ଜନ୍ମରୁ ଦୃଷ୍ଟିବାଧିତ : ବିନା ଗୁରୁରେ ନାକରେ ଚମତ୍କାର ବଂଶୀ ବଜାନ୍ତି କୃଷ୍ଣଚନ୍ଦ୍ର

ସାଲେପୁର(ମନୋଜ ଆଚାର୍ଯ୍ୟ) : ଜନ୍ମରୁ ହିଁ ଦୃଷ୍ଟିବାଧିତ । ସେ ଦୁନିଆଁକୁ ଦେଖି ନାହାନ୍ତି । ହେଲେ ବଂଶୀର ସୁମଧୁର ସ୍ଵର ତାଙ୍କୁ ପିଲାଟି ବେଳୁ ହିଁ ବଂଶୀ ବାଦନ ପାଇଁ ଆକର୍ଷିତ କରିଛି। ତେବେ ସାଧାରଣତଃ ସମସ୍ତେ ବଂଶୀକୁ ମୁହଁରେ ଫୁଙ୍କି ଥାଆନ୍ତି । ହେଲେ କିଶନ ନଗରର କୃଷ୍ଣଚନ୍ଦ୍ର ନାକରେ ବଂଶୀ ବାଦନ କରନ୍ତି । ବିନା ଗୁରୁରେ କେବଳ ଶୁଣିଶୁଣି ନାକରେ ବଂଶୀ ବାଦନ କରୁଛନ୍ତି ଦୃଷ୍ଟିବାଧିତ ବ୍ୟକ୍ତି ।

କଟକ କିଶନନଗର ଥାନା ପାଖ ରାମଚନ୍ଦ୍ରପୁର ଗାଁର କୃଷ୍ଣଚନ୍ଦ୍ର କବି। ବୟସ ଆସି ୭୦ ଛୁଇଁଲାଣି । ଜନ୍ମରୁହିଁ ଦୃଷ୍ଟି ଶକ୍ତି ହରାଇଛନ୍ତି । ସେ ବିବାହ କରିନାହାନ୍ତି । ଏତେ ବଡ଼ ଦୁନିଆରେ ନିଜର ବୋଲି କେହି ନାହିଁ । ପଡିଶା ଓ ଭାଇମାନଙ୍କ ସହ ମିଶି ଜୀବନ ବିତାଇ ଦେଲେଣି । ସକାଳୁ ସଂଜ ଯାଏଁ ବଂଶୀ ଟିଏ ଧରି ବୁଲୁଥାନ୍ତି । ଆଉ ବେଶ୍ ଚମତ୍କାର ଭାବେ ନାକରେ ହିଁ ବଜାନ୍ତି କୃଷ୍ଣଚନ୍ଦ୍ର । ଭଗବାନ ଶ୍ରୀକୃଷ୍ଣଙ୍କ ପ୍ରିୟ ହେଉଛି ବଂଶୀ । ସେ ଭାବ ଦିଅନ୍ତି ଆଉ ଆପେ ଆପେ ତାଙ୍କ ବଂଶୀରୁ ବାହାରେ ଅନର୍ଗଳ ଭକ୍ତିଭାରା ସ୍ଵର । ସେ ବଂଶୀବାଦନ କେଉଁଠୁ ଶିଖିନାହାନ୍ତି ହେଲେ ଆପେ ଆପେ ସେ ବଂଶୀ ବଜାଉଥିବା କହିଛନ୍ତି କୃଷ୍ଣଚନ୍ଦ୍ର।

Also Read

ଆଡପ ମଣ୍ଡପରେ ଚତୁର୍ଦ୍ଧାମୂର୍ତ୍ତିଙ୍କ ଆଜି ଦ୍ୱିତୀୟ ଦିନ:ସମ୍ପନ୍ନ ହେବ ବନକଲାଗି ନୀତି, ଝଲସିବେ ମହାବାହୁ

ବୟସ ୭୦ ଟପିଲାଣି, ଆଖିକୁ ଦେଖାଯାଉନି ! ତଥାପି ପୁରୀ ଯାଇ କାଳିଆ ସାଆନ୍ତକୁ ଦର୍ଶନ କରିବାକୁ ମନ

ଭାରତରେ କାଉଡି ଯାତ୍ରା : ରାବଣ ଥିଲା ପ୍ରଥମ କାଉଡିଆ

ବଂଶୀ ସହିତ କୃଷ୍ଣଚନ୍ଦ୍ରଙ୍କ ସମ୍ପର୍କ ପାଖାପାଖି ୬୦ ବର୍ଷରୁ ଉର୍ଦ୍ଧ। ସେ କେବେବି ଭଗବାନ କୃଷ୍ଣଙ୍କ ମୂର୍ତ୍ତିକୁ ଦେଖିନାହାନ୍ତି। ହେଲେ ବଂଶୀ ରେ ହିଁ ତାଙ୍କୁ ଅନୁଭବ କରିଛନ୍ତି । ଦୁନିଆଁ ଦେଖିନଥିବା ଏହି ନିଆରା ବଂଶୀବାଦକଙ୍କ ନା କାହା ଉପରେ କିଛି ଅଭିମାନ ନା ଅବଶୋଷ । ତେବେ ଜୀବନର ଶେଷ ସମୟରେ ସରକାରଙ୍କ ସଂସ୍କୃତି ବିଭାଗ ଯଦି ତାଙ୍କ ଉପରେ ଦୟା ପରବସ ହୋଇ କଳାକାର ଭତ୍ତା ଟିକକ ଦିଅନ୍ତେ ତେବେ ଶେଷ ଜୀବନ ସେ ଭଲରେ କାଟି ପରନ୍ତେ ବୋଲି ତାଙ୍କ ସାନଭାଇ କହିଛନ୍ତି ।