କଟକରେ ଆକ୍ୱାଗାର୍ଡ ବି ନକଲି, ବିପୁଳ ପରିମାଣରେ ଆକ୍ୱାଗାର୍ଡ ମେସିନ ଓ ନକଲି ଯନ୍ତ୍ରାଂଶ ଜବତ

କଟକରେ ଗୋଟିଏପରେ ଗୋଟିଏ ନକଲି ଜିନିଷ ଠାବ ହେଉଥିବା ବେଳେ ଏବେ ନକଲି ଆକ୍ୱାଗାର୍ଡ ଗୋଦାମ ଠାବ ହୋଇଛି। ନକଲି ଆକ୍ୱାଗାର୍ଡ ତିଆରି ଓ ବିକ୍ରି ଅଭିଯୋଗରେ କଟକ ବାଦାମବାଡ଼ି ଥାନା ଅଞ୍ଚଳରେ ଏକ ଆକ୍ୱାଗାର୍ଡ ଗୋଦାମରେ ରେଡ୍ ପୋଲିସ୍‌ ରେଡ୍‌ କରିଥିଲା।

କମିଶନରେଟ୍ ପୋଲିସ ଓ ସ୍ୱତନ୍ତ୍ର ସ୍କ୍ୱାର୍ଡ ପକ୍ଷରୁ ଏହି ରେଡ୍‌ ହୋଇଥିଲା। ରେଡ୍‌ ବେଳେ ବିପୁଳ ପରିମାଣର ଆକ୍ୱାଗାର୍ଡ ମେସିନ୍ ଓ ନକଲି ଯନ୍ତ୍ରପାତି ଜବତ ହୋଇଛି। ଏହି ଘଟଣାରେ ପୋଲିସ୍‌ ୨ଜଣଙ୍କୁ ଗିରଫ କରିଥିବା ସୂଚନା ମିଳିଛି। ନକଲି ଆକ୍ୱାଗାର୍ଡ ଷ୍ଟିକର ଲଗାଇ ଆକ୍ୱାଗାର୍ଡ କମ୍ପାନୀ ନାଁରେ ଏମାନେ ବିକ୍ରି କରୁଥିବା ଅଭିଯୋଗ ହୋଇଛି।

#କଟକରେ_ଆକ୍ୱାଗାର୍ଡ_ବି_ନକଲି
ବାଦାମବାଡିରେ ଆକ୍ୱାଗାର୍ଡ ଗୋଦାମରେ ରେଡ୍.. ବିପୁଳ ପରିମାଣରେ ଆକ୍ୱାଗାର୍ଡ ମେସିନ ଓ ନକଲି ଯନ୍ତ୍ରାଂଶ ଜବତ #DuplicateAquaguard#Cuttack#OTVpic.twitter.com/8ubgraIewC

— ଓଟିଭି (@otvkhabar) January 22, 2023

ଘଟଣାକୁ ନେଇ ଜୋନ୍‌ ୬ର ଏସିପି ଅମରେନ୍ଦ୍ର ପଣ୍ଡା କହିଛନ୍ତି, ‘ଡୁପ୍ଲିକେଟ୍‌ ଆକ୍ୱାଗାର୍ଡ ମେସିନ୍ ବ୍ୟବସାୟ ଚାଲିଥିବା ନେଇ ସୂଚନା ମିଳିବା ପରେ ରେଡ୍‌ ହୋଇଥିଲା। ଅରିଜିନାଲ୍‌ ରେଟ୍‌ରେ ମାର୍କେଟ୍‌କୁ ଡୁପ୍ଲିକେଟ୍‌ ଜିନିଷ ଛଡ଼ା ଯାଉଥିଲା’।