ନେତାଜୀ ବସ୍ ଟର୍ମିନାଲ ପାଇଁ ଜୋରସୋରରେ ଚାଲିଛି କାମ : ଉଚ୍ଛେଦ ପ୍ରକ୍ରିୟା ସରିବା ପରେ ନିର୍ମାଣ କାର୍ଯ୍ୟ ଆରମ୍ଭ

କଟକ(ବିଶ୍ୱଜିତ୍ ଆଚାର୍ଯ୍ୟ) : କଟକ ଖାନନଗରରେ ପ୍ରସ୍ତାବିତ ନୂଆ ବସଷ୍ଟାଣ୍ଡ ପାଇଁ ଚାଲିଛି କାମ । ଜବରଦଖଲ ଉଚ୍ଛେଦ ପ୍ରକ୍ରିୟା କାର୍ଯ୍ୟ ସରିବା ପରେ ଆରମ୍ଭ ହୋଇଛି ନିର୍ମାଣ କାର୍ଯ୍ୟ । ୨୦ ଏକକ ସ୍ଥାନରେ ଠିଆ ହେବାକୁ ଥିବା ଏହି ନୂଆ ବସଷ୍ଟାଣ୍ଡ ସମ୍ପୂର୍ଣ୍ଣ କାର୍ଯ୍ୟକ୍ଷମ ହେଲେ ଦୀର୍ଘ ବର୍ଷ ଧରି ବାଦାମବାଡ଼ି ବସଷ୍ଟାଣ୍ଡରେ ହେଉଥିବା ସମସ୍ୟା ଦୂର ହେବ ବୋଲି ଆଶା ରଖିଛନ୍ତି କଟକବାସୀ ।

ନେତାଜୀ ବସ୍ ଟର୍ମିନାଲ କାମ ପାଇଁ ନିୟୋଜିତ ହୋଇଛନ୍ତି ବହୁ ସଂଖ୍ୟାରେ ଶ୍ରମିକ । କାମରେ ଲାଗିଛି ଜେ.ସି.ବି ଓ ଅନ୍ୟାନ୍ୟ ଅତ୍ୟାଧୁନିକ ଯନ୍ତ୍ରପାତି । ଡେଡଲାଇନ୍ ଭିତରେ ପ୍ରସ୍ତାବିତ ପ୍ରକଳ୍ପକୁ ବାସ୍ତବ ରୂପ ଦେବା ପାଇଁ ବିଭିନ୍ନ ବିଭାଗ କାମ ଜାରି ରହିଛି । ୨୦ ଏକର ଜାଗାରେ ଠିଆ ହେବ ନୂତନ ବସ ଟର୍ମିନାଲ ଜିଲ୍ଲାପାଳ କହିଛନ୍ତି । ଆସନ୍ତା ୯ ମାସ ଭିତରେ ବସଷ୍ଟାଣ୍ଡ କାମ ସହିତ ଟେମ୍ପୁଲ କମ୍ପଲେକ୍ସ ମଧ୍ୟ ସମ୍ପୂର୍ଣ୍ଣ ହେବ ।

Also Read

ବ୍ୟବସାୟିକ ସ୍ପେସ୍ ଟୁର୍ ମିଶନ୍ ସଫଳତା ସହିତ ସମାପ୍ତ

ଶ୍ରୀଗୁଣ୍ଡିଚା ଘରକୁ ଯାଉଛନ୍ତି ଶ୍ରୀଜିଉ, ଗୋଟି ପହଣ୍ଡିରେ ବିଜେ ହେବେ ମହାପ୍ରଭୁ

ମାସ୍କ ପିନ୍ଧିବାକୁ ଗୁରୁତ୍ୱ ଦେଲେ ପ୍ରଧାନମନ୍ତ୍ରୀ, ୧୬ରେ ନବୀନଙ୍କ ସହ କରିବେ ଆଲୋଚନା

କଟକ ବାଦାମବାଡ଼ିରୁ ଶହ ଶହ ବସ୍ ରାଜ୍ୟର ବିଭିନ୍ନ ସ୍ଥାନକୁ ଯାଆସ କରୁଥିଲେ ବି ଭିତ୍ତିଭୂମିରେ ଉନ୍ନତି ଘଟୁନଥିଲା । ଯେଉଁଥି ପାଇଁ ବିଭିନ୍ନ ସମୟରେ ସହରବାସୀ ଅଭିଯୋଗ କରି ଆସୁଥିଲେ କିନ୍ତୁ ଏବେ ନୂତନ ବସଷ୍ଟାଣ୍ଡ କାମ ଶେଷ ହେଲେ ଏହାର ସୁଫଳ ମିଳିବ ବୋଲି ଆଶା ରଖିଛନ୍ତି କଟକ ବାସିନ୍ଦା । ଅନ୍ୟପଟେ ବସଷ୍ଟାଣ୍ଡରେ ଯାତ୍ରୀଙ୍କ ସୁବିଧା ଲାଗି ରହଣି ଓ ପାଣି ଯୋଗାଣ ଭଳି ବ୍ୟବସ୍ଥା ଉପରେ ଅଧିକ ଗୁରୁତ୍ୱ ଦିଆଯାଇଛି । ଏଥିପାଇଁ ଏକ ବିରାଟ ପାଣି ଟାଙ୍କି ନିର୍ମାଣ କରାଯାଉଛି ଏହି ପାଣିଟାଙ୍କି ଯୋଗୁଁ ବାଦାମବାଡ଼ି ଓ ଆଖପାଖ ଅଞ୍ଚଳବାସୀ ଉପକୃତ ହେବେ ।