ହାତ ଛାଡି ଶଙ୍ଖ ଧରିପାରନ୍ତି କଂଗ୍ରେସ ନେତା ପ୍ରଦୀପ ମାଝୀ

ଭୁବନେଶ୍ୱର: ହାତ ଛାଡ଼ି ଶଙ୍ଖ ଧରିବେ କି ପ୍ରଦୀପ ମାଝୀ । ବର୍ତ୍ତମାନ ପିସିସିର କାର୍ଯ୍ୟକାରୀ ସଭାପତି ଥିବା ପ୍ରଦୀପ ମାଝୀ, ବିଜେଡିରେ ସାମିଲ ହେବେ ବୋଲି କିଛି ଦିନ ହେଲା ଚର୍ଚ୍ଚା ହେଉଛି । କୁହାଯାଉଛି, ସବୁ ଅଙ୍କ ଛିଣ୍ଡିଛି, କେବଳ ଶୁଭ ମୁହୂର୍ତ୍ତକୁ ଅପେକ୍ଷା । ଏହି ଚର୍ଚ୍ଚାର ସତ କଣ, ମିଛ କଣ, ଓଟିଭିର ଲୋକପ୍ରିୟ ଟକ୍ ସୋ ଖୋଲାକଥାରେ ଖୋଲାଖୋଲି ଭାବେ ନିଜ ମତ ରଖିଛନ୍ତି ପ୍ରଦୀପ ।

Also Read

ଆଜି ପୁଣି ଶସ୍ତା ହେଲା ସୁନା, ତୁରନ୍ତ କିଣିନିଅନ୍ତୁ....ନଚେତ୍‌

କାଲି ଫଳକ ବଦଳାଇଥିଲା, ଆଜି ପଟ୍ଟା ଓ ଭତ୍ତା ପାଇଁ ଲୋକଙ୍କୁ ପ୍ରଲୋଭିତ କଲା ଆନ୍ଧ୍ର

ଡବଲ ଡୋଜ୍‌ ନେବା ପରେ ବି ୨୯ ଡାକ୍ତରୀ ଛାତ୍ରଛାତ୍ରୀ କରୋନାରେ ହେଲେ ଆକ୍ରାନ୍ତ

ପାଓ୍ୱାର କରିଡରରେ ରହି ଲୋକଙ୍କୁ ସେବା କରିବାର ସୁଯୋଗ ମିଳିଲେ, ଦଳ ପରିବର୍ତ୍ତନ କରିବେ କି ବୋଲି ହୋଷ୍ଟ ମନରଂଜନ ପ୍ରଶ୍ନ କରିବାରୁ ସେ କହିଛନ୍ତି, ଏପରି ସୁଯୋଗ ମିଳିଲେ ବିଚାର କରିବେ । ପ୍ରଦୀପ ମାଝୀ ଆହୁରି କହିଛନ୍ତି, ଲୋକଙ୍କ ସେବା କରିବାର ଅଧିକ ସୁଯୋଗ ମିଳିଲେ, ତାକୁ ହାତଛଡ଼ା କରିବା ଠିକ ହେବ ନାହିଁ । ଆଦର୍ଶ ଦୃଷ୍ଟିରୁ ଦେଖିଲେ କଂଗ୍ରେସ ଓ ବିଜେଡି ମଧ୍ୟରେ ବିଶେଷ କିଛି ଫରକ ନାହିଁ । ବିଜେଡିକୁ ପ୍ରଶଂସା କରି ସେ କହିଛନ୍ତି, ଏହି ଦଳରେ ଶୃଙ୍ଖଳା ଅଛି, ଶାସନରେ ସ୍ଥିରତା ଅଛି । ଯାହାକି କଂଗ୍ରେସରେ ନାହିଁ ।