LIVE TV
ମାଲିକ ଓ ପୋଷାଜନ୍ତୁଙ୍କ ମଧ୍ୟରେ ନିବିଡ ସଂପର୍କ ଥାଏ। ଏଭଳି ଅନେକ ଭିଡିଓ ସୋସିଆଲ୍ ମିଡିଆରେ ଭାଇରାଲ ହେବା ଆମେ ଦେଖିଛେ। ଏହିପରି ଭିଡିଓ ଏତେ ଭାବପ୍ରବଣ ହୋଇଥାଏ ଯେ ଯାହା ସେମାନଙ୍କ ପାଇଁ ଭଲପାଇବା କିଣିନିଏ। ବର୍ତ୍ତମାନ ସୋସିଆଲ ମିଡିଆରେ ଏପରି ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ଏକ କୁକୁରର ତା’ ମାଲିକାଣୀ ପ୍ରତି ଥିବା ଗଭୀର ପ୍ରେମକୁ ଦେଖିବାକୁ ମିଳୁଛି। ଏହି ଭିଡିଓଟି ପ୍ରଥମେ ଟିକ୍ଟକ୍ରେ ଏବଂ ପରେ ରେଡିଟ୍ରେ ଶେୟାର କରାଯାଇଥିଲା। ଏହି ଭିଡିଓରେ ଏକ ପିଟ୍ବୁଲ୍ କୁକୁର ନିଜ ମାଲିକାଣୀଙ୍କ ସହ ସୋଫାରେ ବସି ଖୁବ୍ ଧ୍ୟାନ ଏବଂ ଗମ୍ଭୀରତାର ସହିତ ଟିଭି ଦେଖୁଥିବାର ଦେଖାଯାଏ।
Also Read
ଭିଡିଓ ଆରମ୍ଭରେ, ଏହା ଦେଖାଯାଏ ଯେ କୁକୁରଟି ଠିକ୍ ମଣିଷ ପିଲା ପରି ତା’ର ମାଳିକାଣୀ ସହ ସୋଫାରେ ଆରାମରେ ବସିଛି ଏବଂ ଟିଭିର ଆନନ୍ଦ ନେଉଛି। ଖାଲି ଏତିକି ନୁହେଁ କୁକୁରଟି ଯେତେବେଳେ ଜାଣିବାକୁ ପାଉଛି ଯେ ତା’ର ଭିଡିଓ ରେକର୍ଡ ହେଉଛି, ସେ କ୍ୟାମେରା ଆଡକୁ ମଧ୍ୟ ନଜର ପକେଇବା ଦେଖାଯାଏ। ଭିଡିଓରେ ଉଭୟ କୁକୁର ଓ ମାଲିକାଣୀ ଏକାଠି ବସି ଆନନ୍ଦରେ ଟିଭି ଦେଖୁଛନ୍ତି ଏବଂ ଏକାଠି ବସିଥିବା ସମୟରେ ସେମାନେ ବହୁତ ସୁନ୍ଦର ମଧ୍ୟ ଲାଗୁଛନ୍ତି। ଏହି ସମୟରେ, ମାଲିକାଣୀ ମଧ୍ୟ ମଣିଷ କରି କୁକୁର ସହିତ କଥାବାର୍ତ୍ତା କରୁଛନ୍ତି। ସେ ତାକୁ ପଚାରୁଛନ୍ତି ଯେ ସେ କ’ଣ ଦେଖୁଛି? ଏହା ପରେ କୁକୁରଟି ଏପରି ଚେହେରା କରୁଛି ସତେ ଯେପରି ସେ ସବୁକିଛି ବୁଝିପାରୁଛି। ଏହା ମନ ଖୁସି ହୋଇଗଲା ଭଳି ଦୃଶ୍ୟ।
କୁକୁରର ଏହି ଭିଡିଓ ସହିତ ଥିବା କ୍ୟାପ୍ସନ୍ରେ ଲେଖାଥିଲା ଯେ “ତା’ର ଜେଜେମା’ଙ୍କ ସହ ମୋର ଛୋଟ ବଦମାସୀ”। ଏହି ଭିଡିଓରେ କୁକୁରର ଅଙ୍ଗଭଙ୍ଗୀ ଦେଖି ନିଶ୍ଚିତ ଭାବରେ ଆପଣଙ୍କ ମୁହଁରେ ହସ ଫୁଟି ଉଠିବ। କାରଣ ଏହି ଭିଡିଓଟି ବହୁତ ମଜାଲିଆ। ଜଣେ ବ୍ୟକ୍ତି ଲେଖିଛନ୍ତି ଯେ "ତା’ର ମୁହଁକୁ ଭଲ ପାଇବାକୁ ପଡିବ"। ସେହିପରି ଅନ୍ୟ ଜଣେ ଲେଖିଛନ୍ତି, "ଏହା ବହୁତ ସୁନ୍ଦର! ଯେତେବେଳେ ସେ ତାଙ୍କ କୁକୁର ସହ କଥାବାର୍ତ୍ତା କରୁଛନ୍ତି ସେତେବେଳେ ସେ ମୋ ମା’ ଭଳି ଲାଗୁଛନ୍ତି। ଆପଣଙ୍କ ମା ମଧ୍ୟ ମେକ୍ସିକାନ୍ କି?" ତୃତୀୟ ଜଣକ ମନ୍ତବ୍ୟ ଦେଇ ଲେଖିଛନ୍ତି ଯେ ଏହା ହେଉଛନ୍ତି ସବୁଠୁ ମଜାଳିଆ ଜିନିଷ।
