ସାଲୁଜା ଖୋଲିଲେ ଗୁମର ! ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ରାୟପୁର ଘରେ ଘଟିଥିଲା କଣ ?

ରାୟପୁର : ରାୟପୁର ରାଜ୍ ଖୋଲିଲେ ସାଲୁଜା । ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ରାୟପୁର ଘରେ ଘଟିଥିଲା କଣ ? ଏହାର ଗୁମର ଖୋଲିଛନ୍ତି କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା । ମମିତା ହତ୍ୟା ମାମଲାରେ ରାୟପୁର ବୁଝାମଣା ନେଇ ଖୁଲାସା କଲେ ବିଧାୟକ ସନ୍ତୋଷ ସିଂହ ସାଲୁଜା । ପୂର୍ବରୁ ବିଜୟ ମହାପାତ୍ର, ନରସିଂହ ମିଶ୍ର ଏ ପ୍ରସଙ୍ଗରେ ଉଠାଇଥିଲେ, ଆଉ ଏବେ ପୁଣି ଥରେ ରାୟପୁର କଥା ଉଠାଇଛନ୍ତି କଂଗ୍ରେସ ବିଧାୟକ।

ସେପ୍ଟେମ୍ବର ୨୦ରେ ମମିତା ବସ୍ ଯୋଗେ ଘରୁ ବାହାରିଥିଲେ । ଆଉ ମହାଲିଙ୍ଗରୁ ଅଭିଯୁକ୍ତ ଗୋବିନ୍ଦ ମମିତାଙ୍କୁ ରାୟପୁର ନେଇ ଯାଇଥିଲା । ୨୦ରୁ ୨୩ ସେପ୍ଟେମ୍ବର ପର୍ଯ୍ୟନ୍ତ ରାୟପୁରରେ ମନ୍ତ୍ରୀ ଦିବ୍ୟଶଙ୍କର ମିଶ୍ର, ଅଭିଯୁକ୍ତ ଗୋବିନ୍ଦ ଓ ଶିକ୍ଷୟିତ୍ରୀ ମମିତା ରହିଥିଲେ ବୋଲି ସେ ଅଭିଯୋଗ କରିଛନ୍ତି  । ସେଠାରେ ମୁଝାମଣା କରିବାକୁ ଚେଷ୍ଟା କରିଥିଲେ ମନ୍ତ୍ରୀ । ସେଠାରେ କୁଲ ହୋମ ଆପାର୍ଟମେଣ୍ଟରେ ମମିତାଙ୍କ ସହ ବୁଝାମଣା କରିବାକୁ ଚେଷ୍ଟା କରିଥିଲେ ମନ୍ତ୍ରୀ । ହେଲେ ସେପ୍ଟେମ୍ବର ୨୩ରେ ଘରକୁ ଫେରି ଆସିଥିଲେ ମମିତା ।

ମମିତା ମନ୍ତ୍ରୀ ଓ ଗୋବିନ୍ଦ କଥାରେ ରାଜି ହୋଇନଥିଲେ । ବୁଝାମଣା ହୋଇ ନ ପାରିବାରୁ ମୃତକଙ୍କ ଆକାଉଣ୍ଟରେ ଟଙ୍କା ଡିପୋଜିଟ୍ କରିଥିଲା ଗୋବିନ୍ଦ । ୭ ତାରିଖରେ ମମିତା ଆକାଉଣ୍ଟରେ ୮ ହଜାର ଡିପୋଜିଟ୍ କରିଥିଲା ଅଭିଯୁକ୍ତ । ଆଉ ଟଙ୍କା ଡିପୋଜିଟ୍ କରିବାର ଗୋଟିଏ ଦିନ ପରେ ତତା ୮ ତାରିଖରେ ଗୋବିନ୍ଦ ମମିତାକୁ ଡକାଇ ହତ୍ୟା କରିଥିବା କଥା କହିଛନ୍ତି ସାଲୁଜା । କଲ ରେକର୍ଡ ଯାଞ୍ଚ କଲେ ୩ ଜଣ ଗୋଟିଏ ସ୍ଥାନରେ ଥିଲେ ନା ନାହିଁ ଜଣାପଡ଼ିବ । ମାତ୍ର ପୋଲିସ ଏଯାବତ ଏ ଦିଗରେ ଖୁଲାସା କରିନି ।

Also Read

ଋଣ ନେବାରେ ରେକର୍ଡ଼ କଲେ ପାକ୍‌ ପ୍ରଧାନମନ୍ତ୍ରୀ ଇମ୍ରାନ ଖାନ୍

ଆହ୍ୱାନ, ଗର୍ଜନ, ମିଶ୍ରଣ... ପ୍ରଦୀପ ମାଝୀଙ୍କ ହୋମ୍ ଗ୍ରାଉଣ୍ଡରେ କଂଗ୍ରେସର ଶକ୍ତି ପ୍ରଦର୍ଶନ

ତୈଳଦର ପ୍ରତିବାଦରେ ଆଜି ଆନ୍ଦୋଳନ କରିବ ଶାସକ ଦଳ

ରାୟପୁରରେ ଥିବା ସମୟରେ କଲ ରେଜିଷ୍ଟରକୁ ସାମ୍ନାକୁ ଆଣିବାକୁ କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା ଦାବି କରିଛନ୍ତି । ଏଥିସହ ପେନଡ୍ରାଇଭ୍ ଓ ଲାପଟପ୍ ମିଳିଥିଲେ ମଧ୍ୟ ଖୁଲାସା କରାଯାଉନାହିଁ । ଏହି ପେନଡ୍ରାଇଭ୍ ଓ ଲାପଟପରେ ଅନେକ ନେତା ମନ୍ତ୍ରୀଙ୍କ ସେକ୍ସ ସ୍କାଣ୍ଡାଲ ରହିଥିବା ସାଲୁଜା ସାଂଘାତିକ ଅଭିଯୋଗ କରିଛନ୍ତି ।

OTV is now on Whatsapp

Join and get latest news update delivered to you via whatsapp

Join Now