କ ପୀଠକୁ ମଧ୍ୟ ଯାଇଥିଲେ 5T ସଚିବ । ଏହା ସହ ଵିଭିନ୍ନ ସ୍ଥାନରେ ଲୋକଙ୍କ ସହ ଆଲୋଚନା କରିଥିଲେ । ଆଜି ଵାସୁଦେବପୁର, ଚାନ୍ଦବାଲି, ଧାମନଗର ଓ ଭଣ୍ଡାରିପୋଖରୀ ଗସ୍ତର ଯୋଜନା ରହିଛି ।