କମ୍‌ ମାର୍କ ଆସିବାରୁ ଜୀବନ ହାରିଲେ + ୨ ଛାତ୍ର

ଯୁକ୍ତ ଦୁଇ ପରୀକ୍ଷାରେ କମ୍‌ ମାର୍କ ରହିବାରୁ ଜୀବନ ହାରିଲେ ଛାତ୍ର । ବୁର୍ଲା ଥାନା ଢ଼ିପାପଡା ଅଞ୍ଚଳର ଘଟିଛି ଏହି ଘଟଣା । ମୃତକ ଜଣକଙ୍କ ନାଁ ରୋହନ କୁମାର ହୋଇଥିବା ଜଣାପଡିଛି ।

ଢିପାପଢାର ଜ୍ଞାନ ବାହାଦୁର ଗୁରୁମଙ୍କ ସାନ ପୁଅ ରୋହନ କୁମାର ସମ୍ବଲପୁର ଗଙ୍ଗାଧର ମେହେର ବିଶ୍ୱବିଦ୍ୟାଳୟରେ +୨ ବିଜ୍ଞାନ ପଢୁଥିଲେ । ଗତକାଲି ଯୁକ୍ତ ଦୁଇ ଫଳ ବାହାରିଥିଲା ସେ ମୋଟ ୪୯ ପ୍ରତିଶତ ମାର୍କ ରଖିଥିଲେ । ନିଜ ମାର୍କକୁ ନେଇ ରୋହୋନ ପୁରା ଭାଙ୍ଗି ପଡିଥିଲେ । ଯାହା ପରେ ଗତକାଲି ରାତିରେ ବାଥରୁମ ଯାଉଛି କହି ଘର ବାଥରୁମ ପଛପଟରେ ରୋହନ ରଶି ଲଗାଇ ଆତ୍ମହତ୍ୟା ଉଦ୍ୟମ କରିଥିଲେ ।

ତେବେ ରୋହନ ଆସିବାର ବିଳମ୍ବ ଦେଖି ପରିବାର ଲୋକ ବହୁ ଖୋଜାଖୋଜି କରିଥିଲେ । ଶେଷରେ ଝୁଲନ୍ତା ଅବସ୍ଥାରେ ରହୋନର ଶରୀର ଦେଖି ପରିବାର ଲୋକେ ତାକୁ ଉଦ୍ଧାର କରି ବୁର୍ଲା ମେଡ଼ିକାଲକୁ ସ୍ଥାନାନ୍ତରଣ କରିଥିଲେ । ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ରହୋନ ଜଣେ ମେଧାବୀ ଛାତ୍ର ଥିଲେ ମାଟ୍ରିକ୍‌ରେ ସେ ୭୧ ପ୍ରତିଶତ ମାର୍କ ରଖି ଗଙ୍ଗାଧର ମେହେର ବିଶ୍ୱବିଦ୍ୟାଳୟରେ ବିଜ୍ଞାନରେ ପଢୁଥିଲେ । ହେଲେ ଯୁକ୍ତ ଦୁଇ ବିଜ୍ଞାନରେ କମ୍‌ ପ୍ରତିଶତ ମାର୍କ ରହିବାରୁ ସେ ଏଭଳି ପଦକ୍ଷେପ ନେଇଥିବା ଜଣାପଡିଛି ।