ମଦ ବଦଳରେ ଦେଉଥିଲେ ବିଷ !

ଲାଇସେନ୍ସ ପ୍ରାପ୍ତ ମଦ ଦୋକାନରେ ପ୍ରସ୍ତୁତ ହେଉଥିଲା ନକଲି ମଦ । ନକଲି ସାମଗ୍ରୀରେ ମଦ ପ୍ରସ୍ତୁତ କରି, ଅସଲି ଦାମରେ ବିକ୍ରିବଟା ଚାଲିଥିଲା । ମୟୂରଭଂଜ ମୋରଡ଼ାରେ ଚାଲିଥିବା ଏଭଳି ନକଲି ବିଦେଶୀ ମଦ ୟୁନିଟ ଠାବ କରାଯାଇଛି ।

ଅବକାରୀ ବିଭାଗର ସ୍ୱତନ୍ତ୍ର ସ୍କ୍ୱାର୍ଡ ସେଠାରୁ ନକଲି ମଦ ସହ ସ୍ପିରିଟ୍, ମଦ ପ୍ୟାକିଂ ଠିପି, ବିଭିନ୍ନ ବ୍ରାଣ୍ଡର ଲେବେଲ୍ ଜବତ କରିଛି । ଘଟଣାରେ ଅବକାରୀ ବିଭାଗ ମଦ ଦୋକାନର ଦୁଇ କର୍ମଚାରୀଙ୍କୁ ଗିରଫ କରିଥିବା ବେଳେ, ମାଲିକ ଫେରାର ହୋଇଯାଇଛି ।

ନକଲି ମଦର ତିଆରି ଖବର ପାଇ ଆଜି ସକାଳୁ ସକାଳୁ ଅବକାରୀ ବିଭାଗର ସ୍ୱତନ୍ତ୍ର ସ୍କ୍ୱାର୍ଡ ଚଢାଉ କରିଥିଲା । ତେବେ ନକଲି ମଦ କେଉଁ ସବୁ ସ୍ଥାନକୁ ଚାଲାଣ ହେଉଥିଲା ସେନେଇ ପୋଲିସ ତନାଘନା ଆରମ୍ଭ କରିଛି ।