ମାଫିଆଙ୍କ ବିରୋଧରେ ଲଢ଼ିବାକୁ ବନ କର୍ମଚାରୀଙ୍କୁ ମିଳିଲା ବଳ

ବନ କର୍ମଚାରୀଙ୍କୁ ମିଳିଲା ବଳ। ମାଫିଆଙ୍କ ବିରୋଧରେ ଲଢ଼ିବାକୁ ବନ କର୍ମଚାରୀଙ୍କୁ ମିଳିଲା ବଳ। ଆତ୍ମରକ୍ଷା ପାଇଁ ଗୁଳି କଲେ ତୁରନ୍ତ ହୋଇପାରିବନି କାର୍ଯ୍ୟାନୁଷ୍ଠାନ। ମାଜିଷ୍ଟ୍ରେଟସ୍ତରୀୟ ତଦନ୍ତ ପରେ ହିଁ କାର୍ଯ୍ୟାନୁଷ୍ଠାନ ନିଆଯାଇପାରିବ। ଫରେଷ୍ଟ ଗାର୍ଡଙ୍କ ଠାରୁ ଉପରସ୍ତର ପର୍ଯ୍ୟନ୍ତ ଅଧିକାରୀଙ୍କୁ ଏହି ସୁବିଧା ପ୍ରଦାନ କରାଯାଇଛି।

ଗତ କିଛି ଦିନ ପୂର୍ବେ ଶିମିଳିପାଳରେ ଶିକାରୀଙ୍କ ଗୁଳିରେ ଫରେଷ୍ଟର ମାଟି ହାଁସଦାଙ୍କ ଜୀବନ ଯାଇଥିଲା। ଏହାପରେ ଜଙ୍ଗଲ ବିଭାଗରେ କାର୍ଯ୍ୟରତ କର୍ମଚାରୀଙ୍କ ସୁରକ୍ଷା ନେଇ ଜଙ୍ଗଲ ବିଭାଗ କର୍ମଚାରୀ ପ୍ରତିବାଦ କରି ଆସୁଥିଲେ। କର୍ମଚାରୀଙ୍କ ସୁରକ୍ଷା ପ୍ରତିଶ୍ରୁତି ନଦେବା ପର୍ଯ୍ୟନ୍ତ ଆନ୍ଦୋଳନ କରୁଥିଲେ ବନବିଭାଗ କର୍ମଚାରୀ।

ସୂଚନା ଅନୁସାରେ, ଶିମିଳିପାଳ ଅଭୟାରଣ୍ୟର ଗାମୁଛାଝରଣ ନିକଟରେ ପାଟ୍ରୋଲିଂ କରୁଥିବା ବେଳେ ଶିକାରୀ ଏବଂ ବନ କର୍ମଚାରୀ ମୁହାଁମୁହିଁ ହୋଇଥିଲେ। ଉଭୟଙ୍କ ମଧ୍ୟରେ ଗୁଳି ବିନିମୟ ଘଟି ଫରେଷ୍ଟର ମାଟି ହାଁସଦାଙ୍କଙ୍କ ମୃତ୍ୟୁ ହୋଇଥିଲା।