ମରଦପଣିଆ ପ୍ରମାଣିତ ପାଇଁ ସହିବାକୁ ହୁଏ ବିଷାକ୍ତ ଜଙ୍ଗଲୀ ପିମ୍ପୁଡିଙ୍କ ଆଘାତ

ଦୁନିଆରେ ଅନେକ ଦେଶ ଅଛି ଏବଂ ସେହି ଦେଶର ଲୋକମାନଙ୍କର ଭିନ୍ନ ବିଶ୍ୱାସ ମଧ୍ୟ ଅଛି। ସେମାନଙ୍କର ପ୍ରଥା ଓ ଧର୍ମ ଭିନ୍ନ ହୋଇଥାଏ। ଭାରତ ପରି, ଅନେକ ଦେଶ ଅଛି ଯେଉଁଠାରେ ଅନେକ ପ୍ରଜାତି, ସମ୍ପ୍ରଦାୟ, ଧର୍ମ ଇତ୍ୟାଦିର ଲୋକ ବାସ କରନ୍ତି ଏବଂ ସେମାନେ ଗୋଟିଏ ଦେଶରେ ବାସ କରୁଥିଲେ ମଧ୍ୟ ସେମାନେ ବିଭିନ୍ନ ପ୍ରଥା ଓ ପରମ୍ପରାକୁ ଅନୁସରଣ କରନ୍ତି।

ଆମେ ଆପଣଙ୍କୁ ଏପରି ଏକ ଅଦ୍ଭୁତ ପ୍ରଥା ବିଷୟରେ କହିବାକୁ ଯାଉଛୁ ଯାହାକୁ ଜାଣି ଆପଣ ଆଶ୍ଚର୍ଯ୍ୟ ହୋଇଯିବେ। ଏଠାରେ ଏପରି ଏକ ଜନଜାତି ଅଛି ଯାହାର ଯୁବକମାନେ ନିଜ ପୁରୁଷତ୍ୱକୁ ପ୍ରମାଣ କରିବା ପାଇଁ ନିଜକୁ ପିମ୍ପୁଡ଼ିମାନଙ୍କ ଦ୍ୱାରା କାମୁଡିବାକୁ ଦିଅନ୍ତି।

ଆମାଜନ ଜଙ୍ଗଲରେ ଏକ ଜନଜାତି ବାସ କରନ୍ତି, ଯାହାର ନାମ ସାଟେରେ-ମାୱେ। ଏହି ଜନଜାତିର ଲୋକମାନଙ୍କର ନିଜର ଏକ ଅଦ୍ଭୁତ ଏବଂ ଅନନ୍ୟ ବିଶ୍ୱାସ ରହିଛି, ଯାହାକି ବର୍ଷ ବର୍ଷ ଧରି ଚାଲିଆସୁଛି ଏବଂ ସେମାନେ ଆଜି ମଧ୍ୟ ଏହାକୁ ଅନୁସରଣ କରୁଛନ୍ତି। ଏହି ବିଶ୍ୱାସଗୁଡ଼ିକ ମଧ୍ୟରୁ ଗୋଟିଏ ହେଉଛି ଯୁବକମାନେ ପୁରୁଷ ହେବାର ପ୍ରମାଣ। ଯୁବକମାନେ ପୁରୁଷ କି ନାହିଁ ତାହା ସ୍ଥିର କରିବାକୁ, ସେମାନଙ୍କୁ ଏକ କଠୋର ପରୀକ୍ଷାରେ ଉତ୍ତୀର୍ଣ୍ଣ ହେବାକୁ ପଡେ।

ଏଠାରେ ଥିବା ଲୋକଙ୍କ ବିଶ୍ୱାସ ହେଉଛି ଯଦି ଯୁବକମାନେ ନିଜର ପୁରୁଷତ୍ୱ ପ୍ରମାଣ କରନ୍ତି, ତେବେ ସେମାନଙ୍କୁ ଦୁନିଆର ସବୁଠାରୁ ବିଷାକ୍ତ ପିମ୍ପୁଡ଼ିଙ୍କ ଦ୍ୱାରା ଶରୀରକୁ ଆଘାତ ଦେବାକୁ ପଡିଥାଏ। ସବୁଠାରୁ ଆଶ୍ଚର୍ଯ୍ୟର କଥା ଯେ ଗୋଟିଏ କିମ୍ବା ଦୁଇଟି ନୁହେଁ, ବରଂ ଶହ ଶହ ପିମ୍ପୁଡ଼ି ଏକ ସମୟରେ ଯୁବକମାନଙ୍କୁ କାମୁଡିଥାନ୍ତି। ଏଠି ମନେପଡିଯାଏ ଅମିତାଭ ବଚ୍ଚନଙ୍କ ସଂଳାପ ‘ମର୍ଦ କୋ ଦର୍ଦ ନେହିଁ ହୋତା’। ଏହି ନ୍ୟାୟରେ ସେମାନେ ନିଜର ମରଦପଣିବାକୁ ପ୍ରମାଣିତ କରନ୍ତି। ତେବେ ସେମାନଙ୍କୁ ଯନ୍ତ୍ରଣା ହେଉ ନଥିବାକୁ ପ୍ରମାଣିତ କରିବା ସେମାନେ ସେମାନେ ଏକ ବିଶେଷ ପ୍ରକାର ନୃତ୍ୟ ପ୍ରଦର୍ଶନ କରନ୍ତି।

୧୨ ବର୍ଷରୁ ଅଧିକ ପିଲାମାନଙ୍କୁ ଏହି ପରୀକ୍ଷା ଦେବାକୁ ପଡିଥାଏ। ଏହା ପରେ, ସେମାନେ ନିଜ ହାତରେ ଏକ କାଠ ଦ୍ୱାରା ଏହି ବିଷାକ୍ତ ପିମ୍ପୁଡିଙ୍କୁ ନେଇ ନିଜ ଶରୀରରେ ଛାଡନ୍ତି। ଏହା ପରେ ସେମାନେ ପାଖାପାଖି ୧୦ ମିନିଟ୍‌ର ନୃତ୍ୟ ପ୍ରଦର୍ଶନ କରନ୍ତି। ଏହି ସମୟରେ ଅତି କମରେ ସେମାନେ ୨୦ ଥର ଏହି ପିମ୍ପୁଡିଙ୍କୁ ନିଜ ଏହରେ ଛାଡନ୍ତି।

ପ୍ରକାଶଥାଉ ଯେ ଏହି ପିମ୍ପୁଡ଼ି କାମୁଡ଼ିବା ମହୁମାଛି କାମୁଡ଼ିବା ଅପେକ୍ଷା ୩୦ ଗୁଣ ଅଧିକ ଯନ୍ତ୍ରଣା ଦେଇଥାଏ ଏବଂ ଏଥିରେ ବହୁ ବିଷ ମଧ୍ୟ ରହିଥାଏ। ଏହି ପ୍ରଥା ପରେ ଯୁବକମାନଙ୍କୁ ପୁରୁଷ ଭାବରେ ଘୋଷିତ କରାଯାଏ ଏବଂ ସେମାନଙ୍କୁ କୁହାଯାଏ ଯେ ଏହି ଦୁନିଆରେ ଯନ୍ତ୍ରଣା ବିନା କିଛି ନାହିଁ।